Dangos 42 canlyniad

Llyfrau nodiadau yn cynnwys nodiadau darlithiau ar gyfer cyrsiau a gynhaliwyd gan Gymdeithas Addysg y Gweithwyr (WEA) yng Nghorwen a Dinbych, Dinbych a Henllan a'r Rhyl ar lenyddiaeth Gymraeg.

Papurau amrywiol gan gynnwys llyfr nodiadau 'Nodiadau a dyfyniadau. Llên a barddoniaeth', 1930 a llyfrau nodiadau amrywiol; llyfr torion o'r Faner, 1970, am 'Stori Oberammergau' gan Gwilym R. Jones; taflen dathlu chwarter can mlwyddiant Ysgol Twm o’r Nant yn Ninbych yn 1985 yn cynnwys cerdd ganddo: ‘I ddathlu pen-blwydd Ysgol Twm o’r Nant’; a thaflen ‘Teyrnged i Gwilym R.’ a drefnwyd gan Yr Academi Gymreig yn 1983.

Llungopi o lythyr oddi wrth Ifor Rees, 1996, at fab y llenor yn ymwneud â chynnwys yr atgofion am wyliau yn y Cotswolds yn y gyfrol yng nghyfres Bro a bywyd a gyhoeddwyd yn 2001, ynghyd â sgript y rhaglen deledu a ddarlledwyd yn y gyfres ‘Arall fyd’, [1972].

Rhai rhifynnau o’r cylchgrawn Barddas, 1986-1990, yn cynnwys ‘Colofn Gwilym R.’ a cherddi ganddo.

Cerddi, [1937]-[1993], gan gynnwys cerddi i aelodau o'r teulu, cerddi coffa, emynau a throsiadau.

Traethawd buddugol 'Llŷr' [Rhisiart Hincks], Eisteddfod Genedlaethol Caerdydd 1978. Yr oedd Gwilym R. Jones yn un o'r beirniaid.

Cerddi, 1937-[1988], gan gynnwys 'Codasom gaer' mewn copi o Tir newydd, Tachwedd 1937; 'Siwrnai'r dewiniaid', trosiad o [Journey of the Magi] gan T. S. Eliot; ‘Cyfarchiad i’r Cymry ar wasgar’ a ‘Mynydd fy mynyddoedd’.

Ymhlith y cerddi mae ‘Hiraeth am Ddyffryn Nantlle’, englynion 'Dathlu chwarter canrif o Chwyldro Ciwba' yn 1984 a chyfieithiad i'r Saesneg, ac englyn i Robert Owen (y dewin orthopaedig).

Cerddi gan gynnwys englyn sydd ar gofeb rhyfel Ysgol Ramadeg Pen-y-groes a cherddi i'r Fam Teresa a 'Geldof a Theresa'.

Cerddi gan gynwys torion o'i gerddi a gyhoeddwyd yn Barn a'r Faner a llyfr wedi'i labelu ganddo yn 'Cerddi newydd Gwilym R.' gyda nodiadau cefndirol wedi'u hychwanegu yn ddiweddarach, ynghyd â llythyr oddi wrth aelod o dîm golygyddol y cylchgrawn Woman's Own yn dychwelyd ei bennill 'Compensation (for men)' gyda'r ffugenw 'Rhys Colwyn' .

Papurau’n ymwneud â threfnu'r daith i Israel adeg y Pasg 1981, ynghyd â llawysgrif y gyfrol Crud ein cred a gyhoeddwyd yn 1983.

Pryddest ‘Y gorwel’, Eisteddfod Genedlaethol Castell-nedd 1934; pryddest fuddugol ‘Ynys Enlli’, Eisteddfod Genedlaethol Caernarfon, 1935; awdl ‘Y ffin’, awdl anfuddugol Eisteddfod Genedlaethol Machynlleth 1937; a 'Rwy'n edrych dros y bryniau pell', awdl fuddugol Eisteddfod Genedlaethol Caerdydd 1938.

Pryddest ‘A ddioddefws a orfu’ gan ‘Pentewyn’, Eisteddfod Genedlaethol Aberafan - Port Talbot, 1932 (proflen) ac adysgrif o feirniadaeth T. Rowland Hughes ar ‘Nofel y Rhyfel Mawr’, Eisteddfod Genedlaethol Cymru Wrecsam 1933. [Ni ddyfarnwyd y wobr ond rhoddwyd deg punt yr un i Gwilym R. Jones a J. Rees Jones].

Cylchgronau, [1969]-1987, Y Faner yn bennaf, yn cynnwys ysgrifau a cherddi ganddo.

Papurau’n ymwneud â dosbarthiadau yn Llanrhaeadr, ger Dinbych, Carrog, Yr Wyddgrug, Henllan a Colwyn a Glyndŵr.

Ymhlith y darlithiau mae darlith (Saesneg) ar Betsi Cadwaladr, 'Dramâu Huw Lloyd Edwards a'i ddatblygiad fel dramodydd' a 'Pedr Fardd'.

Darlithiau gan gynnwys rhai ar 'Tafodiaith Arfon'; T. H. Parry-Williams; Catrin o Ferain; Daniel Owen; Ieuan Gwynedd. 'R. Williams-Parry a Choleg Bangor 1927-34' ; 'Ai Williams-Parry yw'n bardd mwyaf?', ynghyd ag 'Englynion i RWP'.

Darlithiau ar lenyddiaeth Gymraeg yn bennaf a nodiadau darlith ar gyfer cyrsiau o dan adain Cymdeithas Addysg y Gweithwyr, [1941]-1982.

Ymhlith y sgriptiau mae ‘Y crocbren’ sef drama bropaganda mewn pedair act ar ffurf torion o’r wasg a berfformiwyd gan Gwmni Talysarn; ‘Y deryn brith’; ‘Mawrion Sir Ddinbych’; a '‘Y blwch’, sgript a anfonodd i gystadleuaeth ysgrifennu drama, ynghyd â llythyr oddi wrth Is-bennaeth rhaglenni Cymru, 1970, yn cynnwys sylwadau am y ddrama.