Showing 70 results

Papurau’n ymwneud â gweithgareddau'r Pwyllgor Gwaith, yn cynnwys: ceisiadau am grantiau ymchwil y Gymdeithas, ac adroddiadau a phapurau eraill am brosiectau ymchwil i mewn i blanhigion, adar ac anifeiliaid; gohebiaeth gyda masnachwyr, ac yn arbennig gyda Gwasg Carreg Gwalch am gynhyrchu cyfrolau teithiau; fersiwn drafft o'r holiadur aelodau; rheolau sefydlog Is-Bwyllgorau; llythrau gan swyddogion y Gymdeithas at y Pwyllgor Gwaith ac at aelodau; costau teithio swyddogion y Gymdeithas; taflenni; a thorion o'r wasg am faterion amgylcheddol. Ceir hefyd nifer sylweddol o bapurau'n ymwneud â’r cysylltiad rhwng y Gymdeithas a Chyngor Cefn Gwlad Cymru, yn cynnwys ceisiadau gan y Gymdeithas am grantiau’r Cyngor, copiau drafft o gynllun datblygu’r Gymdeithas, manylion ariannol am gyhoeddiadau’r Gymdeithas, ac anfonebau a gohebiaeth gysylltiedig, ynghyd â dogfennaeth y Cyngor ynghylch ei pholisi dwyieithrwydd, siarter ar gyfer dehongli amgylchedd a diwylliant Cymru, seminarau a drefnwyd gan neu gyda chymorth y Cyngor, a rhaglen waith ynghylch llwybrau cyhoeddus; yn ogystâl â hyn, y mae papurau’n ymdrin â sefydlu fforwm Cwlwm gan y Cyngor, yn cynnwys cyfansoddiad, agendau a chofnodion cyfarfodydd, nod ac amcanion, llythyrau, a ffurflen gais ymaelodi.

Cofnodion cyfarfodydd yr Is-Bwyllgor Cyhoeddiadau (a nabyddid hefyd fel yr Is-Bwyllgor Cyhoeddiadau Cyfnodol, yr Is-Bwyllgor Cyfnodolion, a'r Is-Bwyllgor Cyhoeddiadau Monograffig), ynghyd â gohebiaeth, nodiadau a deunydd cyhoeddusrwydd perthynol, yn ymwneud yn arbennig â'r 'Naturiaethwr', y cylchlythyr a chyhoeddiadau eraill y Gymdeithas, aelodaeth, marchnata, grantiau Cyngor Cefn Gwlad Cymru, ac eisteddfodau.

Cofnodion cyfarfodydd Is-Bwyllgor yr Amgylchedd, ynghyd â gohebiaeth rhwng y Gymdeithas a chyrff cyhoeddus (Cyngor Cefn Gwlad Cymru yn bennaf), mudiadau cyhoeddus, gwleidyddion a gweision sifil. Ymgyrchoedd i ddiogelu amgylchedd cefn gwlad Cymru yw prif bwnc yr ohebiaeth, gyda phwyslais ar effeithiau niweidiol chwareli, y diwydiant olew, ffermydd gwynt a phrosiectau ynni dŵr, yn arbennig mewn Parciau Cenedlaethol. Ceir hefyd gohebiaeth am brosiectau ymchwil a grantiau ymchwil, a phabell amgylcheddol yn yr Eisteddfod Genedlaethol, ynghyd â deunydd perthynol yn cynnwys papurau trafod, dogfennau ymgynghorol, taflenni, cylchlythyr y Gymdeithas, a thoriadau o'r wasg.

Cofnodion cyfarfodydd yr Is-Bwyllgor Marchnata, ynghyd â chyfrifon, gohebiaeth, adroddiad, taflenni a thorion o'r wasg yn ymwneud â deunydd hysbysrwydd, nwyddau i'w gwerthu, a gwaith y Pwyllgor yn gyffredinol.

Copiau o lyfrynnau, adroddiadau, taflenni a phosteri a gyhoeddwyd gan sefydliadau eraill ym meysydd materion amgylcheddol Cymreig a'r iaith Gymraeg, ac a gasglwyd gan y Gymdeithas, gyda llythyr cysylltiedig at y Gymdeithas.

Bonion llyfrau sieciau.

Papurau yn ymwneud â holiadur swyddogol y Gymdeithas a lenwyd gan aelodau i fynegi eu diddordebau, eu cefndir, a'u barn am weithgareddau'r Gymdeithas.

Cofnodion cyfarfodydd Pwyllgor Gwaith Cymdeithas Edward Llwyd, 1999-2005, 2010-2014, ynghyd â gohebiaeth berthnasol.

Gweler hefyd Gohebiaeth rhwng aelodau'r Pwyllgor Gwaith.

