Showing 65 results

Papurau amrywiol yn ymwneud â gwaith Gwenlyn Parry, 1968-[1991], yn cynnwys rhageiriau, 1968-1979; nodiadau a phapurau rhydd, [1970]-[1991]; erthyglau, 1978-[1982]; syniadau ar gyfer gweithiau newydd, [1985]-[1991]; sgript cyfweliad gyda Gwenlyn Parry, [1987x1991]; sgript hunan-gofiannol, [1989x1991]; adroddiad ar ffilmiau tramor, [1990x1991]; a phapurau'n ymwneud â'r Capel, [1970]-[1991].

Rhageiriau, 1968-1980, gan gynnwys rhagair Gwenlyn Parry ar gyfer Tŷ ar y Tywod, 1968; rhageiriau Gwenlyn Parry a Rhydderch Jones ar gyfer un o gyhoeddiadau Rhydderch Jones, [1975x1980]; a rhageiriau Gwenlyn Parry a Saunders Lewis ar gyfer Y Tŵr, 1979.

Nodiadau a phapurau rhydd yn ymwneud â gwaith Gwenlyn Parry, [1970]-[1991], gan gynnwys nodiadau ar gyfer darlithiau.

Erthyglau amrywiol yn ymwneud â gwaith Gwenlyn Parry, 1978-[1982], gan gynnwys erthygl John Roberts, 'Gwenlyn, Pozzo a Lucky', 1978; drafft o erthygl gan John Hefin yn trafod Gwenlyn Parry a sefydlu Pobol y Cwm, [1982]; ac erthyglau wedi eu casglu yn trafod y theatr yn gyffredinol.

Syniadau ar gyfer gweithiau newydd, [1985]-[1991], gan gynnwys amlinelliad o ddrama roedd Gwenlyn Parry yng nghanol ei hysgrifennu pan bu farw, yn dwyn y teitl Vera Lynn a'n Nhad.

Sgript anghyflawn cyfweliad gyda Gwenlyn Parry, [1987x1991], yn trafod ei waith, ei ddylanwadau, a'i fywyd yn gyffredinol.

Drafft bras gan Gwenlyn Parry o sgript i'r gyfres radio 'Dylanwadau' yn olrhain peth o'i hanes, [1989x1991].

Adroddiad gan Gwenlyn Parry ar amryw o ffilmiau tramor yn trafod eu haddasrwydd ar gyfer eu cyfieithu a'u darlledu yng Nghymru, [1990x1991].

Papurau'n ymwneud â'r Capel, [1970]-[1991], gan gynnwys nodiadau ar gyfer pregethau, a sgript drama gan Gwenlyn Parry yn seiliedig ar stori'r Geni a bywyd Iesu Grist ar gyfer ei pherfformio yn y Capel.

Deunydd printiedig yn ymwneud â gwaith Gwenlyn Parry, 1962-1991, yn cynnwys llyfr lloffion, 1962-1966; rhaglenni theatr a phosteri, 1966-1991; cylchgronau, 1973-1988; a thorion o'r wasg, [1978-1991].

Llyfr lloffion, 1962-1966, gan gynnwys rhaglenni pasiantau Nadolig a Phasg Eglwys Ebeneser, Caernarfon, y bu Gwenlyn Parry yn gyfrifol am eu cynhyrchu; rhaglenni theatr nifer o'i ddramâu cynnar, megis Y Ddraenen Fach a Poen yn y Bol; a thorion o'r wasg yn ymwneud â'i waith.

Rhaglenni theatr a phosteri yn gysylltiedig â dramâu Gwenlyn Parry, 1966-1991, gan gynnwys Y Ffin, Y Tŵr a Saer Doliau.

Cylchgronau, 1973-1988, gan gynnwys cyfweliadau gyda Gwenlyn Parry ac erthyglau yn ymwneud â'i waith.

Torion o'r wasg, [1978]-[1991], gan gynnwys adolygiadau o ddramâu teledu a llwyfan Gwenlyn Parry ac erthyglau amrywiol yn ymwneud â'i waith.

Papurau personol a theyrngedau, 1962-1993, yn cynnwys gohebiaeth, 1962-1989; papurau'n ymwneud â'r Academi Gymreig, 1967-[1987]; papurau personol, 1971-1993; cerddi, 1971-[1991]; a sgript drama deyrnged i Gwenlyn Parry, I Gofio Gwenlyn, 1992.

Gohebiaeth, 1962-1989, yn cynnwys yn bennaf llythyron at Gwenlyn Parry yn trafod ei fywyd a'i waith. Ymysg y gohebwyr mae John Wain, Saunders Lewis, Bobi Jones, Islwyn Ffowc Elis, a J. Ellis Williams. Ceir llythyron hefyd gan ei gyhoeddwyr yn trafod materion ariannol; llythyr o Dŷ'r Cyffredin yn beirniadu rhaglenni teledu Cymraeg; a llythyron o Swyddfa'r Arglwydd Siambrlen yn ymwneud â'r dramâu Y Ddraenen Fach a Poen yn y Bol.

Papurau'n ymwneud â'r Academi Gymreig, 1967-[1987], gan gynnwys llyfr cyfrifon yr Academi Gymreig yn ystod cyfnod trysoraeth Bedwyr L. Jones, 1967-1972; cerdyn aelodaeth Gwenlyn Parry; a chartŵn yn darlunio Rhydderch Jones, yng nghwmni Gwenlyn Parry, ymysg eraill, yn cael ei dderbyn yn gymrodor.

Papurau personol Gwenlyn Parry, 1969-1993, rhai ohonynyt wedi eu crynhoi gan Ann Beynon ar ôl ei farwolaeth, gan gynnwys trefn gwasanaethau angladdau Rhydderch Jones a Gwenlyn Parry, 1987 a 1991; copi o deyrnged Gwenlyn Parry i Huw Lloyd Edwards, [1975]; cerdyn adnabod Gwenlyn Parry i'r BBC; a thystysgrifau enwebu BAFTA Cymru ar gyfer y categori, 'Yr Awdur Gorau Ar Gyfer Y Sgrîn Gymraeg', 1992 ac 1993.

Cerddi, 1971-[1991], gan gynnwys dwy gerdd deyrnged i Gwenlyn Parry, ynghyd â chopi teipysgrif o benillion John Ormond, 'Ancient Monuments', wedi ei gyfeirio ato.

Sgript drama deyrnged i Gwenlyn Parry, I Gofio Gwenlyn, a'i perfformiwyd yn rhan o ŵyl coffa i'r dramodydd yn 1992. Crëwyd y sgript gan ddefnyddio detholiadau o weithiau Gwenlyn Parry yn unig, gan gynnwys Saer Doliau, Y Ffin a Panto. Mae'r ffeil hefyd yn cynnwys rhaglen yr ŵyl.