Dangos 48 canlyniad

Adysgrif o 'Gân Ysgol Mynwent y Crynwyr' (y geiriau o waith T J Thomas ('Sarnicol') a'r gerddoriaeth gan Mrs T J Thomas).

Casgliad o gerddi yn llaw Sarnicol wedi'u crynhoi, c. 1944, gyda'r bwriad o'u cyhoeddi'n gyfrol o dan y teitl 'Odlau'r Aelwyd' [cf NLW MS 12,178B].

Copi drafft astudiaeth o eiriau tafodieithol plwyf Llandysul ynghyd a chasgliad, ar gardiau ac mewn rhestri, o eiriau, dywediadau a diarhebion yr ardal [gwobrwywyd y casgliad 'Geiriau a dywediadau tafodieithol plwyf Llandysul, Dyfed' yn Eisteddfod Genedlaethol y Rhyl, 1985].

Copi llawysgrif a theipysgrif 'Castell Garth', cyfieithiad J Tysul Jones o ddrama Florence Howell, Castle Garth (Aberdare, 1936); ynghyd â dau gopi o'r ddrama Saesneg, un ohonynt wedi'i lofnodi gan Florence Howell, 1936.

Copi llawysgrif 'Digwyddiadur Llandysul', 1793-1924, ynghyd a dyfyniadau o ddyddiaduron J D Lewis, Llandysul, y Parch T Pennant Phillips a David Rees, 'Cambrian', a defnyddiau eraill y seiliwyd y gwaith arnynt.

Copi o gyfrol Sarnicol, Storïau ar gân (Dinbych, 1936) wedi'i chywiro gan yr awdur ar gyfer ail argraffiad y gyfrol, 1938.

Cyfrol lawysgrif 'Blackthorn Blossoms : translations dedicated to Sarnicol, a man of letters. By "a man of low degree"', sef cyfieithiad gan Syr Rhys Hopkin Morris o gasgliad epigramau Sarnicol, Blodau Drain Duon (Gwasg Gomer, 1935).

Dau draethawd teipysgrif o waith Henry Jones, Blaenmachnog, Horeb, Llandysul, y naill ar y testun 'Adgofion' ("I Gystadleuaeth y Traethawd, dan nawdd Pwyllgor Addysg y Sir", d.d.) a'r llall ar 'Hanes a dylanwad Dosbarthiadau Horeb, Llandysul a Chymdeithas y Bobl Ieuainc; a Chymdeithas y Cymrodorion, Llandysul' (ar gyfer Eisteddfod Genedlaethol Pwllheli, 1955).

Deunydd ymchwil J Tysul Jones ar gyfer 'Astudiaeth destunol a gramadegol ynghyd a geirfa lawn o Hystoria Lucidar' (Traethawd M.A. Prifysgol Cymru, 1958).

Deunydd ynglyn a D J Williams (1885-1970), Abergwaun, gan gynnwys cerdyn oddi wrtho, 1959, at J Tysul Jones, a rhaglen y Cyfarfod Teyrnged a Choffa a drefnwyd gan U.C.A.C. (Cangen Dyfed), 1970.

Deunydd ynglyn â Gwasg Gomer, Llandysul, gan gynnwys ysgrifau llawysgrif a phrintiedig gan J Tysul Jones ac eraill ar hanes J D Lewis a'r Wasg, a theyrnged goffa Mrs Mary Lewis (m 1960), Dolanog, Llandysul.

Deunydd ynglyn â hanes ysgolion Llandysul a'r cylch gan gynnwys pigion o lyfrau log 'Ysgol Frutanaidd Llandysul', 1867-91, ysgrifau gan J Tysul Jones ac eraill, a rhaglenni a thaflenni, 1895-1971.

Deunydd ynglyn â Waldo Williams (m 1971) gan gynnwys copi o'i gyfrol Dail Pren ac ynddi adysgrifau gan J Tysul Jones o gerddi nas cynhwyswyd yn y gyfrol ynghyd â cherdyn oddi wrth Waldo, 1943; nodiadau ar Waldo Williams gan J Tysul Jones; a llyfr lloffion yn cynnwys torion papur, taflenni, ac eitemau eraill ynglyn â'r bardd.

Deunydd ynglyn â'r Athro Evan Tom Davies (1904-73), brodor o Landysul, gan gynnwys cerdyn post oddi wrtho yn Rhufain, 1926, at J Tysul Jones.