Dangos 66 canlyniad

Llythyrau oddi wrth Iorwerth Peate, D. Rhys Phillips, Edgar Phillips, Mati Rees, T. Ifor Rees, Keidrych Rhys, Brinley Richards, Melville Richards, D. O. Roberts, Elwyn Roberts, Gomer M. Roberts, Glyn Simon a J. Beverley Smith, 1937-1964.

Llythyrau gyda nifer o ohebwyr gwahanol yn trafod carchariad Saunders Lewis a'i iechyd tra yn y carchar, ynghyd â chopi o gwestiynau a holwyd iddo mewn cyfarfod yn Nhŷ Cyfarfod y Crynwyr, yn Heol Fawr, Abertawe, yng nghanol y 1930au, [1935]-[1937].

Llythyrau oddi wrth David Bell, arlunydd a bardd a wnaethpwyd yn guradur Oriel Gelfyddyd Glyn Vivian, Abertawe, yn 1951, a llythyrau yn trafod Saunders Lewis, [1935]-1959.

Llythyrau oddi wrth Ceinwen Thomas, I. R. Thomas, John Ormond Thomas (at y Parch. W. Glasnant Jones), D. J. Williams, Gwilym Owen Williams, Ifor Williams, John L. Cecil Williams a Stephen J. Williams, 1933-1971.

Papurau yn ymwneud â dyletswyddau cyhoeddus Dr Iorwerth Hughes Jones.

Papurau'n ymwneud â mordeithiau'r Urdd, 1933-1935, gan gynnwys pamffledi, rhaglenni, llyfrynnau, lluniau a thorion o negeseuon a yrrwyd oddi ar fwrdd yr Orduña.

Papurau yn ymwneud â'r mudiadau a'r sefydliadau yr oedd Dr Iorwerth Hughes Jones yn ymwneud â hwynt, 1926-1970, sef Plaid Cymru, Yr Urdd, ymgyrchoedd gwleidyddol a Phrifysgol Cymru, Abertawe.

Llawysgrif fer yn ysgrifen y diweddar Parch. H. Elvet Lewis (Elfed), [c.1938], yn cynnwys ychydig o emynau Cymraeg a Saesneg, nodiadau ar gyfer pregethu a cherdd yn dechrau gyda'r geiriau 'Within Assisi's walls two evil flames of wrath'.

Papurau yn ymwneud â dyletswyddau cyhoeddus Dr Iorwerth Hughes Jones, 1947-1960, gan gynnwys pamffled a gwahoddiad i agoriad swyddogol llyfrgelloedd ym Mrynmill, Cila, Dunvant a Blaenymaes; llythyr yn trafod materion yn ymwneud â Dunvant; rhaglen a gwahoddiad i agoriad neuadd Ysgol Uwchradd Sir Dunvant; llythyr yn trafod y llewod ar giatiau parc Sgeti; a rhaglen cinio Gŵyl Ddewi Cymmrodorion Abertawe, sydd â chopïau o gerddi y tu fewn iddi.

Papurau'n ymwneud â'r arlunydd Ceri Richards, 1938-1972, gan gynnwys llythyrau oddi wrth Ceri Richards a Frances Richards at Dr Iorwerth Hughes Jones, ei wraig Elizabeth a'i dad W. Glasnant Hughes Jones, ynghyd â llythyrau gan bobl eraill at Dr Iorwerth Hughes Jones yn ymwneud â Ceri Richards; cardiau nadolig gwreiddiol oddi wrth Ceri a Frances Richards at Dr Iorwerth Hughes Jones a'i wraig; gwahoddiadau i arddangosfeydd; nodiadau ar hanes Ceri Richards a'i deulu; a negatif o lun o Ceri Richards yn Rhoshili.

Mae'r archif yn adlewyrchu diddordebau amrywiol Dr Iorwerth Hughes Jones, ac yn cynnwys gohebiaeth, papurau personol, nodiadau, ffotograffau, torion papur newydd, a phapurau a dderbyniodd gan eraill.

