Cafodd bleser mawr o ddarllen Y Lôn Wen - chwerthin yn iawn un funud a'r dagrau'n cronni y funud nesaf gyda hiraeth am Rosgadfan a'r hyn a fu. Bu hithau'n gwneud yr un pethau â KR er nad yw yn ddim ond hanner ei hoed. Mae'n cofio ei thad yn sôn am gymeriadau'r Lôn Wen. Atgofion am fam KR a sôn am ei hynafiaid yn Rhosgadfan. Mae'n falch ofnadwy mai yn Rhosgadfan y treuliodd ei blynyddoedd cyntaf.
Ymddiheuro am fethu â dod i gyfarfod. Cynnwys syniadau Dr Gwilym Arthur Jones am fathodyn i Ysgol Gymraeg Dinbych ac awgrymu dewis enw i'r ysgol. Os yw'r arian yn caniatáu byddai'n ddymunol cael telyn yn ogystal. Mae Mrs Frances Môn Jones yn dysgu telyn yn Ysgol Howells a gallai alw yn yr Ysgol Gymraeg yn yr un modd. Byddai cael recordydd tâp i'r ysgol yn gaffaeliad hefyd. Byddai'r Pwyllgor Addysg yn talu am hwnnw pe cyfrennid 30% ato. Gofyn am gael gostwng y pegiau yn yr ystafell fawr. Cynlluniau bathodynnau.
Hoffai dderbyn stori fer KR ar gyfer rhifyn cyntaf [Taliesin]. Mae ganddo ormod o erthyglau a rhy ychydig o weithiau creadigol. Llongyfarch KR ar [Y Lôn Wen]. Cymharu'r hunangofiant gydag un D. J. [Williams] - "calon lac yw calon D. J., ac ychydig sydd ganddo o ymennydd neu ddeall. 'Rydych chwi yn llenor deallus; y mae gennych ddisgyblaeth haearnaidd arnoch chi eich hun". Ni fydd yng nghyfarfod yr Academi yn Nolgellau gan ei fod yn mynd ar daith awyr i Balestina gan alw yn Athen am ddiwrnod.
Cafodd ef a'i wraig flas anghyffredin ar Y Lôn Wen. Dweud bod John W. Davies a grybwyllir gan KR ym mhennod VII 'Fy Nheulu', yn perthyn iddo a bod yr ohebiaeth a grybwyllir ganddi yn ei feddiant. Y mae ef wedi ymddeol o weithio ar y rheilffordd.
Bu'n darllen Y Lôn Wen tra'n sâl dros y Nadolig. Sôn am golli ei fam yn 86 oed, roedd ganddi hithau atgofion tebyg. Bu hefyd yn darllen Atgofion Cardi Dr Tom Richards.
Cafodd gyfle i ddarllen Y Lôn Wen tra'n aros yng Ngherrigydrudion a chafodd fwynhad mawr o'i ddarllen. Mae'n cofio cerdded draw i Gae'r-gors o'r Waunfawr tua'r Sulgwyn 1922 a chyfarfod â mam Kate Roberts.
Datgan ei bleser o ddarllen Y Lôn Wen. Mae ef yn frodor o Nebo ac yr oedd ganddynt hwy eu 'Lôn Las' hefyd. Sôn am lyfrau eraill gan KR a roddodd fwynhad iddo. Cafodd y fraint o fynd i ddosbarthiadau WEA R. Williams Parry a chael goleuni newydd ar storïau O Gors y Bryniau. Hoffai ei phenodi yn aelod cyntaf o Dy Arglwyddi Cymru - "Arglwyddes Cors y Bryniau".
Diolch am flodau a dderbyniwyd ar ddydd cyntaf y gwanwyn. Maent yn darllen Deian a Loli ar ffurf stori gyfres bob dydd Gwener. Dymuno'n dda iddi ar ei thaith i Malta. Ei chroesawu i'r ysgol unrhyw adeg.
