Dangos 132 canlyniad

Gohebiaeth, 1942, rhwng Iorwerth Peate a Cyril Fox yn bennaf, yn ymwneud â gwahoddiad i Iorwerth Peate annerch yn ystod agoriad Arddangosfa Eisteddfod Genedlaethol Aberteifi. Mae'r ffeil yn cynnwys adroddiad ar y mater gan Iorwerth Peate.

Gohebiaeth a thorion papur newydd, 1959, yn ymwneud â'r anghydfod yn dilyn y penderfyniad i wahodd y Frenhines i fynychu Eisteddfod Genedlaethol Caerdydd, 1960. Ymddiswyddodd Iorwerth Peate (Is-gadeirydd y Pwyllgor Gwaith a chynrychiolydd Llys yr Eisteddfod ar y Pwyllgor Gwaith) ac aelodau eraill o Gyngor yr Eisteddfod. Yn eu plith mae llythyrau gan Emrys Roberts; Griffith John Williams; Stephen J. Williams; Gareth Alban Davies; David Thomas (2); Raymond Garlick; Brinley Richards (2); Thomas Parry (3); Ernest Roberts (2); a Huw Ethall.

Torion o'r wasg yn bennaf, 1923-1978, sef erthyglau am, neu sy'n cyfeirio at, Iorwerth Peate a'i waith.

Copi o The Courier/Llais y Lli, 1954, yn cynnwys erthygl gan Dafydd Peate, 'A Ddylai Cymru Gael Hunan-Lywodraeth?'. Yn ogystal, ceir adroddiad ganddo yng nghylchlythyr BBC Cymru, 1977, o daith ffilmio yng Nghanada; toriad papur newydd, [?1954], gyda llythyr gan Dafydd Peate ynglŷn â'r Blaid Lafur ac Aberdâr; a chopi o gylchlythyr BBC Cymru, 1979, yn cynnwys 'Llythyr agored at Fwrdd Cyfarwyddo BBC Cymru'.

Teipysgrifau, copïau printiedig a llawysgrif, 1921-[1980], o erthyglau, adolygiadau a llythyrau i'r wasg gan Iorwerth Peate, yn cynnwys torion a gohebiaeth, 1942-1948, yn ymwneud â'i golofn yn Y Cymro, 'Cymru Heddiw' gan 'Gwerinwr'. Ymhlith y testunau ceir trafodaethau am yr iaith Gymraeg, hanes Cymru, diwylliant gwerin, y celfyddydau, llenyddiaeth, addysg, diwinyddiaeth, ac unigolion, yn cynnwys teyrngedau i Melville Richards, O. T. Jones, Åke Campbell, Calum Maclean, H. J. Fleure, a George M. Ll. Davies. Mae'n bosib fod rhai ohonynt yn anerchiadau neu sgyrsiau radio.

Adysgrif, [1930x1940], o'r rhestr gefeiliau cŵn a gyhoeddwyd yn The Relinquary, 1897, ynghyd â chopi printiedig o ddarlith W. E. T. Morgan, 'Dog doors in churches and dog tongs', a gyhoeddwyd yn 1931. Yn ogystal, ceir nodiadau teipysgrif, [1930x1940], 'Tread-mill churns worked by dogs', sef adroddiadau o'r Liverpool Courier, 1901.

Agenda, cofnodion a phapurau perthnasol, 1972-1982, yn ymwneud â chyfarfodydd Pwyllgor Gwaith Glamorgan County History (The Glamorgan County History Trust Limited yn ddiweddarach).

Llythyrau a phapurau amrywiol, 1970, ar achlysur cyflwyno gradd Doethur mewn Llen, er Anrhydedd, i Iorwerth Peate gan Brifysgol Cymru. Ceir llythyrau gan F. Llewellyn-Jones; J. Gareth Thomas (2); E. G. Bowen; Alun R. Edwards; Sandy Fenton; A. Norman Jeffares; David Jenkins; Frank Price Jones; Hywel D. Lewis; T. A. Owen; Griffith Quick; a Glanmor Williams; ynghyd â chyflwyniad yr Athro T. J. Morgan iddo.

Llythyrau, 1941, yn llongyfarch Iorwerth Peate ar dderbyn gradd D.Sc. gan Brifysgol Cymru. Yn eu plith ceir llythyrau gan Arthur ap Gwynn; W. Ambrose Bebb; E. G. Bowen; Alun Oldfield Davies; Aneirin Talfan Davies; D. Tegfan Davies; J. Kyrle Fletcher; H. J. Fleure; Cyril Fox; D. R. Hughes; R. T. Jenkins; E. K. Jones; Frank Price Jones; Gerallt Jones; Gwyn Jones; John Tysul Jones; John ac Elena Puw Morgan; T. E. Nicholas; Tom Parry; Prosser Rhys; Alf Sommerfelt; J. B. Willans; Ifor Williams; a J. L. C. Cecil-Williams.

Papurau, 1929, yn ymwneud â Guide to the collection of Welsh bygones (Caerdydd, 1929), yn cynnwys llythyrau yn bennaf, yn eu plith rhai gan John Ballinger, ac F. Wynn Jones (2); ynghyd ag adolygiad o'r gyfrol.

