Showing 67 results

Mae'r ffeil yn cynnwys hanner cant a phump o lythyrau, yn cynnwys llythyrau oddi wrth Sir John Cecil-Williams (2), Hafina Clwyd (1), Goronwy Daniel (1), Sephora Davies (1), Y Parch. G. A. Edwards (4), Huw [Ethall] (3), Yr Athro D. Simon Evans (1), Gwynfor Evans (1), James Hanley (1), Lancelot Hogben (1) Cledwyn Hughes (1), Augustus John (1), Alun Jones (1), Yr Athro Bedwyr Lewis Jones (4), Bobi Jones (1), Gwenallt, (1), Gwenan Jones (3), Gwyn [Erfyl Jones] (3), Ceri Lewis (1), Hywel Lewis (1), Saunders Lewis (2), David Lloyd (1), J. R. Owen (6), Syr Thomas Parry (3), Marged [Pritchard] (1), Melville Richards (1), R. S. Thomas (1), Elfed Thomas (1), Huw Wheldon (1), D. J. Williams (1), Gerwyn Williams (1) a T. H. Parry Williams (1).

Mae'r grŵp yn cynnwys papurau am Blaid Cymru, 1966-1969, yn arbennig papurau'n ymwneud ag etholiadau ac â'r arwisgiad, a gohebiaeth â Gwynfor Evans, Aelod Seneddol Caerfyrddin, 1966-1970; 1974-1979.

Pregethau a draddodwyd ganddo, [1964]-[1997]. Cofnodir enw'r eglwys ar y bregeth, yn arbennig Eglwys Shiloh, Llanbedr Pont Steffan.

Deg o englynion wedi'u hargraffu, a gyfansoddwyd i nodi pen-blwydd Islwyn Ffowc Elis yn ddeg a thrigain mlwydd oed ym mis Tachwedd 1994 mewn dathliad a drefnwyd gan Yr Academi yn Llyfrgell Wrecsam.

Traethawd ymchwil Johan Schimanski, 'A Poetics of the Border'. Nation and genre in Wythnos yng Nghymru Fydd and other texts by Islwyn Ffowc Elis' (Prifysgol Oslo, 1996).

Enghreifftiau o bapurau arholiadau pentymor a gradd cyrsiau yn y Gymraeg ac mewn Astudiaethau Cymraeg a osodwyd ym Mhrifysgol Dewi Sant, Llanbedr Pont Steffan, 1987-1991.

Llyfr lloffion yn ymwneud ag isetholiad Maldwyn 1962. Yr oedd Islwyn Ffowc Elis yn ymgeisydd ar ran Plaid Cymru.

Copi o'r Arloeswr, Gaeaf 1959, yn cynnwys y gerdd 'Perthyn' ganddo a'i drosiad o Efengyl Mathew i Gymraeg diweddar (1961).

Taflen briodas Eirlys Rees Owen a'r Parchedig Islwyn Foulkes Ellis, Eglwys Bresbyteraidd Cymru, Rhoslefain, Towyn, 28 Hydref 1950; llungopïau o bortreadau pensil ganddo o’i gefnder R. Glynne Lloyd; taflen gyfrannu at apêl Cronfa Gŵyl Ddewi Plaid Cymru un [1969] a'r neges gan Islwyn Ffowc Elis - 'Dyma’r amser ... '; rholyn: 'The ancient history of the distinguished surname Kenrick', [1993]; a thoriad o’r Tyst yn cynnwys adroddiad am ddadorchuddio plac ar ei gartref Pengwern yn 2010.

Mae'r gyfres yn cynnwys rhyddiaith gan Islwyn Ffowc Elis, megis drafftiau anghyflawn o dair stori, a chopïau teipysgrif o sgyrsiau radio.

Llythyrau oddi wrth R. S. Thomas, 1965-1989, ac oddi wrth James Hanley, 1977-1981.

Teipysgrifau o'i golofn yn Y Cymro yn trafod materion crefyddol, [1972].

Adysgrifiad o’r drafodaeth rhwng Eirian Davies ac Islwyn Ffowc Elis a recordiwyd yn 1971; tair sgript ‘Dylanwadau’, 1992 ar gyfer y gyfres o sgyrsiau radio ‘Sglein’, 1993 (y gyntaf yn eisiau) a 'Rhwng Gŵyl a Gwaith'.

Drafftiau o erthyglau ar gyfer cylchgronau, dyddiadur, 31 Rhagfyr 1965-7 Mawrth 1966, mewn teipysgrif, ynghyd â llythyr oddi wrth Gwynfor Evans, 1979.

Llythyr printiedig, 1954, wrth iddo ffarwelio â’r eglwys yn Llanfair Caereinion, sgwrs am ‘Tegla’ ar gyfer Rhwng Gŵyl a Gwaith, 1980, ynghyd â manylion am ei yrfa a’i gyhoeddiadau, [1983] a llungopi o bapur bro Nene, Ebrill 2000, yn cofnodi 'Cinio llenyddol efo Islwyn Ffowc Elis'.

Sgriptiau'r gyfres deledu ‘Rhai yn fugeiliaid’,1962; sgript radio ‘Y gôt fawr’ a droswyd o’r Eidaleg ganddo, 1963; ‘Gwanwyn diweddar’, drama gyfres ar gyfer y teledu, 1963; a 'Bwystfil y ddaear', 1965, ynghyd â sgript 'Y silff lyfrau' yn cynnwys adolygiad o Yn ôl i Leifior, 1957 a dwy ffars 'Gŵr Mrs Jones' a 'Y Golofn danllyd'.

Llythyrau yn ymwneud â'r radd DLitt (Prifysgol Cymru) er anrhydedd a ddyfarnwyd iddo yn 1993, ei ethol yn Gymrawd Anrhydeddus o Brifysgol Cymru - Coleg y Drindod, Caerfyrddin yn 1994 a Phrifysgol Cymru Bangor yn 1995, ynghyd â thystysgrifau a gyflwynwyd iddo yn y seremonïau.

Llythyrau, 1977-1991, gan gynnwys llythyrau oddi wrth yr Athro A. Shisha-Halevy, Jerwsalem, ac oddi wrth Svetoslav Kolev, Sofia, 1980, a gyfieithodd stori fer 'Y polyn' i'r Fwlgareg ac a gyhoeddwyd mewn papur dyddiol yn 1977 sy'n gynwysedig.