Showing 42 results

Llythyrau a nodiadau yn trafod yr enw Cila, 1954-1957.

Papurau'n ymwneud ag ymgyrchoedd etholiadol Dr Iorwerth Hughes Jones, rhwng 1947 a 1955 yn Ward Sgeti, ac yn cynnwys llythyrau yn ei longyfarch ar ei lwyddiant yn etholiad 1947, yn eu plith llythyrau oddi wrth John Jenkyn Morgan a D. Rhys Phillips; pamffledi ymgyrchu; torion papur newydd; papurau yn ymwneud â chostau; ac anerchiad etholiad, dyddiedig 17 Tachwedd 1923, er nad yw yn glir os mai ysgrifen Dr. Iorwerth Hughes Jones yw hwn.

Papurau yn ymwneud â'r ymgyrch i achub Castell Abertawe, [c.1930]-1958, gan gynnwys llythyrau, papurau teipiedig, cofnodion, nodiadau a thorion papur newydd. Mae yma hefyd dri llyfryn, The Bishop's Palace, St. David's, Pembrokeshire a The Bishop's Palace at Lamphey, Pembrokeshire gan C. A. Ralegh Radford, sydd wedi eu cynnwys oherwydd eu cysylltiad pensaernïol â Chastell Abertawe, a llyfryn Galwadau Cyngor, sy'n cynnwys paragraff am Gastell Abertawe.

Llyfr torion yn cynnwys llythyrau, adroddiadau a thorion, yn ymwneud ag enwau strydoedd newydd yn Abertawe, 1956-1961.

Papurau yn ymwneud â dyletswyddau cyhoeddus Dr Iorwerth Hughes Jones, 1947-1960, gan gynnwys pamffled a gwahoddiad i agoriad swyddogol llyfrgelloedd ym Mrynmill, Cila, Dunvant a Blaenymaes; llythyr yn trafod materion yn ymwneud â Dunvant; rhaglen a gwahoddiad i agoriad neuadd Ysgol Uwchradd Sir Dunvant; llythyr yn trafod y llewod ar giatiau parc Sgeti; a rhaglen cinio Gŵyl Ddewi Cymmrodorion Abertawe, sydd â chopïau o gerddi y tu fewn iddi.

Llyfr cofnodion pwyllgor Cymdeithas Nyrsio Sgeti a'r ardal, 1930-1958. Yng nghefn y llyfr mae torion papur newydd a rhaglen ar gyfer cinio a gynhaliwyd gan y Gymdeithas.

Papurau amrywiol a ddaeth o lyfrgell gweinidog Llanwrtyd, [1800]x[1900], yn cynnwys cofrestr o anerchiadau a draddodwyd gan William Rees (Gwilym Hiraethog) yn y Tabernacle, Great Crosshall Street, Lerpwl, 1843-1846; llyfr William Williams ('Willliam Williams's book of Rememberance'), Ionawr 1824, yn cynnwys tiwn gron a nodiadau pregethau; llyfr llawysgrif o donau emynau; nodiadau ar Gyngor Trent; llyfr rhifyddeg Miss (Mary) Elias (sydd yn cynnwys nodiadau pregethau ar y tudalennau gwag); llyfr nodiadau mathemateg sy'n cynnwys adysgrif o gerdd gan Philip Morgan, a gyhoeddwyd yn Seren, 1844; gweithred ('deed of gift') o chwarter acer i adeiladu ysgol a thŷ ysgol yn Llanwrtyd; rhestr o guradon Llanwrtyd, 1754-1771 a darnau allan o gofrestri plwyf Llanwrtyd 1772-1805; torion papur newydd; llyfrau nodiadau yn cynnwys darlithoedd a phregethau, a phregethau nifer ohonynt gan John Griffiths; ynghyd â dyddiadur y Parch Richard James, Llanwrtyd, yn ei law ei hun, [1874]-[1875].

Llawysgrif fer yn ysgrifen y diweddar Parch. H. Elvet Lewis (Elfed), [c.1938], yn cynnwys ychydig o emynau Cymraeg a Saesneg, nodiadau ar gyfer pregethu a cherdd yn dechrau gyda'r geiriau 'Within Assisi's walls two evil flames of wrath'.

