Showing 3784 results

Cerddi mewn teipysgrif gan gynnwys 'Toriad gwawr' a 'Y Gaeaf', ynghyd â sylwadau arnynt.

Papurau'n ymwneud â sefydlu'r gymdeithas yn Eisteddfod Genedlaethol Aberteifi, 1976, ynghyd â phapurau amrywiol, gan gynnwys trefn pwyllgorau, 1977 a 1980.

Cofnodion cyfarfodydd yr Is-Banel ynghyd â chynnyrch diweddar y prosiect, ac hefyd adroddiad y Cadeirydd am waith y Gweithgor, yn cynnwys copïau o destun yr Atlas gyda nodiadau, problemau, cwestiynau, cywiriadau, diweddariadau, penderfyniadau ac amgymhellion ynglŷn â chynnwys, arddull, argraffu a chyhoeddi'r Atlas, a manylion gwaith y Gweithgor, yn arbennig o ran cyfieithiadau, orgraff a materion yn gysylltiedig â ffurfiau enwau lleoedd, arweddion ffisegol, termau daearyddol a byrfoddau, a llif gwaith y prosiect, gyda phwylais ar gyfraniadau at destun yr Atlas gan aelodau'r Gweithgor a olygwyd gan yr Is-Banel. Ceir hefyd llungopïau o dudalennau Philips' Certificate Atlas.

Mae'r ffeil yn cynnwys llyfr cyfrifon sydd yn cofnodi casgliad misol oedolion a phlant y capel, 1899-1923. Nodir ynddo hefyd gyfrifon y trysorydd ar gyfer 1912 a chyfrifon yr eglwys, 1899-1923.

Llythyrau, 1929-1932, yn ymwneud â gwaith academaidd Erfyl Fychan. Ymhlith y gohebwyr mae J. Glyn Davies (12) a W. Garmon Jones (2), ynghyd â llythyr oddi wrth Idris Bell, 1924 a llythyr, 1924, yn ei hysbysu ei fod wedi'i benodi yn 'Ben Athro' Ysgol Llanerfyl.

Llythyrau, [1953]-[1979], oddi wrth Saunders Lewis yn cynnwys newyddion personol. Mae'n diolch iddi am anfon copi o Iolo iddo [cf 4/5] ac yn dweud iddo ddarllen sylwadau'r beirniaid am y ddrama yn y wasg. Yr oedd wedi gwrthod ei gwahoddiad i ddarlithio yn Eisteddfod Genedlaethol Bro Myrddin 1974. Ceir hefyd lythyr a anfonodd ati wedi iddi dderbyn llawdriniaeth yn Ysbyty Westminster, Llundain, yn 1979. Derbyniwyd llungopïau o'r mwyafrif o'r llythyrau hyn eisoes (Papurau Norah Isaac 146/135 a 211).

Dwy gyfrol gyda'r enw Evan Davies ynddynt, un ohonynt yn cynnwys cerddi ac ysgrifau llawysgrif yn ogystal â thoriadau papur newydd. Mae'r rhan fwyaf o'r toriadau heb eu dyddio, ond mewn un gyfrol ceir rhai dyddiadau rhwng 1863 a 1934, ac yn y gyfrol arall ceir rhai dyddiadau rhwng 1889 a 1890.

Mae'r ffeil hon yn cynnwys llyfr nodiadau a nodiadau eraill mewn Cymraeg, Almaeneg, a Saesneg yn ymdrin â dehongli breuddwydion, ynghyd â chopïau o destunau llawysgrif a rhestrau o fotifau breuddwydion. Yn rhan o'r ffeil ceir llyfr Almaeneg Sonderabruck aus dem..., 1910. Darlledodd Glyn M. Ashton sgwrs radio o'r enw 'Dehongli Breuddwydion', Rhagfyr 1954.

Mae'r ffeil yn cynnwys drafftiau teipysgrif, 1979-1980, o'r nofel Newid ysgol, newid byd (Dinbych, 1984), ynghyd â gohebiaeth, nodiadau a lluniau perthnasol, 1979-1981 a 1983-1984.

Mae'r ffeil yn cynnwys cyfrifon, 1878-1907, y Gymdeithas Ariannol a sefydlwyd 16 Tachwedd 1878.

Copi llawysgrif o atgofion y Parch. W. Glasnant Jones, [1947]-[1948], ar gyfer ei hunangofiant Cyn Cof Gennyf a Wedyn, a gyhoeddwyd yn Y Dysgedydd yn 1947-[1948].

Mae'r ffeil hefyd yn cynnwys copi teipysgrif o gytundeb tir Ty'n Llyn, Abergele, Dinbych, 1866, lle adeiladwyd Capel y Morfa; a chopi llawysgrif o ewyllys, 1960.

Llyfr cyfrifon, 1894-1928, yn nodi cyfraniadau Capel Carmel a'r tri ysgoldy - Cilcwm, Dyffryn a Phantglas. Ni cheir cyfrifon ar gyfer 1929, nodwyd y dyddiad yn unig.

Cofrestr bedyddiadau, 1902-1982, gyda bylchau. Ceir nodyn yn egluro nad yw'r gofrestr yn gyflawn am y blynyddoedd 1930-1946 a 1948-1961, ac mae tudalennau 4-5, 19-24 a 32-34 yn eisiau.