Showing 207 results

Mapiau a baratowyd ganddo ar gyfer cyrsiau gan gynnwys 'Cymru'r Mabinigi a'r Rhamantau' a 'Y Celtiaid yn ymledu', 1970-[1991].

Cynlluniau gwaith, 1984-1986, ar gyfer cyrsiau Llenyddiaeth Gymraeg.

Papurau llenyddol, [1903]-1992, gan gynnwys cerddi, papurau'n ymwneud â'i ymchwil ar Saunders Lewis, ei waith fel golygydd Taliesin ac fel awdur erthyglau ac adolygydd.

Cerddi a luniodd, [1945]-1992, ar ffurf llawysgrifau a theipysgrifau.

Papurau’n ymwneud â'i waith fel golygydd y cylchgrawn Taliesin, [1965x1987].

Ysgrifau, erthyglau ac adolygiadau a luniwyd ganddo, [1903]-1992.

Papurau’n ymwneud â’i erthygl 'Dyddiaduron y Parch. John Jones, M.A. (1773-1853)' a gyhoeddwyd yng Nghylchgrawn Cymdeithas Hanes a Chofnodion Sir Feirionnydd, 1970, gan gynnwys llythyrau oddi wrth Idris [Foster], Mari [Ellis], T. I. Ellis (4). Ceir dyfyniadau hefyd o'r dyddiaduron, a gwahanlithoedd o'r erthygl, 1970, a thestun y dyddiaduron, 1971.

Llawysgrifau erthyglau, adolygiadau a beirniadaethau'n bennaf, [1973]-1992, gan gynnwys nifer a anfonwyd at gylchgronau a phapurau Cymreig eraill fel Y Faner, Barn, Barddas a golygyddol Taliesin. Ceir hefyd Ddarlith Dyfnallt 'Yr ymwybod o genedl yng Nghymru diweddar', 1980; Darlith Flynyddol Emrys ap Iwan, Abergele, 1985; 'Gysfenu i'r wasg gynt', (Darlith Radio Flynyddol BBC Cymru, 1980) a 'Saunders Lewis 1893-1985', Eisteddfod Genedlaethol Abergwaun 1986.

Gwahoddiadau i feirniadu mewn cystadlaethau llenyddol, 1984-1990, gan gynnwys y fedal ryddiaith yn Eisteddfod Genedlaethol y Rhyl a'r Cyffiniau 1985, ynghyd â chopi o'i feirniadaeth yng nghystadleuaeth yr ysgrif bortread yn Eisteddfod Genedlaethol Ynys Môn 1983.

Rhestr o'i gyhoeddiadau rhwng 1935 a 1988.

Llythyrau, [1904]-[1909], 1918, a anfonwyd at deulu Bryngolau, ger Corwen, oddi wrth aelodau’r teulu yn ardal Moss Side ym Manceinion, ynghyd ag adysgrifau ohonynt a dadansoddiad o’r patrwm llythyru ganddo.

Papurau amrywiol gan gynnwys llungopi o deyrnged i'w dad John Lloyd gan D. Howell Evans, [?1971]; llungopi, 1977, o anerchiad ei ewythr David Lloyd Jones, Hengaeruchaf, 'Trem ar yr Achos yng Nglanrafon', [1950x1958]; rhestr: 'Enwau mannau ym Mhenllyn a nodir yn y Cambrian Register 1795' - plwyfi Llanfor a Llandderfel ganddo; papurau'n ymwneud â chyndeidiau Leslie Roberts, Unol Daleithiau America, a ymfudodd o Caehir, Cwmtirmynach, ynghyd â chopi o Edward Jones, Atgofion am Glan'rafon (Cymdeithas Lyfrau Meirion, 1976) a llythyr oddi wrth Hewlett Johnson, 1955.

Adysgrif ganddo mewn teipysgrif, Awst 1992, o 'Atgofion am ardal Llawrybetws' gan Gomer Roberts a luniodd yn 1926.

Llythyrau teuluol, llythyrau oddi wrth Tecwyn Lloyd, tystysgrifau lefel O mewn Cymraeg a phapurau eraill, [1870]-1973.

Llythyrau, 1952-1956, at ei wraig gyntaf Frances Killen, gan gynnwys llythyr o Rufain, 1952, a thelegramau, 1955, ar achlysur eu priodas.

Tystysgrifau lefel O a gyflwynwyd iddi am fod yn llwyddiannus mewn Cymraeg fel ail iaith yn 1957 ac fel iaith gyntaf a llenyddiaeth Gymraeg yn 1958.

Llythyrau a cherddi serch i'w ddarpar wraig, 1981-1984, ynghyd â chasgliad 'Rhai cerddi' mewn teipysgrif a gyflwynodd iddi yn 1982.

Llawysgrif David Davies (Dewi Eden), Ardudwy a'i gwron sef y Cyrnol John Jones o Faesygarnedd, Cwmnantcol, ger Drws Ardudwy ym Meirion (1600-1660) , 1912 [a gyhoeddwyd yn 1914]. Y teitl gwreiddiol oedd 'Bywgraphiad neu Hanes y Cyrnol John Jones, o Faesygarnedd ...'. Ceir englynion coffa ganddo i Hedd Wyn a ddarllenwyd yn y cyfarfod coffa yn Nhrawsfynydd, 1917, a llythyr oddi wrth W. Lloyd Davies, 1927.

Gohebiaeth T. Gwynn Jones, 1937-1947, fel darllenydd a chynghorwr llenyddol i T[homas] Bassett, rheolwr Hughes a’i Fab, gan gynnwys llythyr oddi wrth R. Williams Parry at T. Bassett. [Cyhoeddwyd erthygl 'T. Gwynn Jones fel cynghorwr llenyddol' gan Tecwyn Lloyd yn Cylchgrawn Llyfrgell Genedlaethol Cymru, Cyfrol 22, rhif 1, Haf 1981].

Llawysgrifau yn dwyn y teitlau 'Llwch yn y llyfrau', a 'Y Ferch o Fawddwy' [a enillodd y goron yn Eisteddfod Powys 1952 ac a gyhoeddwyd fel Awelon Darowen gan Mari Headley yn 1965] .