Showing 42 results

Mae'r ffeil yn cynnwys hanes yr achos a ysgrifennwyd, [?1958x1968], gan ddibynnu'n helaeth ar [waith W. Samlet Williams, Hanes Methodistiaeth Gorllewin Morgannwg (Caernarfon, 1916)], rhan o lythyr, [1952x1954], oddi wrth yr Athro T. A. Levi, Aberystwyth, yn nodi ffeithiau am hanes Eglwys Philadelphia; ynghyd â thonau gan D. E. Williams, Treforus.

Mae'r ffeil yn cynnwys tystysgrifau Sal Jenkins, 1908, am bresenoldeb da, ac am lwyddo mewn arholiad yr Ysgol Sul yn 1912; rhaglenni cyfarfodydd sefydlu'r Parchedigion T. P. Nicholas, 1934, R. Hugh Evans, 1944, T. Hywel Davies, 1950 ac Ieuan Jones, 1957; llungopïau o dorion yn adrodd hanes ailagor y capel yn 1935; ffeithiau am y gweinidogion a fu'n bugeilio'r eglwys a'r traddodiad cerddorol yno gyda nodyn bywgraffyddol am yr organydd a'r cyfansoddwr D. E. Williams; nodiadau am y ffenestri lliw o raglen 'Masterpieces in stained glass' a ddarlledwyd gan HTV, 1996; llungopi o hanes yr achos a ddarllenwyd i'r Henaduriaeth yn 1993; ynghyd â llythyrau, 2002, yn ymwneud â symud y ffenestri lliw a'r organ o'r eglwys.

Mae'r gyfres yn cynnwys cofrestri bedyddiadau, 1859-1990, llythyrau aelodaeth, 1898-1991, cofrestri aelodau'r Gymdeithas Ddirwestol, 1899-1914, llyfr cyhoeddiadau pregethwyr, 1889-1933, cofrestr eglwysig, 1899-1944, taflenni ystadegol, 1969-2002, ynghyd â gohebiaeth yr ysgrifennydd, 1956-1995, llythyrau oddi wrth y pensaer, 1995-1999, ac arolygon pensaernïol, 1988-2000.

Mae'r ffeil, 1859-1884, yn cynnwys enw'r plentyn, ei rieni, galwedigaeth y tad a'r gweinidog a'i fedyddiodd.

Mae'r ffeil yn cynnwys gwybodaeth am weinidogaeth yr eglwys, yr aelodaeth, y plant, a derbyniadau a thaliadau, 1969-2002.

Mae'r ffeil yn cynnwys gohebiaeth, 1956, 1964, 1987-1995, yn ymwneud â cheisiadau ariannol ar gyfer gwelliannau i adeiladau'r capel, gwerthu'r Tŷ Capel, gan gynnwys llythyrau oddi wrth Henaduriaeth Gorllewin Morgannwg, CADW, Ymddiriedolaeth Catherine a'r Fonesig Grace James a Chyngor Dinas Abertawe, ynghyd â nodiadau o weithredoedd y capel, 1813-1956, a gedwir gan Henaduriaeth Gorllewin Morgannwg, a llungopi o drosglwyddeb, 1871, am brynu tir i godi festri.

Mae'r ffeil yn cynnwys llythyrau, 1995-1999, oddi wrth Alwyn Jones, pensaer ac ymgynghorwr ar adeiladau hanesyddol, yn ymwneud â chostau, ac amcangyfrifon am y gwaith atgywerio; llythyr, 1999, oddi wrth Heddlu De Cymru ynglŷn â fandaliaeth ar adeiladau'r eglwys; a llythyr, 2003, oddi wrth ysgrifennydd Henaduriaeth Gorllewin Morgannwg, ynghyd ag adroddiad blynyddol am 2002-2003.

Mae'r ffeil yn cynnwys ffurflen adroddiad eiddo, 1988, arolwg, 1996, Alwyn Jones, Pensaer, Caerdydd, ac arolwg Eglwys Bresbyteraidd Cymru, 1999, yn ymwneud â chyflwr yr adeilad a iechyd a diogelwch, ynghyd â nodiadau cyffredinol, 2000, am gapeli'n cau ac yn uno.

Mae'r ffeil yn cynnwys llythyr, 1993, oddi wrth CADW yn nodi fod yr adeilad wedi'i restru fel un o ddiddordeb pensaernïol a hanesyddol; llungopïau o ddeunydd ym meddiant Comisiwn Brenhinol Henebion Cymru yn ymwneud â hanes pensaernïol Eglwys Philadelphia ac o ffynonellau printiedig eraill; torion o'r wasg, [1998]-2002, yn ymwneud ag argyfwng capeli yn gyffredinol; llungopïau o ffotograffau o'r capel; ynghyd â llythyr, 2003, oddi wrth Cyngor Gweithredu Gwirfoddol Cymru.

Mae'r ffeil, 1884-1982, yn cynnwys enw'r plentyn, ei rieni, galwedigaeth y tad a'r gweinidog a'i fedyddiodd, ynghyd â llythyr, 1899, yn rhoi amcangyfrif o bris codi cofadail ym mynwent Capel Philadelphia.

Mae'r ffeil, 1951-1990, yn cynnwys dyddiad geni a bedyddio'r plentyn, ei enw, ei rieni, galwedigaeth y tad a'r gweinidog a'i fedyddiodd. Mae adran y marwolaethau yn wag.

Mae'r ffeil, 1875-[1890], yn cynnwys bonion llythyrau aelodau a drosglwyddodd eu haelodaeth o Philadelphia i gapeli eraill.

Mae'r ffeil yn cynnwys enwau a chyfeiriadau'r plant oedd yn cefnogi dirwest, 1899-1913, a'u hoedran.

Mae'r ffeil yn cynnwys enwau a chyfeiriadau'r oedolion oedd yn cefnogi dirwest, 1899-1914.

Mae'r ffeil yn cynnwys enwau'r pregethwyr a wahoddwyd i bregethu fesul Sul, 1889-1933.

Mae'r ffeil, 1899-1950, yn cynnwys manylion am dderbyn plant yn gyflawn aelodau, y ddyled, bedyddiadau, marwolaethau, cyrddau blaenoriaid a materion eraill.

Mae'r ffeil, 1898-[1922], 1991, yn cynnwys bonion llythyrau aelodau a drosglwyddodd eu haelodaeth o Philadelphia i gapeli eraill.

Mae'r gyfres yn cynnwys llyfrau casgliad y Weinidogaeth, 1905-2002, llyfrau'r eisteddleoedd, 1913-1939, llyfrau cyfrifon, 1917-2003, ac amcangyfrifon am system wres canolog a chostau eraill, 1932-1957.

Mae'r ffeil yn cynnwys enwau, cyfeiriadau a chyfraniadau'r aelodau, 1905-1915.

Mae'r ffeil yn cofnodi derbyniadau a thaliadau, 1957-1982, gan gynnwys y weinidogaeth, yr Ysgol Sul a chronfa atgyweirio'r eglwys, 1976.