Am restrau aelodau'r Pwyllgor Gwaith gweler dan bennawd Deunydd amrywiol yn ymwneud â Chymdeithas Edward Llwyd.

Cofnodion Is-Bwyllgor Marchnata Cymdeithas Edward Llwyd, 2001-2014, ynghyd â gohebiaeth berthnasol.

Cofnodion cyfarfod Is-bwyllgor yr Amgylchedd Cymdeithas Edward Llwyd, 2001.

Manylion gwybodaeth ynghylch Cynhadleddau Blynyddol Cymdeithas Edward Llwyd, 1999, 2004, 2009 a 2010, a Chynhadledd Enwau Lleoedd, 2010. Ynghyd â manylion llety yng Ngholeg Llaneurgain sydd o bosib yn cyfeirio at Gynhadledd Flynyddol 2002.

Gweler hefyd dan bennawd Cofnodion Cyfarfodydd Blynyddol, gan y cynhaliwyd y cyfarfodydd blynyddol fel rhan o weithgareddau'r cynhadleddau.

Manylion ynghylch Cynhadledd Enwau Lleoedd a gynhaliwyd gan Gymdeithas Edward Llwyd ym Mhlas Tan y Bwlch, Maentwrog, 20 Tachwedd 2010.

Manylion ceisiadau a wnaed gan Gymdeithas Edward Llwyd am grantiau gan Gyngor Cefn Gwlad Cymru ar gyfer amryw brosiectau, gan gynnwys prosiect Llên y Llysiau a phrosiect cyhoeddi rhifynnau o'r cylchgrawn chwe-misol Y Naturiaethwr ar y we. Ynghyd â manylion seminarau grantiau a drefnwyd gan Gyngor Cefn Gwlad Cymru yn 2001 a 2005.

Am brosiectau Llên y Llysiau a'r Naturiaethwr gweler dan benawdau Llên y Llysiau / Llên Natur a Y Naturiaethwr.

Am Y Naturiaethwr gweler, er enghraifft: https://cymdeithasedwardllwyd.cymru/y-naturiaethwr/.

Am brosiect Llên Natur gweler, er enghraifft: https://www.llennatur.cymru/.

Am geisiadau grant ar gyfer Cynllun Datblygu Cymdeithas Edward Llwyd, gweler dan bennawd Cynllun Datblygu.

Adroddiad Ymddiriedolwyr Cymdeithas Edward Llwyd, Medi 2008-Medi 2009.

Deunydd yn ymwneud â llunio a chynnal Cynllun Datblygu ar gyfer Cymdeithas Edward Llwyd, gan gynnwys ffuflenni a chanllawiau ar sut i fynd ati i wneud cais am grant; amlinelliad o'r cynllun, drafft cyntaf y cynllun o Ebrill 2007 hyd Fawrth 2012 a fersiwn terfynol o'r drafft o Orffennaf 2007 hyd Mehefin 2012; llyfryn yn cynnwys cynllun gweithgaredd diwygiedig y Gymdeithas o 2010/11 hyd 2012/13; manylion cyfrifon; a gohebiaeth berthnasol.

Deunydd amrywiol yn ymwneud â Chymdeithas Edward Llwyd.

Deunydd amrywiol cyffredinol nad sy'n cyfeirio'n uniongyrchol at Gymdeithas Edward Llwyd.

Cofnodion yr Is-Bwyllgor Enwau a Thermau yn ymwneud â phrosiect 'Llên y Llysiau', a drafododd lle planhigion ym mywyd a syniadau'r Cymry ar hyd yr oesoedd, gan gynnwys agendau a chofnodion cyfarfodydd, gohebiaeth, papur trafod, canllawiau, tudalennau o'r cylchlythyr, taflenni, a deunydd am brosiect tebyg yn yr Alban ('Flora Celtica').

Gohebiaeth y Gymdeithas gydag aelodau, masnachwyr a chyrff a mudiadau eraill, ynglŷn â phob agwedd o weithgareddau'r Gymdeithas.

Gohebiaeth ymysg swyddogion y Gymdeithas, a rhwng y Gymdeithas ac argraffwyr, cwmniau dillad, banciau, cyrff cyhoeddus ac eraill, ynglŷn ag agweddau ariannol cynhyrchu cyhoeddiadau'r Gymdeithas ('Anifeiliaid asgwrn cefn' ac 'Enwau creaduriaid a phlanhigion' yn arbennig), offer swyddfa, nwyddau marchnata, cyfrifon banc y Gymdeithas, llogi ystafelloedd, aelodaeth a materion ariannol eraill, gyda phapurau perthynol yn cynnwys anfonebau a ffurflen gais am daliad grant.