Showing 2413 results

Esbonio'r tâl treth sy'n ddyledus ar Y Cilgwyn. Saesneg/English.

Anfon deunydd i lenwi rhifyn o'r Eurgrawn. Addo adolygiadau i'r Faner cyn bo hir. Nodi ei brysurdeb yn cynnwys beirniadu yn eisteddfod flynyddol Ysgol Uwchradd Llanidloes. Cododd y safon y llynedd pan oedd Bobi Jones a Tecwyn Jones yn athrawon yno. Stopiodd Gwasg y Brifysgol ag anfon copïau adolygu am fod y cynolygydd wedi cadw amryw heb eu trafod. Y mae hefyd yn darllen proflenni Geiriadur Prifysgol Cymru. Iechyd ei wraig. Rhyfeddu bod Yr Ebol Glas yn cael ei gyhoeddi gan Gee am 3/6. Synnu ei fod mor rhad.

Derbynneb am £6. Saesneg/English.

Llythyr ynglyn â thalu Treth Eiddo ar Y Cilgwyn am 1954/5. Saesneg/English.

Mae wedi cael cartref iddi hi ei hun a hoffai gael dreser ei nain yn ôl. Mae'n ddiolchgar i KR am ofalu amdani mor rhagorol ar hyd y blynyddoedd. Awgrymu ei chasglu rywbryd rhwng 4-9 Gorffennaf. Mae'n symud i'w chartref newydd yr wythnos honno.

Hawlio taliad o £8-6s-3c. Saesneg/English.

Derbynebau am bedwar taliad treth, 1951-5. Saesneg/English.

Diolch am gymorth KR. Mae ei gweithred yn caniatáu iddo fynd i'r cynadleddau. Canmol KR am ei chyfraniad i fywyd diwylliannol Cymru. Mae hi'n un o fawrion yr oes. Mae cydymdeimlad dwys a threiddgar yn un o nodweddion rhyfedd ei gwaith llenyddol. Rhyfedd oedd gweld yr un cydymdeimlad yn dod i'r amlwg yn wyneb ei anawsterau ef. Nid yw'r oes wallgof hon yn deilwng ohoni. Mae'n gorfoleddu wrth feddwl fod KR yn ysgrifennu nofel hir. Mae'n sicr y ceir trysor mawr ganddi. Gwelwyd mentro a datblygiad i fro greadigol newydd yn Stryd y Glep.

Bil a derbynneb am £11-0s-6c am wasanaethau cyfrifyddol, 1951-5. Saesneg/English.

Diolch am hanes angladd Elis [Jones]. Cafodd yr hanes hefyd gan eraill gan gynnwys y weddw, Jennie. Y tro olaf iddo weld Elis oedd wrth ddychwelyd o Eisteddfod Y Rhyl. Nid oedd yn iach ac nid oedd modd iddo deithio i Gefnddwysarn. Cofio'r hen gyfeillion mewn ysgolion haf cynnar. Hyderu y daw to newydd o bobl ifanc i gymryd eu lle. Mae'n mawr obeithio y bydd yn teimlo'n ddigon da i ddod i Bwllheli [i'r Eisteddfod ac Ysgol Haf y Blaid].

Derbynneb am £8-6s-3c. Saesneg/English.

Esbonio rhan o Ddeddf Treth Incwm 1952 i Kate Roberts sy'n ymwneud ag awduron. Saesneg/English.

Asesiad treth ar Y Cilgwyn o £8-6s-3c yn gywir i bob golwg ac yn ddyledus. Saesneg/English.

