Showing 207 results

Rhaglen y seremoni ym Mhrifysgol Cymru, Aberystwyth, 14 Gorffennaf 1990, a rhaglen yn cynnwys sgript cyfarfod Cylch Llenyddol Bro Glyndŵr a gynhaliwyd yng Ngwesty'r Cyfnod, y Bala, i'w longyfarch ar ei radd, Chwefror 1990. Ceir hefyd fwydlen y noson gyda chartŵn o waith E. Meirion Roberts ar y clawr.

Atgofion am ei ddyddiau cynnar yng Nglanrafon ond a ysgrifennwyd yn 1991.

Papurau'n ymwneud â'r cyfnod a dreuliodd yn y brifysgol ym Mangor, gan gynnwys ai atgofion am y blynyddoedd 1934-1938, ynghyd â'i draethawd MA, 1961.

Papurau a osodwyd gan Fwrdd Canol Cymru, 1923; papurau arholiad Prifysgol Cymru, 1934-36, ynghyd â chardiau aelodaeth cymdeithasau, taflen ei seremoni raddio yn BA, 1937 a rhaglen, 11 Gorffennaf 1990, y seremoni pan y'i dyfarnwyd yn Gymrawd er Anrhydedd gan Brifysgol Bangor, a thoriad o'r Cyfnod yn cofnodi'r achlysur.

Dau lyfr nodiadau'n cynnwys nodiadau o Archifau'r Coleg Seisnig yn Rhufain, Archifau'r Fatican ac eraill am y pererinion o Gymru, ynghyd â llythyr oddi wrth olygydd Trivium (Cylchgrawn Coleg Prifysgol Dewi Sant, Llanbedr Pont Steffan) yn ymwneud â'i erthygl 'Welsh Pilgrims at Rome', a gwahanlithoedd o'r erthygl a gyhoeddwyd mewn dwy ran yn y cylchgrawn, 1971-1972. Ceir hefyd ffolder yn dwyn y teitl 'Recusants' sy'n cynnwys ei waith ymchwil a braslun o'i ddarlith 'Rome and Wales', Croesoswallt, 1959.

Papurau, 1926-1992, yn ymwneud â'i waith fel tiwtor addysg i oedolion, ei swydd yng Ngholeg Harlech a'i ddyletswyddau cyhoeddus eraill.

Papurau, [1938]-1992, yn ymwneud â'r cyfnod y bu'n cynnal dosbarthiadau i oedolion dan nawdd Prifysgolion Bangor ac Aberystwyth.

Llyfrau nodiadau, 1939-1963, gan gynnwys cyrsiau ar 'Y cenhedloedd bychain’, 'Hanes Cymru hyd 1890', 'Hanes Llenyddiaeth Gymraeg’, 'Theori wleidyddol’, ynghyd â chyrsiau Ysgol Haf 1950.

Llythyrau, 1953 a 1958, yn ei hysbysu iddo gael ei ailethol yn aelod o Lys Llywodraethwyr Llyfrgell Genedlaethol Cymru am bum mlynedd ychwanegol.

Ceisiadau am swyddi fel Cyfarwyddwr Cynorthwyol Astudiaethau Efrydiau Allanol ym Mhrifysgol Caeredin, [cyn 1955], tiwtor cynorthwyol yn Adran Efrydiau Allanol Prifysgol Bangor, 1955, a darlithydd cynorthwyol yn Adran Gymraeg Coleg y Brifysgol Caerdydd (llenyddiaeth ddiweddar), 1957.

Cyfrol yn cynnwys Pumed Keinc y Mabinogi yn ei law sef parodi ganddo mewn 'Hen Gymraeg' am ddau frawd yn ardal Penllyn, [1976].

Tair stori fydryddol [argraffwyd 25 copi yn breifat yn 1960].

'Casgliad o weithiau preifat ar lun barddoniaeth' yn ei law, 1969-1989.

Torion o’r wasg, [1926]-[1966], gan gynnwys adolygiadau o weithiau Saunders Lewis, o’i golofn ‘Saunders Lewis yn trafod …’ yn Y Faner, a cherddi ganddo.

Copi, 1966, o draethawd BA Anrhydedd 'Imagery and poetic themes of S. T. Coleridge', Prifysgol Lerpwl, 1920, gan Saunders Lewis, ac mae'r gwreiddiol ar gadw yn Llyfrgell y Brifysgol honno.

Llythyrau, 1970, yn ymwneud â chefnogi enwebiad Saunders Lewis ar gyfer Gwobr Nobel (Llenyddiaeth), oddi wrth David Hughes Parry, Idris [Foster], Aneirin Talfan Davies, Proinsias Mac Cana, Rachel [Bromwich], Per Denez, David Jenkins ac eraill. Cyfeiriwyd y mwyafrif ohonynt at J. E. Caerwyn Williams. Ceir copi teipysgrif o'r cais, 1971, a llyfryddiaeth.

Llythyrau, [1965x1987], 1991, gan gynnwys rhai oddi wrth Alun J. Jones, Dafydd Jenkins, R. Elwyn Hughes, John [Stoddart], W. R. P. George, Gareth [Alban Davies], Elin ap Hywel, Gwyn Williams, Rhydwen Williams, cerdd gan Steve Eaves, ynghyd â chyfraniadau llenyddol a anfonwyd i Taliesin.

Llawysgrifau erthyglau a darlithiau, gan gynnwys golygyddol Taliesin, ynghyd â beirniadaethau, darlith ar newyddiaduraeth gyfoes yng Nghynhadledd Taliesin, 1972, adolygiadau i Taliesin, Y Genhinen, Poetry Wales a chyfraniadau i’r Faner, Y Cyfnod, Y Tyst a Barn.

Traethawd 'The sea (in its calm)', 1925, ond a gyflwynwyd mewn cystadleuaeth Cymdeithas Lenyddol Glanrafon yn 1929; 'Apology for the years 1931-33'; 'The Tutor and his class'; 'Holmes and the Chaldean Thesis. A triffling monograph', 1967; stori fer 'The light of John Davitt', ynghyd â llyfr nodiadau 'A Grammar of Eremot', iaith newydd a ddyfeisiwyd ganddo.

Sgriptiau gan gynnwys 'Safonau beirniadaeth', 1949, 'Gwlad y galon' [Yr Eidal], 1955, 'Y ddinas dragwyddol' [Rhufain], 1956, a 'Cynan a chanu rhyfel', rhan o raglen ar gyfer y BBC, 1970.