Showing 4 results

Copiau llawysgrif a theipysgrif o lyfrau plant gan Dafydd Parri, Mary Vaughan Jones, J. Selwyn Lloyd, R. Lloyd Jones, Irma Chilton, Gweneth Lilly a nifer o awduron eraill a gasglwyd gan Ganolfan Llenyddiaeth Plant Cymru, [c. 1953]-[c. 1975] = Manuscripts and typescripts of children's books by Dafydd Parri, Mary Vaughan Jones, J. Selwyn Lloyd, R. Lloyd Jones, Irma Chilton, Gweneth Lilly and many others collected by Canolfan Llenyddiaeth Plant Cymru, [c. 1953]-[c.1975].

Llawysgrifau ychwanegol gan gynnwys llyfr lloffion yn eiddo i Jennie Thomas, un o gyd-awduron 'Llyfr Mawr y Plant', yn cynnwys toriadau o'r wasg yn ymwneud a chyhoeddi'r llyfr; nodiadau a theipysgrif yn llaw Mary Vaughan Jones ar 'Llyfr Bach Culhwch'; llawysgrif yn llaw Mary Vaughan Jones o 'Llyfr Mawr Culhwch' a chyfieithiad yn ei llaw o 'Dan Hwyaden', a llythyron oddi wrthi hi at wahanol bobl. Nid yw'r papurau hyn wedi eu catalogio eto (Awst 2011).

Papurau, [1936]-[1949], yn ymwneud â gweithgareddau'r Ysgol Gymraeg, gan gynnwys torion o'r wasg am addysg Gymraeg gan gynnwys 'The value of choral speaking in speech training', Teachers world and schoolmistress, 1936; enghreifftiau o bapurau arholiad, 1943, hanes, daearyddiaeth a gwybodaeth gyffredinol, Cymraeg iaith, a Saesneg, a osodwyd gan yr ysgol; rhaglen Gŵyl Ysgol a gynhaliwyd yn 1944 a chyngherddau Nadolig 1948 a 1949. Ym mhlith rhain mae llythyrau oddi wrth Cassie Davies, 1941, Mary [Vaughan Jones], [1949], Alun Llywelyn Williams, 1946, a Chyfarwyddwr Addysg Sir Forgannwg, 1949, yn cadarnhau ei bod wedi'i dewis yn ddarlithydd yng Ngholeg Y Barri. Ceir llythyrau hefyd oddi wrth edmygwyr ac ymholiadau am ddysgu Cymraeg. Yn ogystal ceir adroddiad Norah Isaac, 1945, i'r Pwyllgor Ymgynghorol ar Addysg yng Nghaerdydd, yn ymwneud â sut yr ymgorfforir diwylliant y gymuned i'r Ysgol Gymraeg; a ffotograffau ac enghreifftiau o waith ysgol y disgyblion.

Papurau, [1943]-1963, yn ymwneud ag Ysgolion Cymraeg yn gyffredinol, gan gynnwys enghreifftiau o ymarferion iaith a gramadeg ac arholiad darllen a deall, 1943, papur iaith Cymraeg, Nadolig 1947, a barddoniaeth a gyflwynwyd i ddisgyblion yr Ysgol Gymraeg yn Aberystwyth; rhifyn o Yr Aelwyd, Ionawr 1950, yn cynnwys erthygl 'Ffarwelio â Miss Norah Isaac'; papurau'n ymwneud ag Undeb Rhieni Ysgolion Cymraeg, 1952-1957, a'r cyfansoddiad a 'Memorandwm ar Gynllun Addysg Sir Aberteifi a lle arbennig yr "Ysgolion Cymraeg" yn y cynllun hwnnw', cyflwynedig i Awdurdod Addysg Sir Aberteifi gan Bwyllgor Gwaith Cwmni Urdd Gobaith Cymru, 1950; adroddiad Arolygwyr eu Mawrhydi, 1948, ar yr Ysgol Gymraeg, ac erthygl o'r Faner, 1949, yn cynnwys adroddiad 'Clod arolygwyr i Ysgol Gymraeg'.

Mae'r ffeil hon yn cynnwys llythyrau oddi wrth: D. Lloyd Jenkins (1), R. T. Jenkins (2), Cynan (1), Yr Athro D. James Jones (1), E. D. Jones (1), Dr Gwenan Jones (1), John Charles Jones, Archesgob Bangor (1), John Gwilym Jones (1), John Morris-Jones (1), Mary Vaughan Jones (1) a T. Gwynn Jones (1). Ceir hefyd saith llythyr gan Annie M. Jones, Machynlleth, yn trafod hanes yr achos Methodistaidd ym Melinbyrhedyn, Darowen.