Showing 66 results

Mae'r archif yn adlewyrchu diddordebau amrywiol Dr Iorwerth Hughes Jones, ac yn cynnwys gohebiaeth, papurau personol, nodiadau, ffotograffau, torion papur newydd, a phapurau a dderbyniodd gan eraill.

Gohebiaeth rhwng Dr Iorwerth Hughes Jones a gwahanol unigolion a sefydliadau, 1924-1972.

Llythyrau, 1924-1972, oddi wrth nifer o ohebwyr gwahanol at Dr Iorwerth Hughes Jones yn bennaf (ceir rhai llythyrau at ei wraig a'i dad). Mae'r llythyrau hyn yn trafod amrywiol bynciau megis materion celfyddydol a llenyddol; pynciau hanesyddol ac archaeolegol; enwau lleoedd; materion meddygol; gwleidyddiaeth, ac yn arbennig, gwleidyddiaeth Gymreig, gan gynnwys yr ymgyrch dros Senedd i Gymru, materion Plaid Cymru a llwyddiant etholaethol Dr Iorwerth Hughes Jones; materion cyhoeddus yr oedd Dr Iorwerth Hughes Jones yn ymwneud â hwy, megis ymgyrchoedd lleol, a'i aelodaeth ag amrywiol cymdeithasau a mudiadau; ceir cyfeiriadau at yr Ail Ryfel Byd mewn rhai llythyrau; ac yn ogystal â hyn oll fe geir llythyrau sydd yn fwy personol eu naws.

Llythyrau oddi wrth Ambrose Bebb a Mrs Coombe Tennant ('Mam O Nedd'), 1943-1966.

Llythyrau oddi wrth Dafydd Miles, Donald Moore, John Jenkyn Morgan, Prys Morgan, T. J. Morgan, Percy Morris, F. J. North a J. Dyfnallt Owen, 1936-1972.

Llythyrau oddi wrth Iorwerth Peate, D. Rhys Phillips, Edgar Phillips, Mati Rees, T. Ifor Rees, Keidrych Rhys, Brinley Richards, Melville Richards, D. O. Roberts, Elwyn Roberts, Gomer M. Roberts, Glyn Simon a J. Beverley Smith, 1937-1964.

Llythyrau oddi wrth Ceinwen Thomas, I. R. Thomas, John Ormond Thomas (at y Parch. W. Glasnant Jones), D. J. Williams, Gwilym Owen Williams, Ifor Williams, John L. Cecil Williams a Stephen J. Williams, 1933-1971.

Llythyrau gan ohebwyr nad yw eu henwau yn eglur, 1937-1968.

Llythyrau oddi wrth David Bell, arlunydd a bardd a wnaethpwyd yn guradur Oriel Gelfyddyd Glyn Vivian, Abertawe, yn 1951, a llythyrau yn trafod Saunders Lewis, [1935]-1959.

Llythyrau gyda nifer o ohebwyr gwahanol yn trafod carchariad Saunders Lewis a'i iechyd tra yn y carchar, ynghyd â chopi o gwestiynau a holwyd iddo mewn cyfarfod yn Nhŷ Cyfarfod y Crynwyr, yn Heol Fawr, Abertawe, yng nghanol y 1930au, [1935]-[1937].

Llythyrau oddi wrth David Bell, 1951, 1958-1959, yn trafod materion celfyddydol a'i iechyd; llythyrau oddi wrth meddygon, ei wraig a'i deulu, yn trafod ei salwch, 1958-1959; ynghyd â threfn ei wasanaeth angladd, a thaflenni teipysgrif yn ymwneud â materion celfyddydol.

Llythyrau oddi wrth sefydliadau Cymreig, 1943-1972, sef Llyfrgell Genedlaethol Cymru, Amgueddfa Genedlaethol Cymru, Amgueddfa Werin Cymru, Coleg Prifysgol Abertawe, Adran Llyfrgelloedd Cyhoeddus Bwrdeistref Sir Abertawe, Ysbyty Morriston, ac E. D. Jones a David Jenkins, cyn-lyfrgellwyr Llyfrgell Genedlaethol Cymru. Mae'r llythyrau hyn yn bennaf yn diolch i Dr Iorwerth Hughes Jones am ei gyfraniadau i'r sefydliadau hyn, er bod naws lled-bersonol i rai o'r llythyrau hefyd.

Papurau yn ymwneud â diddordebau'r Dr Iorwerth Hughes Jones, 1823, [1919]-1972, megis hanes, celfyddyd a llenyddiaeth.

Papurau yn ymwneud â gwahanol feysydd hanesyddol yr oedd y Dr Iorwerth Hughes Jones yn ymddiddori ynddynt, 1823, [1919]-[1972], sef hanes lleol, enwau lleoedd, hanes gwrthrychau, hanes Lady Barham a hanes meddygon a meddyginiaeth. Mae yma gymysgedd o ddeunydd megis llythyrau, nodiadau ymchwil, torion papur newydd, llawysgrifau, llyfrynnau a lluniau.

Papurau yn ymwneud ag ymchwil ar hanes lleol, [1919]-1970, gan gynnwys nodiadau amrywiol ar bynciau a phobl lleol; cerdyn â darlun o dad Ceri Richards arno; nodiadau a llythyr ar y Parch. Isaac Williams; nodiadau ar academi Crwys; nodiadau ar gyfer anerchiad ar hen lyfr eglwys Cilfwnwr (nid yn llaw y Dr Iorwerth Hughes Jones); rhaglen cyfarfodydd sefydlu yn Eglwys Annibynnol y Crwys; llyfr nodiadau ar wahanol gapeli yn cynnwys Ebeneser, Dunvant, yn llaw y Parch. W. Glasnant Jones o bosibl; pennill traddodiadol ar Gastell Ystumllwynarth; nodiadau ar y teulu Mansel; nodiadau ar Cila a'r enw Cila; llun o deulu Lewis, Cila; nodiadau ar Wernllath; nodiadau ar, a lluniau o, Gellihir; cynllun o Gellihir; bwndel o achau teulu; hanes y diwidiant copr yn Abertawe; erthygl papur newydd ar hanes Abertawe wedi'i hysgrifennu gan y Dr Iorwerth Hughes Jones; llyfrau nodiadau, un â nodiadau wedi eu cymryd o lyfr R. Rees, hen ysgolfeistr y Crwys ac un ar hanes achos yr Annibynnwyr yn y Crwys; lluniau o Ysgol John Evans y Crwys; amlenni yn cynnwys lluniau a nodiadau ar, a gan, R. Lewis John; lluniau o Sgwd Gwladys; a thorion papur newydd yn ymwneud â hanes lleol.

Llythyrau a nodiadau yn trafod yr enw Cila, 1954-1957.

Nodiadau a llun yn ymwneud â hanes gwrthrychau arbennig, [1930-1972], sef Cloch Gŵyr a Chist Gŵyr.

Papurau yn ymwneud â hanes Lady Barham (Diana Noel, 1762-1923) a'i theulu, 1823-1971, gan gynnwys llythyrau oddi wrth amrywiol ohebwyr, deunydd ymchwil, nodiadau amrywiol, nodiadau sydd ddim yn llaw y Dr Iorwerth Hughes Jones, copïau teipysgrif a llawysgrif o hen lythyrau, ffotogopïau o hen lythyrau, llythyr gwreiddiol at Julia Noel, 1823, a lluniau o wrthrychau yn ymwneud â hanes y teulu Barham.