Showing 42 results

Tair pennod o nofel 'Y dorch ddrain', a phennod gyntaf nofel heb deitl mewn teipysgrif.

Papurau, [1957]-1972, yn deillio o'i gyfnod fel golygydd Y Faner.

Torion o'r Faner, [1957x1958]. Cyhoeddwyd Portreadau'r Faner yn 1957.

Papurau’n ymwneud â threfnu'r daith i Israel adeg y Pasg 1981, ynghyd â llawysgrif y gyfrol Crud ein cred a gyhoeddwyd yn 1983.

Papurau amrywiol gan gynnwys llyfr nodiadau 'Nodiadau a dyfyniadau. Llên a barddoniaeth', 1930 a llyfrau nodiadau amrywiol; llyfr torion o'r Faner, 1970, am 'Stori Oberammergau' gan Gwilym R. Jones; taflen dathlu chwarter can mlwyddiant Ysgol Twm o’r Nant yn Ninbych yn 1985 yn cynnwys cerdd ganddo: ‘I ddathlu pen-blwydd Ysgol Twm o’r Nant’; a thaflen ‘Teyrnged i Gwilym R.’ a drefnwyd gan Yr Academi Gymreig yn 1983.

Traethawd buddugol 'Llŷr' [Rhisiart Hincks], Eisteddfod Genedlaethol Caerdydd 1978. Yr oedd Gwilym R. Jones yn un o'r beirniaid.

Rhai rhifynnau o’r cylchgrawn Barddas, 1986-1990, yn cynnwys ‘Colofn Gwilym R.’ a cherddi ganddo.

Cerddi gan gynwys torion o'i gerddi a gyhoeddwyd yn Barn a'r Faner a llyfr wedi'i labelu ganddo yn 'Cerddi newydd Gwilym R.' gyda nodiadau cefndirol wedi'u hychwanegu yn ddiweddarach, ynghyd â llythyr oddi wrth aelod o dîm golygyddol y cylchgrawn Woman's Own yn dychwelyd ei bennill 'Compensation (for men)' gyda'r ffugenw 'Rhys Colwyn' .

'Y prociadau a'r cymhellion a'u hanes cudd', nodiadau cefndirol gan y bardd ar rai o'i gerddi.

Pryddest ‘A ddioddefws a orfu’ gan ‘Pentewyn’, Eisteddfod Genedlaethol Aberafan - Port Talbot, 1932 (proflen) ac adysgrif o feirniadaeth T. Rowland Hughes ar ‘Nofel y Rhyfel Mawr’, Eisteddfod Genedlaethol Cymru Wrecsam 1933. [Ni ddyfarnwyd y wobr ond rhoddwyd deg punt yr un i Gwilym R. Jones a J. Rees Jones].

Ymhlith y sgriptiau mae ‘Y crocbren’ sef drama bropaganda mewn pedair act ar ffurf torion o’r wasg a berfformiwyd gan Gwmni Talysarn; ‘Y deryn brith’; ‘Mawrion Sir Ddinbych’; a '‘Y blwch’, sgript a anfonodd i gystadleuaeth ysgrifennu drama, ynghyd â llythyr oddi wrth Is-bennaeth rhaglenni Cymru, 1970, yn cynnwys sylwadau am y ddrama.

Sgriptiau gan gynnwys ‘Yr argae’ (cystadleuaeth drama radio y BBC), 'Y fflam' a ‘Ffarwel haf’.

Sgriptiau gan gynnwys ‘Gwylnos Guto Puw’, drama arswyd a anfonwyd at HTV Cymru yn 1983 ond nad ‘oedd yn addas at ein dibenion presennol’; ‘Ffordd y doluriau’ a chanllawiau gan BBC Cymru ar gystadleuaeth ysgrifennu drama deledu Gymraeg.

Straeon byrion a nofel yn Saesneg ganddo.

Chwe stori fer y gobeithid eu cyhoeddi yn gyfrol, ynghyd â llythyr oddi wrth Gerallt [Lloyd Owen] at Berwyn [mab yng nghyfraith Gwilym R. Jones] yn dweud 'nad oes digon o unoliaeth i wneud cyfrol deilwng o Gwilym R. ... ac mae'r cwbwl wedi dyddio rhywfaint erbyn hyn'.
Ceir tair stori fer Saesneg hefyd – ‘The ring’, ‘Ne’er the twain shall meet’ or ‘They were created male and female’ a ‘The proposal’, ynghyd ag 'egin storïau' a chanllawiau ar lunio stori fer.

Nofel deipysgrif.

Dwy erthygl deipysgrif.

Ymhlith y darlithiau mae darlith (Saesneg) ar Betsi Cadwaladr, 'Dramâu Huw Lloyd Edwards a'i ddatblygiad fel dramodydd' a 'Pedr Fardd'.

Llungopi o lythyr oddi wrth Ifor Rees, 1996, at fab y llenor yn ymwneud â chynnwys yr atgofion am wyliau yn y Cotswolds yn y gyfrol yng nghyfres Bro a bywyd a gyhoeddwyd yn 2001, ynghyd â sgript y rhaglen deledu a ddarlledwyd yn y gyfres ‘Arall fyd’, [1972].