Showing 3701 results

Copi o Y Bibl Cyssegr-lan, ... argraphiad cyfargraph (Rhydychen: .... gan Samuel Collingwood ac eraill, ... 1821) a roddwyd yn wobr i John Roberts, brawd i Robert Roberts, taid T. Gwynn Jones a Mrs Sarah Ellen Jones o ochr eu mam, gan y Parchedig Thomas Alban, ficer Llandrillo-yn-Rhos, sir Ddinbych, 'am ei ymddygiad da yn Ysgol Llandrillo; ac am ddysgu darllen Iaith ei Enedigaeth, Mai 7fed 1822'. Ar gefn wyneb-ddalen y Testament Newydd ceir cofnodin yn rhoi dyddiad geni plant Robert a Sarah Roberts, Bryncar (Betws-yn-Rhos], dyddiad geni a bedyddio Sarah [sic] (Roberts), 1822, a dyddiad geni Robert Roberts, 1818. Y mae'r tudalennau o flaen sig. A3 yn eisiau, hefyd tt. 31-2 o [Llyfr Gweddi Cyffredin] a tt. 65-6 o Llyfr y Psalmau, .. trwy waith Edmwnd Prys.

Copi o Holl Weithiau, Prydyddawl a Rhyddieithol, y Diweddar Barch. William Williams, Pant-y-Celyn (dan olygyddiaeth y Parch. J. R. Kilsby Jones, Llundain, [1867]). Mae enw Henry Williams, Cofrestrydd ar yr wyneb-ddalen. Ceir cywiriadau a nodiadau yn llaw TGJ ar y gyfrol.

J. Bennett Davies, Brynbuga. At [Francis] Wynn Jones yn ymwneud â throsiadau T. Gwynn Jones o emynau o'r Lladin a gyhoeddwyd yn y Casgliad Catholig o emynau Cymraeg (Rhosllannerchrugog, 1959) a'r newidiadau a wnaeth iddynt.

Llythyr oddi wrth T. Gwynn Jones at Eluned, 1937, ac at ei gwr Francis Wynn Jones, 1941 a 1943; ynghyd â cherddi gan gynnwys englynion a luniodd i aelodau o'i ddosbarthiadau, 1922-23, ac yn eu plith un i Iorwerth Peate; 'Llurig Badrig' a ymddangosodd yn Yr Efrydydd, Hydref 1940; 'Byd a Fu (Er cof am Breese Davies)', 1940; 'Y rhith', ac 'Fel y dylai fod', 1941; ac 'Isander', 1942; a throsiadau o emynau o'r Lladin, cyhoeddwyd llawer ohonynt yn Emynau Mynyw (Wrecsam, [1938]).

Llythyrau at J. Breese Davies, Dinas Mawddwy. Ymhlith y gohebwyr mae Ifan ab Owen Edwards, 1921 (2); T. Gwynn Jones (cynghorion ieithyddol), 1921-38 (5); Bob Owen, Croesor, 1936 (1); D. J. Williams, Llanbedr, 1934 (1) a'i erthygl am R. J. Derfel; H. Cernyw Williams, 1922 (1); ac Ifor Williams (2), heb ddyddiad; ynghyd â llythyr esboniadol, 1968, oddi wrth yr Athro T. J. Morgan at E. D. Jones.

Cyfrol yn cynnwys torion o'r wasg, 1926, o erthyglau gan T. Gwynn Jones o'i golofn 'Detholiad newydd' a ymddangosodd yn Llên Cymru; ynghyd â thorion rhydd, 1901, 1933 a heb ddyddiad.

Sgript radio 'Thomas Gwynn Jones' a luniwyd gan T. Rowland Hughes ac a ddarlledwyd ym mis Mawrth 1947.

Nodiadau, [1939], T. Gwynn Jones tuag at raglen radio ar Dic Tryfan [Richard Hughes Williams] (gweler Papurau T. Gwynn Jones G15/10 am y sgript hon); copïau teipiedig o ddau lythyr oddi wrth T. Gwynn Jones at T. J. Jenkin, 1916; ynghyd â llythyr, 1963, oddi wrth Francis Wynn Jones yn dangos y ceir tystiolaeth yn y ddau lythyr hyn ei fod yn casglu llên gwerin flynyddoedd lawer cyn cyhoeddi ei lyfr [Welsh folklore and and folk custom (Llundain, 1930)].

Adysgrif o lythyr, 1915, oddi wrth T. Gwynn Jones at Isaac Davies, Penbedw (gweler llawysgrif LlGC 17741D); ynghyd â chopi o nodyn a ysgrifennwyd ganddo er cof am Henry Williams, Gwynfryn, Abergele, mewn cyfrol gan J. R. Kilsby Jones, Holl weithiau prydyddawl a rhyddieithol y diweddar Barch. William Williams, Pant-y-celyn (Llundain, [1867]) (gweler Papurau T. Gwynn Jones D406 am y gyfrol hon).