Llyfryn a ddaeth i law, neu a brynwyd gan, Dr Iorwerth Hughes Jones.

Llyfr cyfrifon Walter Griffiths, 1875-1890.

Llythyrau oddi wrth Alun Oldfield Davies, Clement Davies, Ellis Davies, Pennar Davies, Rhys J. Davies, W. Anthony Davies, W. D. Davies, P[aul] Diverres, T. I. Ellis, Arthur Evans, Emrys Evans, Gwynfor Evans, Robert Evans, Cybi, Alun Oldfield Davies a Maxwell Fraser, 1934-1964.

Llythyrau oddi wrth W. A. Jenkins, E[van] D[avid] Jones, Ebeneser Aman Jones, Gwyn Jones, Iorwerth Jones, J[ohn] E[dward] Jones, John W. Jones, William Glasnant Jones, T[homas] A[rthur] Levi a J. D. Lewis a'i Feibion (Gwasg Gomer), Harry [Liffy], [D.] Myrddin Lloyd, 1924-1972.

Llythyrau oddi wrth Dafydd Miles, Donald Moore, John Jenkyn Morgan, Prys Morgan, T. J. Morgan, Percy Morris, F. J. North a J. Dyfnallt Owen, 1936-1972.

Llythyrau oddi wrth Iorwerth Peate, D. Rhys Phillips, Edgar Phillips, Mati Rees, T. Ifor Rees, Keidrych Rhys, Brinley Richards, Melville Richards, D. O. Roberts, Elwyn Roberts, Gomer M. Roberts, Glyn Simon a J. Beverley Smith, 1937-1964.

Llythyrau gan ohebwyr nad yw eu henwau yn eglur, 1937-1968.

Llythyrau oddi wrth David Bell, 1951, 1958-1959, yn trafod materion celfyddydol a'i iechyd; llythyrau oddi wrth meddygon, ei wraig a'i deulu, yn trafod ei salwch, 1958-1959; ynghyd â threfn ei wasanaeth angladd, a thaflenni teipysgrif yn ymwneud â materion celfyddydol.

Papurau yn ymwneud â hanes meddyginiaeth a meddygon, [c.1946]-1970, gan gynnwys papurau ymchwil; llyfrynnau; copïau o erthyglau amrywiol; nodiadau ymchwil y Dr Iorwerth Hughes Jones; llythyrau; torion papur newydd; lluniau o wahanol feddygon a chopi o sgwrs radio a draddodwyd ar y rhaglen Gwyddoniaeth Heddiw. Ceir yma hefyd gopi o'r llyfryn The Character of Early Welsh Immigration to the United States, A. H. Dodd, sydd o bosib yma oherwydd y cysylltiad â'r meddyg John Morgan a aeth i'r Unol Daleithiau a sefydlu yr ysgol feddygol gyntaf yno.

Papurau'n ymwneud â mordeithiau'r Urdd, 1933-1935, gan gynnwys pamffledi, rhaglenni, llyfrynnau, lluniau a thorion o negeseuon a yrrwyd oddi ar fwrdd yr Orduña.

Papurau yn ymwneud â'r ymgyrch dros Senedd i Gymru, [c.1939]-1964, gan gynnwys torion papur newydd; llythyrau; nodiadau gan Dr Iorwerth Hughes Jones; llyfryn Home Rule for Wales (y tu fewn i'r llyfryn mae poster ar gyfer Eisteddfod Genedlaethol Abertawe, 1964); pamffled rali Plaid Cymru yng Nghaerdydd, 1953, a llyfryn gan Dr J. Gwyn Griffiths, A Parliament in Cardiff; rhaglen i ginio 'Senedd yng Nghaerdydd' a threfn y seddau.

Papurau yn ymwneud â'r Ddeiseb Genedlaethol, [c.1937]-[c.1945], sef ymgyrch dros gael statws cyfartal â'r Saesneg i'r iaith Gymraeg mewn llysoedd.