Dangos 50 canlyniad

Disgrifiad archifol
Papurau John Ellis Williams Cymraeg
Rhagolwg argraffu Gweld:
Esgynnol

Toriadau amrywiol

Mae'r ffeil yn cynnwys llyfr lloffion 'Rhif 4, 1926-7', sef toriadau o bapurau newyddion a chyfnodolion amrywiol, 1919-1934. Mae'n cynnwys llythyrau a chardiau oddi wrth R. Silyn Roberts, A. E. Jones (Cynan), E. Tegla Davies, 1927, T. Hudson Williams, 1927, Arthur Mee, 1925, Howard de Walden, ac W. Talog Williams, 1926. Mae'r ffeil hefyd yn cynnwys dau lun pensil o John Ellis Williams a'i wraig; Y Crwt, cylchgrawn ysgol Llanfrothen, 1924; tystysgrifau eisteddfodol, 1919-1926; ffotograffau o'r dramâu 'Ceidwad y Porth' a 'Ffon Dafl'; ffotograffau o ddisgyblion ysgol Glanypwll a ffotograffau personol ac amrywiol; a cherdd gan R. Silyn Roberts.

Davies, E. Tegla (Edward Tegla), 1880-1967

Toriadau amrywiol

Mae'r ffeil yn cynnwys llyfr lloffion 'Rhif 5, 1932-36', sef toriadau papur newydd 1932-1936. Mae'n cynnwys hefyd ffotograffau a rhai rhaglenni dramâu.

Toriadau amrywiol

Mae'r ffeil yn cynnwys llyfr lloffion 'Rhif 2, 1922-23' sydd yn cynnwys toriadau papur newydd 1922-1927. Mae'n cynnwys llythyrau a chardiau oddi wrth E. Tegla Davies, 1922, Owen Edwards, 1918, Ifan ab Owen Edwards, 1922, Ifor Williams, Ernest Evans, 1916, W. J. Gruffydd, R. D. Rowland (Anthropos), 1919, T. Gwynn Jones, 1922, D. Tecwyn Evans, 1918, ac Arthur Henderson, [c. 1922]

Davies, E. Tegla (Edward Tegla), 1880-1967

Toriadau amrywiol

Mae'r ffeil yn cynnwys llyfr lloffion 'Rhif 5(b), 1937-9' sydd yn cynnwys toriadau papur newydd amrywiol, 1937-1939. Mae hefyd yn cynnwys ffotograffau personol, amrywiol raglenni, a llythyr oddi wrth y Parch. John Harper ynglŷn â chynhyrchiad o'r ddrama 'The Sheep of William Morgan' yn Mahanoy City, Pennsylvania, 1939.

Toriadau amrywiol

Mae'r ffeil yn cynnwys llyfr lloffion 'Rhif 8, 1959-61', sef toriadau papur newydd 1958-1961. Mae'n cynnwys toriad allan o'r London District Orders, 1945, llythyrau ar ymddiswyddiad John Ellis Williams o'r 'Welsh Services Club', 1945, llythyrau oddi wrth Thomas Parry, 1956, a Chynan, 1957, rhaglenni, 1959-1960, ffotograffau o'r fyddin a ffotograffau personol yn cynnwys un yn 1942.

Cynan, 1895-1970

Toriadau llun llafar 'Y Chwarelwr'

Mae'r ffeil yn cynnwys llyfr lloffion 'Rhif 5(a), 1935' sydd yn cynnwys toriadau papur newydd yn ymwneud â'r llun llafar 'Y Chwarelwr', 1935. Mae hefyd yn cynnwys rhai ffotograffau personol, yn cynnwys un dyddiedig 1925.

Toriadau papur newydd amrywiol

Mae'r gyfres yn cynnwys llyfrau lloffion, 1912-1974, yn bennaf o doriadau papur newydd o erthyglau John Ellis Williams, adolygiadau o'i ddramâu, ac erthyglau yn ymwneud â'i weithiau llenyddol, ei gwmni drama, ei rôl fel prifathro a'i ymddeoliad, ynghyd â'i raglenni radio a theledu. Mae'r llyfrau lloffion hefyd yn cynnwys llythyrau oddi wrth ffigyrau amlwg yn y byd llenyddol Cymreig ynghylch gweithiau John Ellis Williams, rhaglenni cystadlaethau a gwyliau drama lle defnyddir dramâu John Ellis Williams neu ei fod yntau'n beirniadu; ffotograffau o'i ddramâu a ffotograffau personol.

Canlyniadau 21 i 40 o 50