Dangos 6003 canlyniad

Disgrifiad archifol
Ffeil / File
Rhagolwg argraffu Gweld:
Esgynnol

Barddoniaeth gynnar

Llyfrau nodiadau Menna Elfyn yn cynnwys ymdrechion barddoni cynnar a drafftiau o gerddi, rhai ohonynt a gynhwyswyd yn ddiweddarach ar ffurf cyflawn mewn gweithiau cyhoeddiedig megis Mwyara (1976), 'Stafelloedd Aros (1978) a Tro'r Haul Arno (1982), ynghyd â barddoniaeth gan feirdd eraill ac amrywiol ddyfyniadau.

O'r Iawn Ryw

Deunydd yn ymwneud â'r flodeugerdd O'r Iawn Ryw (1991), a olygwyd gan Menna Elfyn, gan gynnwys adolygiadau ac erthyglau.

Trying the Line

Deunydd yn ymwneud â'r flodeugerdd Trying the Line, (1997), a olygwyd gan Menna Elfyn, gan gynnwys adolygiadau.

Ffŵl yn y Dŵr

Deunydd yn ymwneud â Ffŵl yn y Dŵr (1999), cyfrol o gerddi ar gyfer pobl ifanc a olygwyd gan Menna Elfyn, gan gynnwys adolygiad.

Bondo

Deunydd yn ymwneud â'r flodeugerdd ddwyieithog Bondo (2017), gan gynnwys drafft anodiadol o'r gyfrol a datganiad i'r wasg.

Cerddi amrywiol

Cerddi gan Menna Elfyn a gynhwysir yn ei chyfrolau cyhoeddiedig ond nad oeddent wedi'u cyplysu o fewn y casgliad ag unrhyw gyfrol(au) penodol.

Teyrngedau i Seamus Heaney

Teyrngedau i Seamus Heaney, gan gynnwys barddoniaeth a rhyddiaith gan Hayden Murphy ac arlunwaith gan Hugh Bryden a John Behan.

Deunydd amrywiol

Deunydd cyffredinol yn ymwneud â chyfieithu, gan gynnwys hanes sefydlu canolfan gyfieithu yn Nhŷ Newydd, Llanystumdwy, datganiad am y llenor Basgaidd Eli Tolaretxipi, cerddi yn yr iaith Arabeg a chyfieithiadau i'r Saesneg o hen benillion Cymraeg.

Erthyglau ac ysgrifau gan neu am Menna Elfyn

Erthyglau ac ysgrifau gan neu yn ymwneud â Menna Elfyn, gan gynnwys drafftiau o ragymadroddion, rhageiriau a phenodau ar gyfer deunydd cyhoeddedig; ynghyd â dwy erthygl am Fflur Dafydd, merch Menna Elfyn, a gohebiaeth berthnasol at Menna Elfyn oddi wrth yr Athro John Rowlands ac eraill.

Nofel: Madfall ar y Mur

Deunydd yn ymwneud â Madfall ar y Mur (1993), nofel gyntaf Menna Elfyn ar gyfer pobl ifanc, gan gynnwys drafft cyntaf o'r gwaith, llythyrau at Menna Elfyn oddi wrth sefydliad Juconi, sy'n cynnig lloches i blant y stryd yn ninas Puebla, Mecsico (a lle bu Menna Elfyn yn aros tra'n ymchwilio i'r nofel), nodiadau cefndirol, erthyglau papur newydd a chopi printiedig o'r nofel.

Y Ni a Nhw

Drafftiau o'r ddrama Y Ni a Nhw, sef addasiad Cymraeg gan Menna Elfyn o ddrama un-act David Campton Us and Them (1972).

Dadlau Rhin

Deunydd yn ymwneud â Dadlau Rhin, drama a gomisiynwyd ar gyfer Cwmni Theatr Hwyl a Fflag, Mawrth 1993, gan gynnwys crynodeb o'r naratif a chopïau drafft a theg o'r sgript.

Melltith y Mamau

Deunydd yn ymwneud â'r ddrama lwyfan Melltith y Mamau (1995), gan gynnwys copi teg o'r sgript, posteri a thocynnau ar gyfer y perfformiad ac adolygiadau.

Trwy Waed y Galon/A Lifetime on Tiptoes

Deunydd yn ymwneud â'r ddrama lwyfan Trwy Waed y Galon (2012), sef addasiad Cymraeg gan Menna Elfyn o ddrama Mazhar Tirmazi A Lifetime on Tiptoes (2012), gan gynnwys copi teg o destun y llyfr A Lifetime on Tiptoes: Script in Three Languages (2012), posteri printiedig yn hysbysebu noson agoriadol y ddrama, cardiau printiedig yn hysbysebu'r llyfr a gwybodaeth gefndirol.

Canlyniadau 3341 i 3360 o 6003