Showing 2413 results

Mae'n hoffi'r lle cystal yn y gaeaf [ag yn yr haf]. Disgwyl gweld KR ymhen yr wythnos. Cerdyn post. Saesneg/English.

Mae'n sylwi, o'i llythyr, fod KR yn gorweithio. Ni ddylai fod wedi addo ysgrifennu colofn fisol i Tegla [Davies]. Gwell fyddai iddi ysgrifennu ychydig pan ddôi'r awen. Sôn am ddigwyddiad rhyfedd tra'n pregethu yn Falmouth Road. Rhaid mai math o freuddwyd neu weledigaeth oedd y cwbl. Cafodd brofiadau tebyg. Y mae fel petai yn rhodio mewn gwlad hud a lledrith. Bu'n pregethu yn Nhrawsfynydd dros y Nadolig.

Mae'n amgau tocyn aelodaeth KR ar ran capel Bethania (M.C.) Aberdâr. Hydera ei bod yn mwynhau ei gwyliau. Bu ef a'r teulu i Lwyngwril wythnos ynghynt. Tocyn aelodaeth KR.

Diolch iddi am [O Gors y Bryniau] a dderbyniasai y bore hwnnw. Darllenodd y ddwy stori gyntaf cyn gollwng y gyfrol o'i law. Nid yw'n syn fod y chwarel yn chwarae cymaint o ran yn ei storïau o gofio ei chefndir yng Nghae'r Gors. Atgofion am Gaernarfon lle bu'n darllen Hanes a Chân ac Ystên Sioned iddi hi a'i chyfoedion. Ychydig a feddyliodd fod llenores mor enwog yn eistedd wrth ei draed. Maent newydd symud i dy newydd a godwyd gan yr eglwys [Hyfrydle, (M.C.), Caergybi] ar gost o ddwy fil o bunnau.

Ymddiheuro am fod cyhyd cyn cyhoeddi'r cyfieithiad Llydaweg o stori KR "Y Wraig Weddw". Hydera ei bod wedi derbyn y copïau o Gwalarn a anfonodd ati. Mae awch mawr am ddarllen pethau Cymraeg yno. Bu cryn ddiddordeb yn ei gwaith. Cyfieithodd ddrama hefyd o waith A. O. Roberts sy'n debyg o deithio o gwmpas. Pa ddramâu eraill a fyddai'n addas i'w cyfieithu o'r Gymraeg i'r Llydaweg. Ymddiheuro am beidio ag ysgrifennu yn Gymraeg. Nid yw wahaniaeth ganddo ysgrifennu Saesneg gwael ond nid yw'n fodlon ysgrifennu Cymraeg gwael. Saesneg/English.

Diolch am lythyr ac am anfon drama. Bydd yn addas iawn ar gyfer ei chyfieithu. Hoffai dderbyn rhywfaint o waith 'Twm o'r Nant'. Maent yn llanw'r bylchau yn eu hiaith trwy gyfieithu eitemau Cymraeg a Gwyddeleg. Dechreuwyd cyfieithu'r Mabinogion a rhai chwedlau Gwyddelig. Awgrymu ardaloedd o Lydaw a fyddai'n addas ar gyfer gwyliau haf. Saesneg/English.

Llythyr sy'n egluro'r gost o argraffu Deian a Loli. Awgrymir y ffordd synhwyrol o symud ymlaen gyda'r fenter.

Maent wedi anfon 24 copi o Deian a Loli iddi ar y trên. Rhestr o gopïau a anfonwyd at eraill. Maent wedi cynhyrchu mil o gopïau. Saesneg/English.

Llythyr ysmala yn amgau drama-gerdd a luniwyd ar gyfer Cymrodorion Aberdâr. Hydera fod prysurdeb yr arholiadau drosodd bellach. Sgript "Cainc y Pum Aderyn" yn llaw T Rowland Hughes ynghyd â chopïau carbon o'r caneuon.

Datganiad ynglyn ag argraffu Deian a Loli. Saesneg/English.

Anfon cyfrif am argraffu Deian a Loli y mae £34 17s 3c yn dal yn ddyledus. Y mae 413 o gopïau o'r mil cyntaf yn dal heb eu gwerthu. Saesneg/English.

Diolch am dâl o £54 2s 6c ar gyfrif Deian a Loli. Mae'r llyfrwerthwyr yn mynnu 331/3% o gomisiwn. Dylai'r gwerthiant wella o Ebrill ymlaen wrth i amgylchiadau cyffredinol wella. Derbynneb swyddogol. Saesneg/English.

Taleb a derbynneb am 8/3c am gopïau ychwanegol o Deian a Loli. Saesneg/English.

Mae'n bwriadu dod i Aberdâr ar y trên sy'n gadael Tonypandy am 1.24 ddydd Sadwrn. Cerdyn post.

