Dangos 57876 canlyniad

Gwraig Iorwerth Peate oedd Annie Davies, (1900-1986), neu Nansi fel yr adwaenwyd hi. Derbyniodd ei haddysg yn Ysgol Sir Machynlleth a Phrifysgol Cymru Aberystwyth. Priododd â Iorwerth Peate yn 1929.

Roedd George Howard Peate (1869-1938) yn dad i Iorwerth Peate. Bu'n brentis gyda'i dad cyn symud i Lundain yn 1892, ond dychwelodd i weithio fel saer ac adeiladydd ym mhlwyf Llanbryn-mair pan drawyd ei dad yn wael. Gyda'r dirywiad yn y galw am waith crefftwyr cafodd swydd fel swyddog presenoldeb plant ysgol. Roedd yn ddyn amryddawn; dilynodd ei dad yn ohebydd i'r Faner, gallai ysgrifennu â llaw fer, ac ymddiddorai mewn ffotograffiaeth a chadw gwenyn. Priododd ag Elizabeth Thomas (1872-1948) yn 1897, a chawsant dri o blant: Dafydd Morgan, Iorwerth Cyfeiliog a Morfudd Ann Mary Peate.

Roedd David Peat, neu Peate yn ddiweddarach, (1831-1896) yn daid i Iorwerth Peate. Bu'n gweithio fel saer olwynion, saer, paentiwr, gwydrwr, a phapurwr. Priododd â Mary yn 1857, a chawsant dri o feibion, John Morgan, Alexander Lewes Morgan, a George Howard. Disgrifir ef yn 'radical pybyr', ac roedd yn gyfeillgar â Samuel Roberts, Michael D. Jones a Thomas Gee.