Llyfryddiaeth W. J. Gruffydd yn llaw G. J. Williams, ynghyd â gohebiaeth berthynol, 1935-1936; un dudalen yn cyfeiro'n bennaf at gyhoeddiadau G. J. Williams yn Y Genhinen, 1969-1973; llyfryddiaethau byr unigolion eraill yn nhrefn yr wyddor; a llyfryddiaethau ar bynciau amrywiol. Ceir hefyd ychydig restri yn cynnwys prisiau llyfrau.
Deunydd amrywiol, 1921-1923, yn cynnwys gohebiaeth yn bennaf, yn ymwneud â chyhoeddi cylchgrawn Cymraeg newydd, yn dwyn y teitl Y Llenor, i lenwi'r bwlch a adawyd gan dranc Y Beirniad. Ymhlith y gohebwyr mae W. J. Gruffydd, Henry Lewis ac Ifor Williams.
Llungopïau o lawysgrifau Cymraeg yn bennaf.
Llyfrau ysgrifennu yn bennaf, yn cynnwys adysgrifau o lawysgrifau amrywiol, ynghyd â rhai nodiadau.
Bwndel o nodiadau yn dwyn y teitl 'Perchnogion Llawysgrifau'.
Rhestr o lawysgrifau, yn llaw G. J. Williams, yn perthyn i'r cyfnod cyn 1400 hyd 1700; ynghyd â chopïau o rai o restri ('Schedules') llawysgrifau sydd ar gadw yn Llyfrgell Genedlaethol Cymru.
Mynegai i enwau personol a thestunau mewn llawysgrifau Cymraeg.
'Hanes y Llawysgrifau Cymraeg'
Darlithoedd yn olrhain hanes y llawysgrifau Cymraeg, gan gynnwys un yn cyfeirio at yr arddangosfa yn Llyfrgell Caerdydd, 1928.
Slipiau ymchwil yn cynnwys cyfeiriadau at enwau personol a thestunau mewn llawysgrifau. Mae nifer yn ymwneud â Iolo Morganwg ac yn deillio o'i lawysgrifau.
Adysgrifau o gywyddau ac awdlau, wedi eu codi o lawysgrifau amrywiol; ynghyd â nodiadau perthynol.
Adysgrifau, y mwyafrif wedi eu codi o lawysgrifau Llanover, ac ychydig o lawysgrifau Caerdydd; ynghyd â nodiadau perthynol.
Deunydd perthynol i'r cyhoeddiad Gramadegau'r Penceirddiaid a olygwyd gan G. J. Williams ac E. J. Jones (Caerdydd, 1934), gan gynnwys nifer o adysgrifau a chyfeiriadau at ramadegau mewn llawysgrifau, ynghyd â phapurau'n ymwneud â gramadegau Gutun Owain, Gwilym Tew, Einion Offeiriad a Dafydd Ddu Athro o Hiraddug. Mae rhai o'r papurau yn llaw E. J. Jones.
Jones, Evan J.
Papurau amrywiol yn ymwneud â'r iaith Gymraeg.
Nodiadau ar eiriau unigol a'i sylwadau ar broflenni Geiriadur Prifysgol Cymru. Ceir hefyd peth gohebiaeth berthynol, 1954-1962.
Addysg Gymraeg a Chymru ddwyieithog
Papurau'n ymwneud ag addysg Gymraeg a dwyieithrwydd, gan gynnwys darlithoedd yn dwyn y teitlau, 'UCAC ac Argyfwng yr Iaith', 'Cymru Ddwyieithog', 'Y Gymraeg mewn Addysg a Bywyd', 'Hanes Addysg Elfennol yng Nghymru' ac 'Argyfwng Cymru Heddiw'.
Llyfrau nodiadau a phapurau rhydd yn cynnwys darlithoedd a nodiadau ar eirfa a gramadeg yr ieithoedd Celtaidd yn bennaf.
Darlithoedd a nodiadau ar enwau priod ac enwau lleoedd yng Nghymru yn bennaf. Mae'r ffeil hefyd yn cynnwys proflenni'r gyfrol Rhestr o enwau lleoedd (Caerdydd, 1958). Roedd G. J. Williams yn un o'r rhai a fu'n cynghori Elwyn Davies, golygydd y gyfrol, ynglŷn â'r gwaith.
Darlithoedd a nodiadau amrywiol ar ramadeg a geirfa'r Gymraeg.