Dangos 207 canlyniad

Gohebiaeth T. Gwynn Jones, 1937-1947, fel darllenydd a chynghorwr llenyddol i T[homas] Bassett, rheolwr Hughes a’i Fab, gan gynnwys llythyr oddi wrth R. Williams Parry at T. Bassett. [Cyhoeddwyd erthygl 'T. Gwynn Jones fel cynghorwr llenyddol' gan Tecwyn Lloyd yn Cylchgrawn Llyfrgell Genedlaethol Cymru, Cyfrol 22, rhif 1, Haf 1981].

Llythyrau, [1870]-[1926], gan gynnwys dau oddi wrth Frances yn blentyn.

Ymhlith y gohebwyr mae David Thomas (Lleufer) (1); a G. J. Williams (5).

Ymhlith y gohebwyr mae Harri Webb (1); D. J. Williams (3); Glanmor Williams (1); J. E. Caerwyn Williams (3); R. Bryn Williams (3); a T. H. Parry-Williams (12).

Llythyrau personol oddi wrth gyfeillion yn llongyfarch D. Tecwyn Lloyd ar ei lwyddiant academaidd ac ar dderbyn swyddi newydd, gwahoddiadau i ddarlithio oddi wrth gymdeithasau a llythyrau'n ymwneud â chyfraniadadu ar gyfer y cylchgrawn Taliesin y bu'n ei olygu.

Llythyrau gan gynnwys llythyrau personol oddi wrth gyfeillion yn ymateb i gyhoeddiadau D. Tecwyn Lloyd fel Bore da, Lloyd (Caernarfon, 1980), Cofio rhai pethe a phethe eraill (Dinbych, 1988) a John Saunders Lewis. Cyfrol I (Dinbych, 1988); ceisiadau i adolygu llyfrau; gwahoddiadau i ddarlithio; llythyrau o gydymdeimlad wedi marwolaeth ei wraig Frances yn 1980; a llythyrau'n ymwneud â chyfraniadau ar gyfer y cylchgrawn Taliesin y bu'n ei olygu.

Ceir llythyrau personol oddi wrth gyfeillion yn ymateb i lyfrau D. Tecwyn Lloyd megis Safle'r Gerbydres ac ysgrifau eraill (Llandysul, 1970), Lady Gwladys a phobl eraill (Abertawe, 1972) a Hyd eithaf y ddaear: a storïau eraill (Llandysul, 1972) a gyhoeddwyd gan ddefnyddio'i ffugenw E. H. Francis Thomas; ymateb oddi wrth olygyddion cylchgronau eraill gan gynnwys Barn, Y Genhinen a Trivium a llythyrau'n ymwneud â chyfraniadau ar gyfer y cylchgrawn Taliesin y bu'n ei olygu.

Llythyrau oddi wrth gyfranwyr i Taliesin gan gynnwys rhai oddi wrth Euros Bowen (13), Harri Pritchard Jones (2), Gareth [Alban Davies] (3), Rhydwen Williams (2), Gwyn Williams, Steve Eaves (3), Gerallt [Jones] (4), Gwilym R. [Jones], [R.] Bryn [Williams] (2), [T.] Llew [Jones], Hafina Clwyd, J. Gwyn Griffiths (3), Prys [Morgan] (3), Aled Jones-Williams, Gwyn Thomas (15), J. R. Jones, Bedwyr [Lewis Jones], John Rowlands, Mari [Ellis], Leslie [Richards], Eluned Phillips, Nesta [Wyn Jones] (2), Bryan [Martin Davies] (7), Derec [Llwyd Morgan] (3), Siôn Eirian (3), B[en] B[owen] T[homas], W. D. [Williams] (4), Iorwerth [Peate] (3), Kate Roberts, Caradog [Prichard] (5), Eigra [Lewis Roberts], Meic [Stephens], Harri [Gwynn], Islwyn [Ffowc Elis] (2), Gwenallt, John [Gwilym Jones], a Dyddgu [Owen].

