Dangos 142 canlyniad

Drafftiau teipysgrif y stori fer hir a gyhoeddwyd yn Islwyn Jones a Gwilym Rees Hughes (golygyddion), Storïau '72 (Llandysul, 1972), ynghyd â chopi cyflawn wedi'i gywiro.

Papurau, 1913, 1942-1985, yn ymwneud â'i weinidogaeth a'i yrfa yn y colegau diwinyddol.

Papurau'n deillio o'r cyfnod y bu'n weinidog ar yr Eglwys, 1942-1946, ynghyd â phregethau diweddarach.

Llythyr, 1942, yn ei wahodd i fod yn Weinidog ar Eglwys Minster Road, llythyrau, 1944-1946, oddi wrth aelodau ac eraill a oedd mewn cysylltiad â'r eglwys ac yn gwasanaethu yn y lluoedd arfog yn diolch am rodd adeg y Nadolig. Ceir hefyd ddau fersiwn o'i araith 'Cardiff & Glamorgan in the future of Wales', 1945, a noddwyd gan Blaid Genedlaethol Cymru

Taflen ei wasanaeth ordeinio, 21 Gorffennaf 1943, i ofalaeth yr Eglwys, ynghyd â thaflenni a gyhoeddwyd yn wythnosol ganddo yn nodi trefn y gwasanaethau a llythyr bugeiliol oddi wrtho.

Pregethau Saesneg, [1943]-[1980], yn bennaf. Ceir 'Pregethau'r Adfent' gan gynnwys ei bregeth 'Yr allwedd i hanes' a ddarlledwyd ar 'Oedfa'r Bore' yn 1980. Mae rhestr o'r pregethau yn yr amlen leiaf.

Papurau, 1945, y'n ymwneud â threfnu darllediad gan y BBC o wasanaeth yn yr Eglwys ar gyfer cynulleidfa yn Awstralia a Seland Newydd gan gynnwys trefn y gwasanaeth, 9 Medi 1945, llythyrau a'r sgript.

Papurau'n ymwneud â'r cyfnod y bu'n Athro a Phrifathro yng Ngholeg Coffa Aberhonddu, 1950-1959, ac yn Brifathro yng Ngholeg Coffa Abertawe, 1959-1981.

Llyfr nodiadau, 1913, 1952-1960, yn cynnwys manylion am fyfyrwyr y Coleg a chofnodion cyfarfodydd amrywiol.

Papurau amrywiol gan gynnwys ei anerchiad 'Y pethau nid ydynt' fel Llywydd Undeb yr Annibynwyr yn Rhosllanerchrugog, 1973, gyda'i nodiadau; copi o'r Tyst, 26 Hydref 1978, yn cynnwys ei erthygl tudalen flaen 'Dyfodol y Coleg Coffa'; a 'Y Coleg Coffa ar hyn o bryd', [1981].

Darlithiau diwinyddol, [1968]-[1976], gan gynnwys ‘Gwenallt, bardd y ffydd’, [1968] a ‘The God of the living’ (Drew Lecture on Immorality 1976).

Papurau, 1977-1981, yn ymwneud â'r Coleg Coffa yn Abertawe a sefydlu'r Ysgol Ddiwinyddiaeth newydd, gan gynnwys llythyrau oddi wrth R. Tudur Jones (2), a chofnodion cyfarfodydd yr ysgol arfaethedig, 1978-1981.

Papurau, 1977-1985, gan gynnwys cofnodion ac adroddiadau pwyllgorau'r URC.

Papurau, 1983-1985, gan gynnwys cofnodion cyfarfodydd y Comisiwn ar uno Coleg Bala-Bangor a'r Coleg Coffa.

Papurau, 1948-[1982], yn ymwneud ag uno Coleg Coffa Aberhonddu a Choleg Presbyteraidd, Caerfyrddin, a ffurfio coleg unedig yn Abertawe. Ceir torion hefyd o'r Tyst a The Christian World yn trafod y penderfyniad hwn, a thaflen dathlu daucanmlwyddiant Coleg Coffa Aberhonddu yn Eglwys Gynulleidfaol Ebenezer, Abertawe, 1957.

Enghreifftiau o bapurau arholiad Diploma mewn Diwinyddiaeth Prifysgol Cymru, 1948-1973, yn deillio o'i gyfnod fel darlithydd ym Mangor, Aberhonddu ac Abertawe.

Papurau, 1949-1959, gan gynnwys llythyr oddi wrth Alun Oldfield-Davies, 1957, yn ei wahodd i fod yn aelod o Bwyllgor Ymgynghorol Crefyddol y BBC yng Nghymru; llythyr oddi wrth Keidrych Rhys, 1957; llythyrau oddi wrth Nath[anie]l Micklem, Pennaeth Coleg Mansfield, Rhydychen; papurau'n ymwneud â'i rôl fel tiwtor i oedolion (Cwrs Llenyddiaeth Gymraeg, Aberhonddu, 1953; emynau o'i waith; enghreifftiau o'i bregethau; holiadur swyddogol Prifysgol Cymru am y Coleg, [1954] ac ychwanegiadau, [1958], ynghyd â llungopïau gan [Densil Morgan] o’i ddyddiadur taith ef a'i wraig Rosemarie i'r cyfandir ('yr ail fis mêl'), 1959 ac o [Blwyddiadur a Llawlyfr yr Annibynwyr, 1951-1959], yn cynnwys rhestri o'r myfyrwyr. -- Ceir hefyd ysgrif, [1975], a luniodd am John Evans, Athro yn y Coleg Coffa, a gyhoeddwyd yn [Y Bywgraffiadur Cymreig, 1951-1970, (Llundain, 1997)], ac ysgrif goffa a luniodd amdano ar gyfer y Times, 1959.

Llyfr yn cofnodi cyfarfodydd Senedd Colegau Aberhonddu ac Abertawe yn ddiweddarach, 1950-1970.

Papurau'n ymwneud â'r 'Investigation Committee', 1955-1956, gan gynnwys adroddiad ar gyfweliadau gyda staff y coleg, 1956.

Papurau, 1956-1979, gan gynnwys cylchlythyrau Cyngor Eglwysi Rhyddion Cymru a Chymdeithas Annibynnol Gydwladol (International Congregational Council).