Showing 44 results

Llyfr lloffion yn ymwneud ag isetholiad Maldwyn 1962. Yr oedd Islwyn Ffowc Elis yn ymgeisydd ar ran Plaid Cymru.

Pregethau a draddodwyd ganddo, [1964]-[1997]. Cofnodir enw'r eglwys ar y bregeth, yn arbennig Eglwys Shiloh, Llanbedr Pont Steffan.

Mae'r ffeil yn cynnwys drafft llawysgrif drama o'r enw 'Salvator Jones', (hanes yr hynod Salvator Jones, proffwyd y dyfodol). Ceir hefyd nodiant sol-ffa ar gyfer caneuon ac unawdau sy'n rhan o'r ddrama.

Mae'r ffeil yn cynnwys drafftiau llenyddol amrywiol - erthygl am 'Blwyddyn Gweinidog', dyddiadur dychmygol, colofn olygyddol ar gyfer Y Ddraig Goch, a geiriau ar gyfer cân.

Mae'r ffeil yn cynnwys stori anghyflawn, dyddiadur dychmygol, cerddoriaeth mewn nodiant sol-ffa, nodiadau ar grefyddau Groeg a Rhufain, ac erthygl ar 'Yr Ymerodraeth Olau, apologia'r mabinogiaid newydd'.

Mae'r ffeil yn cynnwys nodiadau ar gyfer darlithoedd ar ysgrifennu creadigol, y nofel, y stori hir, ac 'Awduron at iws gwlad', yn ystod cyfnod Islwyn Ffowc Elis fel darlithydd a darllenydd yn y Gymraeg yng Ngholeg Prifysgol Dewi Sant, Llanbedr Pont Steffan.

Mae'r ffeil yn cynnwys un ar ddeg llythyr oddi wrth Kate Roberts at Islwyn Ffowc Elis yn trafod Tywyll Heno, a beirniadaeth cystadleuaeth y fedal ryddiaith yn Eisteddfod Genedlaethol Dyffryn Maelor, 1961, ymhlith materion eraill.

Mae'r ffeil yn cynnwys naw llythyr oddi wrth D. Tecwyn Lloyd at Islwyn Ffowc Elis. Mae un o'r llythyrau yn anghyflawn.

Llythyrau yn ymwneud â'r radd DLitt (Prifysgol Cymru) er anrhydedd a ddyfarnwyd iddo yn 1993, ei ethol yn Gymrawd Anrhydeddus o Brifysgol Cymru - Coleg y Drindod, Caerfyrddin yn 1994 a Phrifysgol Cymru Bangor yn 1995, ynghyd â thystysgrifau a gyflwynwyd iddo yn y seremonïau.

Mae'r ffeil yn cynnwys papurau, 1966-1969, yn ymwneud ag ymgyrchoedd etholiadol Plaid Cymru, yn cynnwys taflenni etholiadol, gohebiaeth, a phapurau'r grŵp ymchwil.

Llythyrau, 1977-1991, gan gynnwys llythyrau oddi wrth yr Athro A. Shisha-Halevy, Jerwsalem, ac oddi wrth Svetoslav Kolev, Sofia, 1980, a gyfieithodd stori fer 'Y polyn' i'r Fwlgareg ac a gyhoeddwyd mewn papur dyddiol yn 1977 sy'n gynwysedig.

Copi o'r Arloeswr, Gaeaf 1959, yn cynnwys y gerdd 'Perthyn' ganddo a'i drosiad o Efengyl Mathew i Gymraeg diweddar (1961).

Mae'r ffeil yn cynnwys ugain llyfr nodiadau yn cynnwys y drafft llawysgrif cyntaf o'r nofel Cysgod y Cryman (1953). 'Lle oeda'r Cryman' yw teitl y nofel yn y tri llyfr nodiadau cyntaf, ond mae'r teitl yn newid i 'Cysgod y Cryman' yn y pedwerydd llyfr. Mae'r llyfrau wedi cael eu rhifo mewn trefn gan yr awdur.

Mae'r ffeil yn cynnwys naw llyfr nodiadau yn cynnwys y drafft llawysgrif cyntaf o'r nofel Ffenestri Tua'r Gwyll (1955). 'Y Tŵr Ifori' yw teitl y nofel yn y llyfrau nodiadau. Mae'r llyfrau wedi cael eu rhifo mewn trefn gan yr awdur, 1-8, ac mae llyfr ychwanegol yn cynnwys nodiadau ar gynllun y nofel. Ceir hefyd broflenni o benodau 52 a 53, lle mae'r testun yn wahanol i'r fersiwn gyhoeddedig, a llythyr yn llaw'r awdur at y cyhoeddwr yn trafod cynnwys penodau olaf y nofel.

Mae'r ffeil yn cynnwys copi teipysgrif o ddrama gan Islwyn Ffowc Elis o'r enw 'Huws & Co.' a ddarlledwyd gan BBC Cymru ar 19eg Mehefin 1954. Mae'r dudalen glawr yn rhestri enwau'r actorion a'r cantorion.

Mae'r ffeil yn cynnwys llyfr nodiadau a nifer o ddalennau rhydd, yn cynnwys drafft llawysgrif o ddarnau o ddramâu o'r enw 'Doctor Wyn', 'Yr Anhygoel Huws' ac eraill di-deitl. Ceir hefyd feirniadaeth ar gystadleuaeth y bryddest yn Eisteddfod Trefeglwys, caneuon gyda nodiant sol-ffa, a nodiadau amrywiol eraill.

Mae'r ffeil yn cynnwys sgriptiau radio'r BBC, 1960-1963, a chopïau teipysgrif o sgyrsiau radio, erthyglau, a deunydd amrywiol.

Mae'r ffeil yn cynnwys drafftiau o ysgrifau a gyhoeddwyd yn Cyn Oeri'r Gwaed (1952), sef 'Sut i Yrru Modur', 'Dyn yw Dyn', 'Mynd i'r Lleuad', 'Pe Bawn i'n Wybedyn', 'Tai', a 'Cyn Mynd'. Ceir hefyd nodiadau ar bynciau crefyddol a gwleidyddol.

Mae'r ffeil yn cynnwys adroddiad ar sasiwn Unedig Aberystwyth ar gyfer Y Goleuad, geiriau'r gân 'Mae gen i long o arian', erthygl am Gymru, a beirniadaethau.

Mae'r ffeil yn cynnwys erthyglau gan Islwyn Ffowc Elis, ar faterion Cristnogol a chenedlaetholaidd, a ymddangosodd yn y cylchgronau Y Wawr (Cangen Prifysgol Cymru Aberystwyth o'r Blaid Genedlaethol), Y Greal (Coleg Diwinyddol Aberystwyth), Yr Efrydydd (Mudiad Cristnogol y Myfyrwyr), Y Crynhoad, a'r Drysorfa (Methodistiaid Calfinaidd), 1949-1955, a dim dyddiad.