Showing 54 results

Atgynhyrchiad o waith Matt [Solander] a gyhoeddwyd yn The Sunday Graphic yn cynnwys digrifluniau o enwogion Llanbedr Pont Steffan, gan gynnwys T. Eirug Davies y cyfeirir ato fel bardd y goron, 1932-1934.

Darlithiau ac anerchiadau, 1926-1934, ynghyd â thorion o'r wasg, 1967.

Papurau yn ymwneud â’i ymchwil ar gyfer ei gyfrol Bywyd a gwaith y Parch. T. Eirug Davies (1892-1951) (Aberystwyth, 2017) a olygwyd gan Alun Eirug Davies.

Cerddi llawysgrif a theipysgrif gan T. Eirug Davies, [1915]-[1942], gan gynnwys llyfrau nodiadau yn ei law a cherddi ‘Yr ynys unig’, ‘Nef ennyd aur’, ‘Henaint’, ‘Cymru glaf’ ac ‘Emyn o’r Bregeth ar y mynydd’.

Cerddi llawysgrif a theipysgrif gan T. Eirug Davies, [1927]-[1950], gan gynnwys 'Dyffryn Clydach', 'Chwerthin y meirw', '1941', 'Y dragonau', 'At yr ifanc ar wasgar' ac 'Aberystwyth'.

Cerddi llawysgrif a theipysgrif gan T. Eirug Davies, 1913-1951, gan gynnwys ‘Unigedd’, pryddest a anfonodd i gystadleuaeth y bryddest, Eisteddfod Bala Bangor, 1913; soned ‘Pori’, Eisteddfod y Brifysgol, 1919; 'Rhyfel’, Eisteddfod y Brifysgol. Ceir cerddi hefyd ar gyfer eisteddfodau lleol fel ‘Y gof’ a cherddi a anfonodd i’r Western Mail, ynghyd â chopi o gerdd deyrnged ‘Er cof am Eirug’ gan S. B. Jones, a gyhoeddwyd yn Y Tyst, 25 Hydref 1951.

Cerddi a thraethodau buddugol ac anfuddugol a anfonodd T. Eirug Davies i’r Eisteddfod Genedlaethol, gan gynnwys ‘Nifer o ganeuon byrion’, cydradd fuddugol yn Eisteddfod Genedlaethol Caernarfon 1921; pryddest ‘Y tannau coll’, Eisteddfod Genedlaethol Rhydaman 1922; pryddest ‘Dafydd ap Gwilym’ a soned 'Henaint', Eisteddfod Genedlaethol Pontypŵl 1924; casgliad o farddoniaeth (y goron), Eisteddfod Genedlaethol Abertawe 1926; a'i draethawd buddugol ‘Traethawd hanesyddol a beirniadol ar Ddiwinyddiaeth yng Nghymru o 1860 hyd heddyw’, Eisteddfod Genedlaethol Abertawe 1926.

Cyfansoddiadau buddugol ac anfuddugol T. Eirug Davies, gan gynnwys Pryddest: ‘Môn, Eryri a’r Moroedd’, Eisteddfod Genedlaethol Caergybi 1927; traethawd buddugol ‘Diwinyddiaeth Gristnogol a Gwybodaeth ddiweddar’, Eisteddfod Genedlaethol Caergybi 1927; cerdd ymson ‘Uwch Bedd Llywelyn Williams’, Eisteddfod Genedlaethol Treorci [1928]; a ‘Penyd’, pryddest Eisteddfod Genedlaethol Treorci [1928].

Dyddiadur T. Eirug Davies 1934, yn cynnwys rhai cofnodion ar gyfer mis Ionawr a phapurau yn ymwneud ag erthygl Alun Eirug Davies, ['The New Poor Law in a rural area, 1834-1850', Ceredigion, Cyfrol. 8, rhif. 3 (1978)].

Papurau yn ymwneud gyda chyhoeddiadau Alun Eirug Davies, 1934-[2017], ei ddiddordebau mewn hanes Ceredigion a’r diwydiant gwneud papur yng Nghymru, ynghyd ag astudiaethau o waith ei Dad.

Darlithiau ac anerchiadau, gan gynnwys ‘Eifion Wyn’, Tachwedd 1926, ‘Llenyddiaeth a bywyd yng Nghymru’, Gŵyl Ddewi, 1928, a ‘John Roberts, Llanbrynmair (1767-1834)’, 1934.

Dyddiaduron T. Eirug Davies, 1914-1951, yn cynnwys ychydig o gofnodion am ei ddyletswyddau fel gweinidog yn bennaf.

Dyddiaduron T. Eirug Davies, 1914-1951. Mae dyddiadur 1928 yn cynnwys ychwanegiadau diweddarach fel cerddi gan T. Eirug Davies, 1938-1939, torion o'r wasg am farwolaeth ei wraig yn 1951, nodiadau am hanes lleol Gwernogle, ynghyd â phapurau rhydd [Alun Eirug Davies].

Papurau’n ymwneud â’i alwad gyntaf i'r weinidogaeth i Eglwys Annibynnol Cwmllynfell,1919-1927, ac Eglwysi Annibynnol Soar, Llanbedr Pont Steffan, a Bethel, Parc-y-rhos, 1927-1951, gan gynnwys copi o lythyr yn derbyn yr alwad gyntaf yn 1926 ac yn gorffen ei weinidogaeth ym mis Mawrth 1951 oherwydd salwch; rhaglen gwasanaeth a ddarlledwyd o Soar yn 1933; ynghyd â ffotograff o garreg fedd T. Eirug Davies a’i wraig Jennie ym mynwent yr Eglwys.

Llythyrau T. Eirug Davies, [1912]-1979, yn cynnwys llythyrau oddi wrth ei ddarpar wraig Jennie Thomas; llythyrau yn ymwneud â’i waith fel golygydd Y Dysgedydd a llythyrau yn cydymdeimlo ag ef ar farwolaeth ei wraig yn 1948.

Nodiadau ymchwil T. Eirug Davies ar Gwilym Hiraethog; ei draethawd anfuddugol ‘Cyfraniad Gwilym Hiraethog i fywyd a llên ei gyfnod’, Eisteddfod Genedlaethol Lerpwl, 1929, ynghyd â chopi o ddarlith Alun Eirug Davies ar y llenor, 2010.

Darlith flynyddol Cymdeithas Hanes yr Annibynwyr a draddodwyd gan Alun Eirug Davies yn 2010, yn cynnwys llyfryddiaeth o weithiau Gwilym Hiraethog.