Showing 159 results

Llythyrau at Menna Elfyn oddi wrth y bardd a'r cyfieithydd Tony Conran.

Deunydd yn ymwneud â'r flodeugerdd ddwyieithog Eucalyptus (1995), gan gynnwys adolygiadau, datganiadau i'r wasg, llythyrau at Menna Elfyn oddi wrth Tony Conran a Joseph Clancy, dau o gyfieithwyr y cerddi, a chyfieithiad o un o'r cerddi i'r Galiseg; ynghyd â deunydd yn ymwneud â chyfieithiad o Eucalyptus i Fietnameg, sy'n cynnwys gan fwyaf lythyrau a chardiau at Menna Elfyn oddi wrth ei chyswllt llenyddol yn Hanoi, Trinh Thi Dieu.

Rhaglenni cyngerdd dan nawdd Celtic Connections Wales a RTÉ Iwerddon, sy'n cynnwys Agoriad (geiriau gan Menna Elfyn, cerddoriaeth gan John Metcalf); ynghyd â sgôr gerddorol y darn.

Deunydd yn ymwneud ag ymgyrch merched Comin Greenham, gan gynnwys yn bennaf llyfrynnau a gyhoeddwyd gan ferched Yellow Gate, sef y gwersyll cyntaf i'w sefydlu o amgylch y safle milwrol, un o'r llyfrynnau hynny yn cofnodi marwolaeth anhymig Helen Thomas, ymgyrchydd heddwch o Gastell Newydd Emlyn; ynghyd â thoriad papur newydd yn ymwneud â Helen Thomas a llythyr at Menna Elfyn oddi wrth Janet Tavner, un o breswylwyr Yellow Gate.

Sgript ar gyfer y rhaglen deledu The Dragon Writes Back: Three Women, sy'n cynnwys cyfweliad gyda Menna Elfyn.

Sgôr gerddorol a libretto dwyieithog Cylch y Cyfaredd, y geiriau gan Menna Elfyn a'r gerddoriaeth gan Richard Lind.

Copi teipysgrif o'r Rhagymadrodd gan Menna Elfyn i'r flodeugerdd Shirgar Anobeithiol, a olygwyd gan Menna Elfyn ac a gyhoeddwyd gan Gyngor Sir Gaerfyrddin yn 2000. 'Shirgarwyr' yn hytrach na 'Shirgar' a nodir gan Menna Elfyn yn y testun teipysgrif.

Deunydd yn ymwneud â Ffŵl yn y Dŵr (1999), cyfrol o gerddi ar gyfer pobl ifanc a olygwyd gan Menna Elfyn, gan gynnwys adolygiad.

Deunydd yn ymwneud â Garden of Light, symffoni gorawl a gomisiynwyd gan gwmni Walt Disney ac a ysgrifenwyd ar gyfer Cerddorfa Philharmonig Efrog Newydd, y gerddoriaeth gan Aaron Jay Kernis a'r geiriau gan Menna Elfyn a David Simpatico, gan gynnwys rhaglenni printiedig, sgôr gerddorol, erthygl o'r wasg, cyfweliadau yn y wasg gyda Menna Elfyn a llythyr ynghylch ymweliad Menna Elfyn â'r Unol Daleithiau.

Llythyr at Menna Elfyn oddi wrth gwmni darlledu'r BBC a sgript a anfonwyd at Menna Elfyn trwy gyfrwng ebost, ill dau'n ymwneud â chyfraniad Menna Elfyn at raglenni The Slate a Dim Ond Celf.

Deunydd yn ymwneud â'r ddrama deledu Pan Ddêl Mai, gan gynnwys llythyr oddi wrth Menna Elfyn yn amgau amlinelliad o'r ddrama a'i chymeriadau.

Llythyrau at Menna Elfyn oddi wrth y bardd a'r athro Bryan Martin Davies.

Deunydd yn ymwneud â The Welsh Fold (geiriau gan Menna Elfyn, cerddoriaeth gan David Evan Thomas), a gyfansoddwyd ar gyfer Côr Cymry Gogledd America, gan gynnwys geiriau'r gerdd - ynghyd â chyfieithiad Saesneg gan Wynfford James, gŵr Menna Elfyn - sgôr gerddorol y darn a gohebiaeth at Menna Elfyn oddi wrth Wynfford James a Mary Bills.

Dau gopi o Hands Off, llawlyfr a gyhoeddwyd gan Gronfa Achub y Plant a Chymorth i Fenywod. Ysgrifenwyd testun y cyfieithiad Cymraeg, dan y teitl Dim Llais i Drais, gan Menna Elfyn.

Llythyrau at Menna Elfyn oddi wrth y bardd a'r offeiriad Anglicanaidd R. S. Thomas.

Libretti The Bridge/Y Bont (geiriau Menna Elfyn, cerddoriaeth Rob Smith), darn a gomisiynwyd gan Gelfyddydau Cymunedol Rhyng-ddiwylliannol De Cymru i nodi cynhadledd yr Euro Summit ym Mae Caerdydd, ynghyd â llythyr at Menna Elfyn oddi wrth Gyd-Bwyllgor Addysg Cymru yn datgan cyhoeddi'r gerdd fel rhan o gyfrol flodeugerdd.

Deunydd yn ymwneud â'r opera Heart of Stone, y libretto gan Menna Elfyn a'r gerddoriaeth gan Aaron Jay Kernis, gan gynnwys copïau o'r libretto ac o sgôr gerddorol yr opera, ynghyd â chyfweliad yn y wasg gyda Menna Elfyn, gwybodaeth ynghylch yr unigolion oedd ynghlwm wrth y cynhyrchiad a datganiad i'r wasg.

Deunydd yn ymwneud â rhaglen yn y gyfres Portreadau a ddarlledwyd ar gyfer S4C, 1998, gan gynnwys copi teg o'r sgript, llythyr at Menna Elfyn oddi wrth gwmni darlledu Ffilmiau'r Bont a thorion papur newydd.

Amlinelliad o gynnwys y ffilm deledu Llyn y Fan.

Deunydd yn ymwneud â'r flodeugerdd Trying the Line, (1997), a olygwyd gan Menna Elfyn, gan gynnwys adolygiadau.