Llythyrau, [1935]-[1949], a dderbyniodd adeg yr Ail Ryfel Byd yn bennaf, gan gynnwys rhai oddi wrth Ifor Williams (4), Morris Williams, G. J. Williams (2), R. O. F. Wynne, Iorwerth Peate (4), Aneirin [Talfan Davies] (2), T. Jones Pierce, David Thomas (Lleufer) (3), Moelona, T. E. Nicholas (6), Bob Owen, Robert Herring, Dafydd Jenkins (2), Mari [Ellis], R. T. Jenkins, J. E. [Jones], Cynan (2), Cybi, Cassie Davies (2), Gwyndaf, O. Llew [Owain] a chyfeillion yn y fyddin.

Mapiau a baratowyd ganddo ar gyfer cyrsiau gan gynnwys 'Cymru'r Mabinigi a'r Rhamantau' a 'Y Celtiaid yn ymledu', 1970-[1991].

Yn cynnwys cofnodion achlysurol, 1935-1938, gan gynnwys 'general memorandum up to 1935'.

Tair stori fydryddol [argraffwyd 25 copi yn breifat yn 1960].

Copi personol D. Tecwyn Lloyd o'r gyfrol, D. Simon Evans, Buched Dewi (Caerdydd, 1965), gyda'i nodiadau ar gyfer sgwrs Gŵyl Dewi yn Rhuthun ym 1987.

Dau lyfr nodiadau'n cynnwys nodiadau o Archifau'r Coleg Seisnig yn Rhufain, Archifau'r Fatican ac eraill am y pererinion o Gymru, ynghyd â llythyr oddi wrth olygydd Trivium (Cylchgrawn Coleg Prifysgol Dewi Sant, Llanbedr Pont Steffan) yn ymwneud â'i erthygl 'Welsh Pilgrims at Rome', a gwahanlithoedd o'r erthygl a gyhoeddwyd mewn dwy ran yn y cylchgrawn, 1971-1972. Ceir hefyd ffolder yn dwyn y teitl 'Recusants' sy'n cynnwys ei waith ymchwil a braslun o'i ddarlith 'Rome and Wales', Croesoswallt, 1959.

Nodiadau darlithiau ar gyfer dosbarthiadau yn Sir Gaerfyrddin yn bennaf, [1938], [1959]- [1976], gan gynnwys llyfr nodiadau 'Enwau afonydd a nentydd Sir Gaerfyrddin', 1969.

Papurau'n ymwneud â'r cyfnod a dreuliodd yn y brifysgol ym Mangor, gan gynnwys ai atgofion am y blynyddoedd 1934-1938, ynghyd â'i draethawd MA, 1961.

Papurau, [1907]-[1926], gan gynnwys ei ymateb mewn llythyr i adolygiad o'i lyfr The Matter of Wales [1913] yn y Manchester Guardian, a 'The adverse report of the Deputy Keeper of the Public Records, on the matter of a Welsh Record Offices'.

Papurau amrywiol, [1932]-1992, gan gynnwys rhestr o 'Eitemau golygyddol W J. [Gruffydd]' yn Y Llenor, 1927-1942; llyfr nodiadau yn dwyn y teitl 'Moustachiographology' sef ei astudiaeth ddoniol o fwstashis, 1932; copi o'i lythyr, [1942] a anfonwyd at Gwilym Lloyd George, Gweinidog tanwydd a phwêr ar y pryd; memorandwm, 1946, yn ymwneud â'r bwriad o sefydlu Coleg Gwerin i Gymru, ynghyd â nodyn esboniadol gan D. Tecwyn Lloyd, 1963; a phapurau, 1946, yn ymwneud â'i gynllun arfaethedig i gasglu cyfansoddiadau eisteddfodau bach a'u storio yng Ngholeg Harlech.

Ymhlith y papurau ceir copi teipysgrif o'r deyrnged, 1970, a luniwyd gan y Parch. Robin Williams yn dilyn marwolaeth John Lloyd, tad D. Tecwyn Lloyd, a phenillion a luniodd D. Tecwyn Lloyd er cof am Bob Roberts, Tairfelin, [1951].