Dangos 65 canlyniad

Amlinelliad o gynnwys ffilm Gwenlyn Parry, Grand Slam, [1978], ynghyd ag amserlen bras o'r hyn oedd i'w ffilmio ym Mharis.

Sgriptiau gweithiau gan eraill, [1966]-1991.

Gwenlyn Parry at a desk, variously reading or writing. In some frames he looks directly at the camera, in others he is seen in profile.

Amlinelliadau o bedair pennod gwahanol o'r drydedd gyfres o'r ddrama gomedi Hafod Henri, 1986, gan Rhydderch Jones a Gwenlyn Parry.

Sgript o ddrama Gwenlyn Parry, Hen Win yr Wyl, [1966x1990].

Sgript drama deyrnged i Gwenlyn Parry, I Gofio Gwenlyn, a'i perfformiwyd yn rhan o ŵyl coffa i'r dramodydd yn 1992. Crëwyd y sgript gan ddefnyddio detholiadau o weithiau Gwenlyn Parry yn unig, gan gynnwys Saer Doliau, Y Ffin a Panto. Mae'r ffeil hefyd yn cynnwys rhaglen yr ŵyl.

Amlinelliad o gynnwys y ddrama Jones 303, [1966x1987], gan Rhydderch Jones a Gwenlyn Parry, gan gynnwys disgrifiadau o'r prif gymeriadau a'r setiau.

Llyfr lloffion, 1962-1966, gan gynnwys rhaglenni pasiantau Nadolig a Phasg Eglwys Ebeneser, Caernarfon, y bu Gwenlyn Parry yn gyfrifol am eu cynhyrchu; rhaglenni theatr nifer o'i ddramâu cynnar, megis Y Ddraenen Fach a Poen yn y Bol; a thorion o'r wasg yn ymwneud â'i waith.

Sgript anghyflawn o'r ddrama Manolis, [1988?], a ysgrifennwyd yn wreiddiol gan Rhydderch Jones ond a addaswyd ar gyfer y teledu gan Gwenlyn Parry a John Hefin. Ceir hefyd amlinelliad o gynnwys y ddrama a disgrifiad o'r prif gymeriadau.

Sgriptiau o addasiad radio Gwenlyn Parry o nofel T. Glynne Davies, Marged, penodau 1-8, [1985x1990].

Drafftiau o'r ddrama Mwy Na Phapur Newydd, pennod 7 (cyfres 2), [1990], a ysgrifennwyd gan Gwenlyn Parry; ynghyd â chyfarwyddiadau i ysgrifenwyr cyfresi 1 a 2, yn cynnwys amlinelliad o gynnwys bob pennod a disgrifiadau o rai o'r prif gymeriadau.

Drafftiau o'r ddrama Mwy Na Phapur Newydd, 1989-1990, yn cynnwys drafft gyntaf pennod 1 (cyfres 1) gan Siôn Eirian, 1989; trydydd drafft pennod 2 (cyfres 2) gan Wil Roberts, 1990; ac amlinelliad o gynnwys pennod 5 (cyfres 2), 1990.

Nodiadau a phapurau rhydd yn ymwneud â gwaith Gwenlyn Parry, [1970]-[1991], gan gynnwys nodiadau ar gyfer darlithiau.

Sgriptiau llawysgrif a theipysgrif o'r ddrama, Panto, [1986]-1992, gan gynnwys drafftiau cynnar o'r ddrama a chopi o'r drafft terfynol, [1986]; ynghyd â llungopi o ddiweddglo diwygiedig y ddrama sy'n ymddangos o fewn y fersiwn a gyhoeddwyd yn 1992.

Papurau amrywiol yn ymwneud â gwaith Gwenlyn Parry, 1968-[1991], yn cynnwys rhageiriau, 1968-1979; nodiadau a phapurau rhydd, [1970]-[1991]; erthyglau, 1978-[1982]; syniadau ar gyfer gweithiau newydd, [1985]-[1991]; sgript cyfweliad gyda Gwenlyn Parry, [1987x1991]; sgript hunan-gofiannol, [1989x1991]; adroddiad ar ffilmiau tramor, [1990x1991]; a phapurau'n ymwneud â'r Capel, [1970]-[1991].

Papurau Gwenlyn Parry, [1962]-1993, yn cynnwys sgriptiau a phapurau amrywiol yn ymwneud â'i ddramâu llwyfan, [1966]-1992, a'i ddramâu teledu, radio a ffilm, [1966]-[1991]; papurau'n ymwneud ag addasiad teledu Gwenlyn Parry ac Endaf Emlyn o nofel Caradog Prichard, Un Nos Ola Leuad, [1966]-1991; sgriptiau gweithiau gan eraill, [1966]-1991; papurau amrywiol yn ymwneud â'i waith, megis rhageiriau ac erthyglau, 1968-[1991]; deunydd printiedig, 1962-1991; a phapurau personol a theyrngedau, 1962-1993. = Papers of Gwenlyn Parry, [1962]-1993, comprising scripts and various papers relating to his stage plays, [1966]-1992, and television and radio dramas, [1966]-[1991]; papers relating to Gwenlyn Parry and Endaf Emlyn's television adaptation of Caradog Prichard's novel Un Nos Ola Leuad, [1966]-1991; scripts of works by others, [1966]-[1991]; various work-related papers, such as prefaces and articles, 1968-[1991]; printed material, 1962-1991; and personal papers and tributes, 1962-1993.

Papurau personol a theyrngedau, 1962-1993, yn cynnwys gohebiaeth, 1962-1989; papurau'n ymwneud â'r Academi Gymreig, 1967-[1987]; papurau personol, 1971-1993; cerddi, 1971-[1991]; a sgript drama deyrnged i Gwenlyn Parry, I Gofio Gwenlyn, 1992.

Papurau personol Gwenlyn Parry, 1969-1993, rhai ohonynyt wedi eu crynhoi gan Ann Beynon ar ôl ei farwolaeth, gan gynnwys trefn gwasanaethau angladdau Rhydderch Jones a Gwenlyn Parry, 1987 a 1991; copi o deyrnged Gwenlyn Parry i Huw Lloyd Edwards, [1975]; cerdyn adnabod Gwenlyn Parry i'r BBC; a thystysgrifau enwebu BAFTA Cymru ar gyfer y categori, 'Yr Awdur Gorau Ar Gyfer Y Sgrîn Gymraeg', 1992 ac 1993.

Papurau'n ymwneud â'r Capel, [1970]-[1991], gan gynnwys nodiadau ar gyfer pregethau, a sgript drama gan Gwenlyn Parry yn seiliedig ar stori'r Geni a bywyd Iesu Grist ar gyfer ei pherfformio yn y Capel.

Drafftiau teipysgrif o'r ddrama Pentip RFC (pennod 1), 1989, gan Gwenlyn Parry a Dewi Pws Morris; ynghyd â chrynodebau o benodau 1 a 2, nodiadau llawysgrif yn ymwneud â'r ddrama, a sylwadau Ifan Roberts o S4C ar y bennod gyntaf.