Showing 672 results

Sefydlwyd Eglwys Gynulleidfaol Gymraeg Severn Road, Canton, Caerdydd, yn y flwyddyn 1867. Caeodd ym 1979 ac fe'i droswyd erbyn hyn yn fosg Billal. Mae'r ohebiaeth yn bennaf ynglŷn â chau y capel a gwerthu'r adeilad, 1980.

Cychwynnwyd achos Eglwys Gynulleidfaol Bethesda, Tywyn, sir Feirionnydd, yn y flwyddyn 1804. Ar ddiwedd y 19eg ganrif, adeiladwyd capel newydd, a gynlluniwyd gan T.E.Morgan, Aberystwyth, Ceredigion. Yn gynnar yn yr ugeinfed ganrif, adeiladodd yr eglwys fans yn ogystal, ar gyfer y gweinidog.

Sefydlwyd Cymdeithas Emynau Cymru yn 1968 er mwyn hybu diddordeb mewn emynau Cymraeg ac emyn-donau. Cynhyrchodd cyhoeddiad blynyddol, Bwletin Cymdeithas Emynau Cymru, yn cynnwys adroddiadau ar ymchwil yn y pwnc.

Cynhaliwyd Gŵyl Geltaidd flynyddol Aberystwyth am y tro cyntaf yn Chwefror 1979.

Mudiad cenhadol cyd-enwadol Cristnogol oedd Yr Ymgyrch Newydd yng Nghymru, a fu'n weithredol o 1944 hyd 1952.

Dŵr Cymru yw'r cwmni rheoledig sy'n darparu gwasanaethau cyflenwi dŵr a charthffosiaeth i dros dair miliwn o bobl yng Nghymru ac i rai ardaloedd yn Lloegr.

Ffurfiwyd Cymdeithas Cofeb Beca er mwyn codi arian i greu cofeb i goffáu Terfysg Beca yn 1839. Lleolwyd Cofeb Beca yn Efailwen, sir Gaerfyrddin (sir Benfro erbyn hyn). Fe'i dadorchuddiwyd gan yr Athro David Williams, Aberystwyth, ym Mai 1964.

Roedd Cylch y Pump ar Hugain yn gymdeithas llenyddol yn Lerpwl. Fe'i ffurfiwyd yn 1932 a pheidiodd â bod yn 1981.

Cwmni cyhoeddi a leolwyd ym Mhenygroes, sir Gaernarfon, ar ddiwedd y 1970au a'r 1980au, oedd Cyhoeddiadau Mei. Y rheolwr oedd Dafydd Meirion o Benygroes. Cyhoeddai llyfrau Cymraeg i oedolion a phlant a rhai ar hanes lleol. Caeodd y busnes yn 1993 oherwydd problemau ariannol.

Sefydlwyd Undeb Cyhoeddwyr a Llyfrwerthwyr Cymreig (Union of Welsh Publishers and Booksellers) fel cymdeithas masnachu. Un o'i amcanion oedd lobïo am gefnogaeth y llywodraeth i wrthweithio anawsterau economaidd a wynebai cyhoeddi yn y Gymraeg yn sgil rhediadau argraffu byr. Yn 1951, cyflwynodd femorandwm ar y pwnc i Gyngor Cymru a Mynwy, a arweiniodd at sefydlu Pwyllgor Cyhoeddi Llyfrau Cymraeg a chyfundrefn o grantiau i gyhoeddwyr. Parhaodd i weithredu hyd yr 1980au, gan ddefnyddio'r teitl Saesneg, Union of Welsh Publishers and Booksellers.

Sefydlwyd Undeb Dirwestol Dyffryn Taf yn Llanfyrnach, sir Benfro, yn ystod Diwygiad Anghydffurfiol 1905, gan gynnal gŵyl ddirwestol flynyddol (Y Gymanfa Ddirwestol) a weinyddwyd gan Bwyllgor yr Ŵyl. Parhaodd i weithredu tan 1949.