Showing 2970 results

Sefydlwyd Swyddfa Ganolog Eisteddfod Genedlaethol Cymru yn 1978 i baratoi gwaith ar gyfer yr Eisteddfod, yr ŵyl ddiwylliannol flynyddol a gynhelir mewn lleoliad gwahanol bob blwyddyn. Dyma brif ddigwyddiad diwylliannol Cymru, gyda'i gwreiddiau yn y canol oesoedd: fe'i hadferwyd yn y 18fed ganrif fel gŵyl gystadleuol flynyddol o gerddoriaeth, llenyddiaeth a'r celfyddydau sydd yn meithrin yr iaith Gymraeg. Pwyllgor gwaith yr Eisteddfod yw y Cyngor, sydd yn gyfrifol am ddewis y lleoliad a chynnwys pob cyfarfod; mae'r Swyddfa Ganolog yn gweithredu yn gefn i'r Cyngor.

Bu David James Williams (1870-1951) o Gaerffili, Morgannwg, yn gweithio yn y lofa cyn mynd yn ddisgybl i Ysgol Pengam. Yn 1886 enillodd ysgoloriaeth i Goleg Llanymddyfri, sir Gaerfyrddin, ac yna i Goleg Caerwrangon, Rhydychen, Lloegr. Bu'n athro yn Wolverhampton, Lloegr, cyn cael swydd prifathro Ysgol Sir Bethesda, Bethesda, sir Gaernarfon. Roedd yn flaenor yng Nghapel yr Annibynwyr ym Methesda. Bu'n gadeirydd Coleg Bala-Bangor, a lluniodd hanes y coleg, 'Hanes Coleg Bala-Bangor', a geiriadur bywgraffiadol o'r staff, a rhestri o'r myfyrwyr.