Dangos 207 canlyniad

Yn cynnwys sylwadau achlysurol rhwng 11 Medi 1963 a 13 Gorffennaf 1968 mewn llyfr cofnodion gan gynnwys copi o raglen y ddrama 'Y Cythreuliaid' a droswyd ganddo, 1965.

Yn cynnwys cofnodion achlysurol rhwng 24 Hydref 1938 a 11 Chwefror 1941 mewn llyfr nodiadau.

Yn cynnwys sylwadau achlysurol rhwng 30 Rhagfyr 1958 a 29 Awst 1963 mewn llyfr cofnodion. Ceir llythyr oddi wrth T. E. Nicholas, 1962, yn rhydd yn y gyfrol a thorion o'r wasg pan ddyfarnwyd MA iddo yn 1961.

Yn cynnwys sylwadau achlysurol rhwng 14 Gorffennaf 1968 a 6 Ionawr 1992 mewn llyfr cofnodion.

Yn cynnwys cofnodion achlysurol rhwng 3 Ebrill 1941 a 30 Rhagfyr 1948 mewn llyfr nodiadau.

Papurau’n ymwneud â’i erthygl 'Dyddiaduron y Parch. John Jones, M.A. (1773-1853)' a gyhoeddwyd yng Nghylchgrawn Cymdeithas Hanes a Chofnodion Sir Feirionnydd, 1970, gan gynnwys llythyrau oddi wrth Idris [Foster], Mari [Ellis], T. I. Ellis (4). Ceir dyfyniadau hefyd o'r dyddiaduron, a gwahanlithoedd o'r erthygl, 1970, a thestun y dyddiaduron, 1971.

Dyddiaduron, 1931-1992. Mae iddynt le pwysig yn hanes llenyddiaeth Gymraeg yr ugeinfed ganrif gan fod Tecwyn Lloyd yn trafod gwaith llenorion eraill ac yn feirniad llenyddol a sylwedydd craff hefyd. Nid ydynt yn ddyddiaduron yn yr ystyr draddodiadol gan ei fod yn llunio’r cofnodion yn achlysurol gan edrych nôl ar ddigwyddiadau. Ceir hefyd sylwadau ganddo ar nifer o unigolion amlwg yn y byd llenyddol a chyhoeddus yng Nghymru.

Cyfrol yn cynnwys Pumed Keinc y Mabinogi yn ei law sef parodi ganddo mewn 'Hen Gymraeg' am ddau frawd yn ardal Penllyn, [1976].

Papurau, [1961]-1992, gan gynnwys memorandwm Alwyn D. Rees, 1969, yn Saesneg, ynglŷn â chyflwyno tystiolaeth i Gomisiwn Russell ar sefyllfa addysg i oedolion yn ardal Prifysgol Aberystwyth.

Hanes Eglwys Merthyr, Sir Gaerfyrddin, [1972], ynghyd â 'A history of Merthyr' gan awdur anhysbys.

Llythyrau, 1973, yn ymwneud ag ymgyrch i godi arian at yr eisteddfod honno pan oedd yn fwriad ganddi i frodio llofnodion enwogion ar liain bwrdd i'w rafflo.

Ymarferion mewn caligraffi gan ddynwared arddull ganoloesol, ynghyd ag englynion coffa 'I gofio Tecwyn' gan 'Henry', [1976]-[1992].

'Buchedd Euraus Yffeirat' [yn gwneud hwyl am ben Euros Bowen, gweler Bro a Bywyd D. Tecwyn Lloyd am adysgrif], ynghyd â theipysgrif erthygl ddychanol 'Dryll o hen lawysgrif' gan Llywelyn Pinkerton Emerson [D. Tecwyn Lloyd] i Studia Celtica Japonica.

Llyfr ysgrifennu ysgol yn cynnwys traethodau ar lenyddiaeth Saesneg, 1931-1933.

Teipysgrifau erthyglau gan gynnwys trosiad o 'When Voltaire came to Heaven' gan Arthur Clutton-Brock ac 'Amser i ddysgu. 1936 (pennod o hunangofiant)'.

Erthyglau gwyddonol C. O. W. Davies [Owain Wyn Davies]. Rhoddwyd y teipysgrifau’n rhodd gan yr awdur i Tecwyn Lloyd yn 1990, rhai ohonynt yn fuddugol mewn cystadlaethau ysgrifennu erthyglau ar gyfer Y Gwyddonydd yn yr Eisteddfod Genedlaethol.

Llawysgrifau erthyglau a darlithiau, gan gynnwys golygyddol Taliesin, ynghyd â beirniadaethau, darlith ar newyddiaduraeth gyfoes yng Nghynhadledd Taliesin, 1972, adolygiadau i Taliesin, Y Genhinen, Poetry Wales a chyfraniadau i’r Faner, Y Cyfnod, Y Tyst a Barn.

Teipysgrifau erthyglau yn bennaf a rhai adolygiadau, [1987]-1992, gan gynnwys rhai'n ymwneud â Robert Owen, Fourcrosses. Ceir hefyd wahanlithoedd o'r erthyglau canlynol ganddo: 'Cymru yn Saesneg', Trafodion Anrhydeddus Gymdeithas y Cymmrodorion, 1966; 'Just a curiosity', Journal of the Merioneth Historical and Record Society, 1968; 'Coflyfr Thomas Williams, 1857-1901', Journal of the Merioneth Historical and Record Society; 'John Griffith, y gohebydd', Trafodion Anrhydeddus Gymdeithas y Cymmrodorion, 1978; 'The Welsh language in journalism', Meic Stephens (ed.), [1979]; a 'T. Gwynn Jones fel cynghorwr llenyddol', Cylchgrawn Llyfrgell Genedlaethol Cymru, 1981.

Cyfraniadau i Barn, Y Cymro ac eraill, mewn llawysgrif yn bennaf, gan gynnwys adolygiadau, ynghyd â golygyddol Taliesin, a darlith 'Agweddau ar Ramantiaeth', Coleg St Antwn, Rhydychen, 1962.

Llawysgrifau erthyglau, adolygiadau a beirniadaethau'n bennaf, [1973]-1992, gan gynnwys nifer a anfonwyd at gylchgronau a phapurau Cymreig eraill fel Y Faner, Barn, Barddas a golygyddol Taliesin. Ceir hefyd Ddarlith Dyfnallt 'Yr ymwybod o genedl yng Nghymru diweddar', 1980; Darlith Flynyddol Emrys ap Iwan, Abergele, 1985; 'Gysfenu i'r wasg gynt', (Darlith Radio Flynyddol BBC Cymru, 1980) a 'Saunders Lewis 1893-1985', Eisteddfod Genedlaethol Abergwaun 1986.