Showing 66 results

Llawysgrifau hanesyddol a gasglwyd gan Dr Iorwerth Hughes Jones, 1659-1953, gan gynnwys llyfryn a gyhoeddwyd yn 1659.

Cyfrolau, papurau a dogfennau a gasglwyd gan Edward Griffith, Y.H., 1691-1918, Springfield, Dolgellau, gan gynnwys cofrestr a oedd yn wreiddiol yn gofrestr o'r cytundebau adbryniadau o'r trethi tir yn Sir Feirionnydd, 1799-1804, ond a ddefnyddiwyd wedyn fel llyfr lloffion gan Edward Griffith; llawysgrif yn rhestru aelodau Cymdeithas Ddiwinyddol Capel Salem Dolgellau, a chofnodion o gyfarfodydd y Gymdeithas, 1854-1856 (defnyddiwyd tudalennau gwag y gyfrol gan Edward Griffith i gofnodi amrywiol bethau); dau gopi o ach wedi eu cymryd allan o Lyfr Pantphillip (Llawysgrif NLW 2691), ac achau teulu Cae'r Berllan, Llanfihangel-y-Pennant, Meirionnydd; a phapurau rhydd yn cynnwys erthygl papur newydd, ymrwymiad, derbyneb, ewyllysiau, nodiadau, hanes ac ach teulu Rhys Lewis, cytundeb prentisiaeth, tystysgrifau, copi o achau'r Tuduriaid o Gefnrowen a gweithred.

Copi o'r llyfr The Antiquities of Nations (Llundain, 1706), gyda nodiadau llaw gan John Williams, [1780]-[1786].

Llyfr torion, [1884]x[1939], gan gynnwys rhai yn ymwneud â Brenin Sior V; llythyrau a phapurau megis gwahoddiadau a thystysgrifau yn perthyn i Ifor D. Thomas a'i [dad] Philip Thomas, gan gynnwys llythyr at Miss Dilys Thomas (merch Philip Thomas), gan William Nantlais Williams ('Nantlais') gyda fersiwn Saesneg o un o'i emynau.

[Dyddiadur y Suliau] yn cofnodi enwau pregethwyr, 1892-1907. Nid oes dim i ddweud ar gyfer pa gapel mae'r llyfr yma.

Papurau amrywiol a ddaeth o lyfrgell gweinidog Llanwrtyd, [1800]x[1900], yn cynnwys cofrestr o anerchiadau a draddodwyd gan William Rees (Gwilym Hiraethog) yn y Tabernacle, Great Crosshall Street, Lerpwl, 1843-1846; llyfr William Williams ('Willliam Williams's book of Rememberance'), Ionawr 1824, yn cynnwys tiwn gron a nodiadau pregethau; llyfr llawysgrif o donau emynau; nodiadau ar Gyngor Trent; llyfr rhifyddeg Miss (Mary) Elias (sydd yn cynnwys nodiadau pregethau ar y tudalennau gwag); llyfr nodiadau mathemateg sy'n cynnwys adysgrif o gerdd gan Philip Morgan, a gyhoeddwyd yn Seren, 1844; gweithred ('deed of gift') o chwarter acer i adeiladu ysgol a thŷ ysgol yn Llanwrtyd; rhestr o guradon Llanwrtyd, 1754-1771 a darnau allan o gofrestri plwyf Llanwrtyd 1772-1805; torion papur newydd; llyfrau nodiadau yn cynnwys darlithoedd a phregethau, a phregethau nifer ohonynt gan John Griffiths; ynghyd â dyddiadur y Parch Richard James, Llanwrtyd, yn ei law ei hun, [1874]-[1875].

Llyfr nodiadau Howell Price, 1758-1766, bonheddwr o Lyn Llech, plwyf Ystradgynlais, Sir Frycheiniog.

Llyfr nodiadau R. Rees, cyn-ysgolfeistr y Crwys, yn llawn nodiadau ar enwau lleoedd lleol, [ar ôl 1942].

Llawysgrif fer yn ysgrifen y diweddar Parch. H. Elvet Lewis (Elfed), [c.1938], yn cynnwys ychydig o emynau Cymraeg a Saesneg, nodiadau ar gyfer pregethu a cherdd yn dechrau gyda'r geiriau 'Within Assisi's walls two evil flames of wrath'.

Llythyrau at Mrs. Rachel Lewis yn trafod y dollborth ym Mhentre Estyll, ynghyd â rhai tollbyrth eraill, a ffurflen i nodi faint o doll a gasglwyd mewn wythnos, [c.1865]-[c.1874].

Llyfryn a ddaeth i law, neu a brynwyd gan, Dr Iorwerth Hughes Jones.

Ffotograffau teuluol, y rhan fwyaf ohonynt yn cynnwys y Parch. Ebeneser Aman Jones, 1873x1953.

Llyfr cyfrifon Walter Griffiths, 1875-1890.

Papurau yn ymwneud â'r mudiadau a'r sefydliadau yr oedd Dr Iorwerth Hughes Jones yn ymwneud â hwynt, 1926-1970, sef Plaid Cymru, Yr Urdd, ymgyrchoedd gwleidyddol a Phrifysgol Cymru, Abertawe.

Llythyrau yn ymwneud â Phlaid Cymru, 1926-1945.

Llythyrau yn ymwneud â Phlaid Cymru, er bod naws lled-bersonol i rai o'r lythyrau, 1926-1945. Ceir hefyd ffurflenni aelodaeth. Mae yma lythyrau oddi wrth J. E. Jones a H. R. Jones.

Llythyrau yn trafod materion Cymreig a'r Urdd yn bennaf, ynghyd â phapurau'n ymwneud â mordeithiau'r Urdd, 1933-1962.

Llythyrau oddi wrth R. E. Griffith a Syr Ifan ab Owen Edwards yn trafod materion yn ymwneud â'r Urdd yn bennaf, 1952-1962, er bod naws bersonol i rai o'r llythyrau hefyd. Yn ogystal ceir pamffledi ar gyfer cyfarfod anrhydeddu Syr Ifan ab Owen Edwards.

Papurau'n ymwneud â mordeithiau'r Urdd, 1933-1935, gan gynnwys pamffledi, rhaglenni, llyfrynnau, lluniau a thorion o negeseuon a yrrwyd oddi ar fwrdd yr Orduña.