Anfon datganiad am werthiant Deian a Loli hyd at 31 Ionawr 1928 a cheir rhestr o'r rhai a dderbyniodd gopïau. Saesneg/English.

Darllenodd stori Nadolig KR yn Y Genedl a'i mwynhau er ei fod yn cytuno â barn R. W[illiams] P[arry] nad yw hi ymysg pethau gorau KR ["Y Gwynt", Y Genedl (26 Rhag. 1927), t 6]. Mae'n bwriadu dehongli meddwl KR rhyw ddydd mewn ysgrif yn Y Llenor. Bydd yn dda ganddo ddarllen cyfrol ei brawd ar y chwareli hefyd. Diolch iddi am gofiant i 'Glasynys' [Owen Wynne Jones, 1828-70], y mae'n gampus. Nodi ei brysurdeb a'r gwaith sydd ganddo ar ei feddwl. Hoffai pe bai rhywun yn cymryd Y Ddraig Goch oddi arno ond y mae am gadw ymlaen nes bo'r Blaid ar ei thraed. Cafodd gip ar Garadog Prichard ychydig ddyddiau yng nghynt.

Anfonodd at H. R. Jones i ofyn a gaiff weld ei anerchiad. Siom fawr oedd yr etholiadau sirol. Dim ond pynciau dibwys a drafodwyd ynddynt ar wahân i'r De, lle trafodwyd problemau Sosialaeth. Mae'r toriad o'r Genedl a anfonodd Kate Roberts ato yn profi hynny hefyd. Clywodd gan W.J.G. bod ganddi ysgrif ar gyfer Y Llenor ["Caeau", Y Llenor, cyfrol VII (1928), tt 93-5]. Saunders Lewis yn ymateb i sylw KR ei bod yn rhy hapus i ysgrifennu. Nid yw wedi dechrau ysgrifennu am "Lasynys". Mae'n ysgrifennu am Ddaniel Owen ar hyn o bryd. Cafodd hwyl ar bennod gyntaf Daniel Owen. Ar ôl gorffen ysgrifennu y diwrnod cynt fe brynodd bum potel o win ardderchog 1916 o winllan Chateau Beychevelle. Mae'n holi pa anrheg priodas y caiff ei anfon iddi. Hen siwg gwrw a anfonodd i Brosser Rhys. Mae'n hoffi prynu pethau i'w rhoi i gyfeillion sy'n yfwyr. Mae'n bwrw'r Pasg yn Lerpwl gyda hen gyfaill sy'n fardd Saesneg da ac yn feddyg. Yna mae'n mynd i sir Gaerfyrddin i weithio dros y Blaid am wythnos gron, un rhan o waith y Blaid sy'n gwbl ffiaidd ganddo. Mae Cynan yn ôl ymhlith y Rhyddfrydwyr, ychydig ynghynt dywedid ei fod wedi ymuno â'r Blaid Genedlaethol. Y mae Ein Tir yn bapur da iawn, yn llawn lluniau ac ysgrifau poblogaidd. Mae ganddo'r holl rinweddau y mae'r Ddraig Goch yn ddiffygiol ynddynt. Mae cyfieithu Prosser Rhys yn wych.

Ymateb i'r newydd fod KR am briodi Morris T. Williams. Ei ymateb ef i briodi. Dylai ei huniad fod yn batrwm o gydnawsedd a chyd-ddealltwriaeth ysbrydol. Hyderu y caiff y cyfle i'w croesawu i Abergwaun yn y dyfodol agos. Englyn gan Waldo a gyfansoddwyd yn fyrfyfyr pan fu ar ymweliad â chyfarfod o'r Blaid yn sir Gaerfyrddin a neb yn bresennol. Sylwi mai yn Aberystwyth y maent yn bwriadu byw ar ôl priodi. Mae cynnyrch Gwasg Aberystwyth yn dal i swyno a synnu dyn.

Awgrym cellweirus am stori fer. Cafodd bennod gyntaf ei nofel yn ôl oddi wrth E. Prosser Rhys [Monica]. Hanesyn creulon oedd hwnnw am ei brawd a'r dyledwr. Canmol ei herthyglau yn Y Ddraig Goch. Nid yw'n dymuno llwyddiant llenyddol er bod y gwaith politicaidd yn ei ddwyn i sylw'r werin. Mae hefyd yn ofni tipyn ei fod yn Babydd er mwyn ei esgymuno ei hun.

Diolch am awgrymiadau ar sut i wella dialog pennod o'i nofel [Monica]. Rhaid ei bod mewn ffwdan yn ffarwelio ag ysgol a gwaith. Mae'n hyderu'n fawr na chollir yr awdur straeon byrion wrth iddi briodi.