Cydnabod llythyr. Bu'n llusgo byw am gyfnod maith. Chwith iddo oedd colli Ysgol Haf y Blaid a'r Eisteddfod am y tro cyntaf ers 30 mlynedd (heblaw y tro y bu ar ei "wyliau"). Clywodd iddynt gael Ysgol Haf ragorol ac i KR a G. J. [Williams] gael hwyl fawr ar hel atgofion am yr ysgolion haf cynharaf. Mae'n dechrau meddwl am ailgydio yn ail ran yr hunangofiant. Gresyn na allai KR neilltuo ei thalent i ysgrifennu creadigol yn hytrach na phethau mwy disylw bywyd. Diddorol oedd yr anghytundeb rhwng KR a T. J. Morgan ynglyn â'r nofel ac Islwyn Ffowc Elis yn ei chefnogi hi. Bu Waldo [Williams] yno'r noson cynt ac yn gofyn tybed a geid rhifyn eto o'r Llenor. Tybed a oes modd ailgyhoeddi ysgrifau treiddgar Islwyn Ffowc Elis ar gyflwr yr enwadau yng Nghymru a fu yn Y Drysorfa? Mae Islwyn Ffowc Elis yn feddyliwr ac yn weledydd yn ei ddydd fel Saunders [Lewis], er nad yr un yw eu gweledigaeth.

Diolch am lythyr a siec yn dal am gyfraniad i'r Faner. Mae'n cynnig ysgrifennu 'Colofn y Merched' pan fo angen seibiant ar KR. Mae ganddi nifer o sgetsys addas ar gyfer merched i'w hactio. Hanes ei merch, Gwen, sydd yn buyer dan hyfforddiant gyda siop Lewis, Lerpwl, a'i hoffter o Laura Jones. Mae ei gwr yn canmol gwaith KR hefyd er na fydd yn darllen llawer o ffuglen. Amryw yn ei dwrdio am fentro ysgrifennu i'r Faner.

Diolch am gyfarchion Nadolig. Daethant i Aber-porth i orffwyso. Mae wedi gwella llawer iawn erbyn hyn. Maent yn edrych ymlaen at nofel nesaf KR. Ar hyn o bryd mae ef a Siân yn darllen Ffenestri Tua'r Gwyll (Islwyn Ffowc Elis) ac yn anghytuno'n syn â'i seicoleg droeog. Mae dychymyg Islwyn Ffowc Elis yn anghyffredin o ffrwythlon a dyfeisgar, ei arddull yn glir a disglair a'i ddisgrifiadau o natur yn gampus. O chwilio am wendidau, ei goll pennaf yw "diffyg myfyrio'n ddigon hir ac aros gyda'i gymeriadau nes troi ohonynt yn gig a gwaed yng ngwres ei athrylith". Mae'n llyfr o bwys a'i gynfas yn ysblennydd o eang yn agor ar orwelion llydain celfyddyd i lawer cyfeiriad newydd.

Gwrandawodd ar gychwyn nofel KR [ar y radio] a chafodd gymaint o fwynhad fel na allai beidio ag anfon nodyn i'w llongyfarch. [Y Byw sy'n Cysgu]. Mae'n canmol Cymraeg cyfoethog y ddialog. Yr oedd yr actorion yn dda hefyd, yn arbennig Nesta Harries.

Yr oedd wedi clywed gan amryw am helyntion Gwasg Gee. Gwyddai fod Moses Griffith a Gwynfor Evans wedi bod yn ei gweld ond ni chafodd hanes pendant. Mae'n cydymdeimlo â'i phoen personol hi ac mi fyddai'n dda ganddo helpu'n ymarferol petai rhyw gyfle. Awgryma cyhoeddi nofel KR [Y Byw sy'n Cysgu] ar unwaith a mynnu bod y wasg yn dal y farchnad yn dilyn ei darlledu ar y radio. Mae Gwasg y Dryw yn cyhoeddi ei ddrama ddiweddaraf. Nid yw'n hoffi'r pennaeth ond mae'n ddigon cyfeillgar ag Aneirin Talfan [Davies], ei frawd. Ond Gwasg y Dryw yw'r unig wasg sy'n gofyn am ei waith, fel nad oes ganddo ddim dewis.

Mae Miss Eirwen Jones, Llandeilo, wedi awgrymu y byddai Kate Roberts yn hoffi derbyn copi o'i llyfr Hoff Chwedlau ar gyfer plant 9-11 oed. Maent yn anfon copi cyfarch iddi. Saesneg/English.

Diolch i KR am y saith mlynedd a dreuliodd gyda hi yng Ngwasg Gee. Ar wahân i'w gyflogi bu'r cyfnod yn addysg dda iddo ac yn un hapus dros ben. Dymuno'n dda i KR yn y dyfodol.