Llythyrau a thorion o'r wasg, 1974, yn eu plith rhai oddi wrth George C. Boon (2); O. A. W. Dilke; a Don R. Brothwell. Yn ogystal ceir erthygl gan Iorwerth Peate, 'The antiquity of leprosy in Wales', ynghyd â llungopïau o ddwy erthygl arall ar y testun.

Papurau printiedig, 1928-1962, sef prosbectysau, 1929-1940, ar gyfer llyfrau i'w cyhoeddi gan Wasg Gregynog yn bennaf. Yn ogystal, mae'r ffeil yn cynnwys prosbectws yn disgrifio amcanion a rhaglen y Tintern Press, ynghyd â llythyr gan Vincent Graham Stuart, 1935; prosbectws ar gyfer llyfrau i'w cyhoeddi gan y Raven Press, 1931; a phrintiau amrywiol.

Deunydd printiedig, 1909, 1937 a 1940, yn ymwneud â'r diwydiant wlân, yn cynnwys H. Ling Roth, Hand Woolcombing (1909); ac E. Kilburn Scott, 'The Shrinking of Woollens' (1937).

Llythyrau, 1955 a 1957, yn ymwneud â chais Dafydd Peate i gofrestru fel Gwrthwynebydd Cydwybodol yn erbyn gwasanaeth filwrol. Yn eu plith ceir llythyrau gan George Thomas (3), Walter Monckton (3), Raymond Gower, ac Iain Macleod. Yn ogystal, mae'r ffeil yn cynnwys copïau o ddatganiad Dafydd Peate, 1954, i'r tribiwnlys; ac adroddiad am yr achos yn y wasg, 1955.

Llyfr nodiadau David Peate, 1880, yn cynnwys 'Petheu a glywais gan Evan Lewis Pendemtir o hen hanes'; adroddiad o'r Dysgedydd, 1841, am farwolaeth ei dad, Edward Peat; hanes ei ymweliad â Llundain, 1889; 'Ychydig fanylion am Bryniad Glanllyn', 1896; hanes marwolaeth David Peate gan ei fab George H. Peate; a 'Dyfyniadau o Ddyddlyfrau David Peate', 1847-1896.

Tri llyfr lloffion yn cynnwys torion printiedig yn bennaf, 1860-1937, y mwyafrif ohonynt yn ymwneud ag ardal Llanbrynmair. Mae rhai o'r torion yn cyfeirio at aelodau'r teulu, yn cynnwys Iorwerth Peate, ac mae sawl cerdd ganddo yn eu plith. Ymddengys mai George H. Peate sydd wedi casglu'r torion ynghyd yn y cyfrolau. Mae nifer o'r papurau'n rhydd.

Llyfrau nodiadau Iorwerth Peate, [1917-1948] (1921-1922 yn bennaf). Ymddengys fod y rhan fwyaf ohonynt wedi'u creu pan oedd yn fyfyriwr yng Ngholeg Prifysgol Cymru Aberystwyth, ac maent yn ymwneud â phynciau megis llenyddiaeth Gymraeg, daearyddiaeth, y gyfraith, a hanes. Ceir hefyd llyfr 'Daily Gleanings From the World's Treasures' a gasglwyd ynghyd ganddo, a chyfrol 'Field surveys'. Yn ogystal, mae'r ffeil yn cynnwys papurau arholiad, 1919-1923; a phapurau amrywiol, 1917-1923, yn eu plith llawysgrif o'r bryddest 'Y Briffordd' ar gyfer Eisteddfod Gadeiriol Coleg y Brifysgol, Aberystwyth, 1921, a'r soned 'Y diweddar Syr O. M. Edwards', ynghyd â nodiadau ar gyfer dosbarthiadau allanol, 1926-1927.

Cyfrolau a phapurau rhydd, [1915-1930], yn perthyn i Nansi Peate. Maent yn cynnwys nodiadau ar lenyddiaeth Gymraeg.

Dau lythyr, 1926, ynglŷn â thraethawd ymchwil Nansi Peate; ynghyd â thystysgrifau treth, 1983. Yn ogystal, mae'r ffeil yn cynnwys dau lythyr, 1927-1928, wedi'u cyfeirio at Mr Davies, tad Nansi Peate o bosib.

Llythyrau, 1890-1933, at George H. Peate, yn eu plith rhai gan David Adams; Richard Bennett (6); Beriah Gwynfe Evans; D. Emlyn Evans; Owen Evans (9); Thomas Gee (2, mae un yn lythyr cydymdeimlad ar achlysur marwolaeth David Peate); W. Goscombe John (3); J. R. Jones (Lima, Ohio); Thomas H. Jones (Lima, Ohio) (9); J. E. Lloyd (2); T. Talwyn Phillips (11); Eifionydd (5); a Rowland Williams (Hwfa Môn). Yn ogystal, mae'r ffeil yn cynnwys toriad o deyrnged i George H. Peate, cerdyn yn diolch i bobl ar ran y teulu am eu cydymdeimlad, 1938, a rhestr deipysgrif o'r rhai i anfon atynt.