Cyfrolau, papurau a dogfennau a gasglwyd gan Edward Griffith, Y.H., 1691-1918, Springfield, Dolgellau, gan gynnwys cofrestr a oedd yn wreiddiol yn gofrestr o'r cytundebau adbryniadau o'r trethi tir yn Sir Feirionnydd, 1799-1804, ond a ddefnyddiwyd wedyn fel llyfr lloffion gan Edward Griffith; llawysgrif yn rhestru aelodau Cymdeithas Ddiwinyddol Capel Salem Dolgellau, a chofnodion o gyfarfodydd y Gymdeithas, 1854-1856 (defnyddiwyd tudalennau gwag y gyfrol gan Edward Griffith i gofnodi amrywiol bethau); dau gopi o ach wedi eu cymryd allan o Lyfr Pantphillip (Llawysgrif NLW 2691), ac achau teulu Cae'r Berllan, Llanfihangel-y-Pennant, Meirionnydd; a phapurau rhydd yn cynnwys erthygl papur newydd, ymrwymiad, derbyneb, ewyllysiau, nodiadau, hanes ac ach teulu Rhys Lewis, cytundeb prentisiaeth, tystysgrifau, copi o achau'r Tuduriaid o Gefnrowen a gweithred.

Papurau yn ymwneud â'r arlunydd Evan Walters, 1926-1971, gan gynnwys llythyrau oddi wrth ac at Evan Walters; brasluniau inc a phensil; torion papur newydd yn ymwneud yn bennaf â'i farwolaeth; deunydd printiedig, megis rhaglenni arddangosfeydd, cerdyn aelodaeth ei dad i'r 'Amalgamated Society of Woodworkers' a'i gerdyn yn nodi cyfraniadau i'r 'Loyal Treboeth Lodge'; mae yma hefyd ffotograff o un o luniau Evan Walters.

Papurau amrywiol a ddaeth o lyfrgell gweinidog Llanwrtyd, [1800]x[1900], yn cynnwys cofrestr o anerchiadau a draddodwyd gan William Rees (Gwilym Hiraethog) yn y Tabernacle, Great Crosshall Street, Lerpwl, 1843-1846; llyfr William Williams ('Willliam Williams's book of Rememberance'), Ionawr 1824, yn cynnwys tiwn gron a nodiadau pregethau; llyfr llawysgrif o donau emynau; nodiadau ar Gyngor Trent; llyfr rhifyddeg Miss (Mary) Elias (sydd yn cynnwys nodiadau pregethau ar y tudalennau gwag); llyfr nodiadau mathemateg sy'n cynnwys adysgrif o gerdd gan Philip Morgan, a gyhoeddwyd yn Seren, 1844; gweithred ('deed of gift') o chwarter acer i adeiladu ysgol a thŷ ysgol yn Llanwrtyd; rhestr o guradon Llanwrtyd, 1754-1771 a darnau allan o gofrestri plwyf Llanwrtyd 1772-1805; torion papur newydd; llyfrau nodiadau yn cynnwys darlithoedd a phregethau, a phregethau nifer ohonynt gan John Griffiths; ynghyd â dyddiadur y Parch Richard James, Llanwrtyd, yn ei law ei hun, [1874]-[1875].

Papurau yn ymwneud â'r bardd Vernon Watkins, 1941-1970, gan gynnwys llythyrau oddi wrtho ef a'i wraig at eu plant ac at Dr Iorwerth Hughes Jones a'i wraig, ynghyd â llythyr oddi wrth Miss J. McConnick at Mrs Iorwerth Hughes Jones, llythyr oddi wrth fam Vernon Watkins at Dr Iorwerth Hughes Jones ar ôl marwolaeth ei mab, a chardiau printiedig yn diolch am gydymdeimlad; torion papur newydd yn ymwneud â Vernon Watkins a'i waith, gan gynnwys adroddiadau ar ei farwolaeth a'r gwasanaethau coffa iddo, ynghyd â rhai ysgrifau coffa; a llun o Caswell Bay.

Llawysgrifau hanesyddol a gasglwyd gan Dr Iorwerth Hughes Jones, 1659-1953, gan gynnwys llyfryn a gyhoeddwyd yn 1659.

Llythyrau yn ymwneud â Phlaid Cymru, 1926-1945.

Papurau yn ymwneud â dathliadau jiwbili Coleg y Brifysgol, Abertawe, 1970.

Papurau'n ymwneud ag ymgyrchoedd etholiadol Dr Iorwerth Hughes Jones, rhwng 1947 a 1955 yn Ward Sgeti, ac yn cynnwys llythyrau yn ei longyfarch ar ei lwyddiant yn etholiad 1947, yn eu plith llythyrau oddi wrth John Jenkyn Morgan a D. Rhys Phillips; pamffledi ymgyrchu; torion papur newydd; papurau yn ymwneud â chostau; ac anerchiad etholiad, dyddiedig 17 Tachwedd 1923, er nad yw yn glir os mai ysgrifen Dr. Iorwerth Hughes Jones yw hwn.

Copi o'r llyfr The Antiquities of Nations (Llundain, 1706), gyda nodiadau llaw gan John Williams, [1780]-[1786].