Dangos 197 canlyniad

Deunydd yn ymwneud â chwmni Canto, a sefydlwyd ym 1997 fel is-gwmni o fewn Antur Teifi er hybu llenyddiaeth Gymraeg, gan gynnwys cynlluniau strwythur a chynlluniau gwaith, swydd ddisgrifiadau, datganiadau i'r wasg, ceisiadau ariannol wedi'u cyfeirio at Gyngor y Celfyddydau, cyfrifon, cofnodion, newyddlenni, gohebiaeth a manylion am deithiau awduron/llenorion; ynghyd â deunydd yn ymwneud â chais a wnaed Ebrill 2008 gan gwmni Dyddiol Cyf, wedi'i gyfeirio at Gyngor Llyfrau Cymru, i sefydlu wythnosolyn am ddim dan y teitl arfaethedig Y Byd. (Rhoddwyd y gorau yn y diwedd i'r cynlluniau i sefydlu Y Byd ar sail diffyg ariannu.)

Deunydd yn ymwneud â Y Coed, cyfieithiad Menna Elfyn o ddrama David Mamet The Woods, gan gynnwys copi teg o'r sgript a thoriad papur newydd.

Deunydd yn ymwneud â chyfieithiadau i'r Gymraeg gan Menna Elfyn o libretti operâu, sef Otello, Don Carlo, Il Trovatore ac Aida gan Verdi ac I Capuleti e i Montecchi gan Bellini, gan gynnwys libretti, sgoriau cerddorol a gohebiaeth.

Deunydd yn ymwneud â The Bloodaxe Book of Modern Welsh Poetry (2003), cyfrol o gerddi mewn cyfieithiad a gyd-olygwyd gan Menna Elfyn a'r Athro John Rowlands, gan gynnwys adolygiadau, erthyglau, datganiadau i'r wasg, drafft o'r rhagymadrodd a gohebiaeth oddi wrth gyfranwyr i'r gyfrol (neu eu cynrychiolwyr) - sy'n cynnwys llythyr oddi wrth Twm Morys yn gwrthod y cynnig o gyflwyno'i waith - ynghyd â llythyrau at Menna Elfyn oddi wrth John Rowlands ac oddi wrth aelodau o'r tîm cyfieithu, sy'n cynnwys Nigel Jenkins, Tony Conran, Robert Minhinnick a Joseph Clancy.

Deunydd yn ymwneud â chwmni Canto, a sefydlwyd ym 1997 fel is-gwmni o fewn Antur Teifi er hybu llenyddiaeth Gymraeg.

Deunydd yn ymwneud â'r opera Heart of Stone, y libretto gan Menna Elfyn a'r gerddoriaeth gan Aaron Jay Kernis, gan gynnwys copïau o'r libretto ac o sgôr gerddorol yr opera, ynghyd â chyfweliad yn y wasg gyda Menna Elfyn, gwybodaeth ynghylch yr unigolion oedd ynghlwm wrth y cynhyrchiad a datganiad i'r wasg.

Deunydd yn ymwneud â rhaglen yn y gyfres Portreadau a ddarlledwyd ar gyfer S4C, 1998, gan gynnwys copi teg o'r sgript, llythyr at Menna Elfyn oddi wrth gwmni darlledu Ffilmiau'r Bont a thorion papur newydd.

Deunydd yn ymwneud â Garden of Light, symffoni gorawl a gomisiynwyd gan gwmni Walt Disney ac a ysgrifenwyd ar gyfer Cerddorfa Philharmonig Efrog Newydd, y gerddoriaeth gan Aaron Jay Kernis a'r geiriau gan Menna Elfyn a David Simpatico, gan gynnwys rhaglenni printiedig, sgôr gerddorol, erthygl o'r wasg, cyfweliadau yn y wasg gyda Menna Elfyn a llythyr ynghylch ymweliad Menna Elfyn â'r Unol Daleithiau.

Dau gopi o Hands Off, llawlyfr a gyhoeddwyd gan Gronfa Achub y Plant a Chymorth i Fenywod. Ysgrifenwyd testun y cyfieithiad Cymraeg, dan y teitl Dim Llais i Drais, gan Menna Elfyn.

Deunydd yn ymwneud â phrosiectau ar y cyd ar gyfer celf gyhoeddus rhwng Menna Elfyn (geiriau) a'r cerflunydd Howard Bowcott (gweithiau celf), gan gynnwys brasluniau, drafftiau a nodiadau a gohebiaeth rhwng Menna Elfyn a Howard Bowcott.

Libretti The Bridge/Y Bont (geiriau Menna Elfyn, cerddoriaeth Rob Smith), darn a gomisiynwyd gan Gelfyddydau Cymunedol Rhyng-ddiwylliannol De Cymru i nodi cynhadledd yr Euro Summit ym Mae Caerdydd, ynghyd â llythyr at Menna Elfyn oddi wrth Gyd-Bwyllgor Addysg Cymru yn datgan cyhoeddi'r gerdd fel rhan o gyfrol flodeugerdd.

Deunydd yn ymwneud â The Welsh Fold (geiriau gan Menna Elfyn, cerddoriaeth gan David Evan Thomas), a gyfansoddwyd ar gyfer Côr Cymry Gogledd America, gan gynnwys geiriau'r gerdd - ynghyd â chyfieithiad Saesneg gan Wynfford James, gŵr Menna Elfyn - sgôr gerddorol y darn a gohebiaeth at Menna Elfyn oddi wrth Wynfford James a Mary Bills.

Amlinelliad o gynnwys y ffilm deledu Llyn y Fan.

Deunydd yn ymwneud â Ffŵl yn y Dŵr (1999), cyfrol o gerddi ar gyfer pobl ifanc a olygwyd gan Menna Elfyn, gan gynnwys adolygiad.

Deunydd yn ymwneud â'r ddrama deledu Pan Ddêl Mai, gan gynnwys llythyr oddi wrth Menna Elfyn yn amgau amlinelliad o'r ddrama a'i chymeriadau.

Deunydd yn ymwneud â'r cylch o ganeuon Songs of the Cotton Grass, y geiriau gan Menna Elfyn a'r gerddoriaeth gan Hilary Tann, sy'n cynnwys sgoriau cerddorol a gohebiaeth yn bennaf at Menna Elfyn oddi wrth Hilary Tann.

Rhaglenni cyngerdd dan nawdd Celtic Connections Wales a RTÉ Iwerddon, sy'n cynnwys Agoriad (geiriau gan Menna Elfyn, cerddoriaeth gan John Metcalf); ynghyd â sgôr gerddorol y darn.

Deunydd yn ymwneud â Menna Elfyn yn olrhain hanes y bardd Waldo Williams yn ei darllediad ar gyfer raglen Radio 3 Night Waves, gan gynnwys copïau drafft a theg o'r sgript a bras nodyn oddi wrth Menna Elfyn at gynhyrchydd y rhaglen, Zahid Warley.

Deunydd yn ymwneud â'r flodeugerdd ddwyieithog Cusan Dyn Dall/Blind Man's Kiss (2001), gan gynnwys adolygiadau, datganiadau i'r wasg, drafft o ragair gan Nigel Jenkins, llythyrau at Menna Elfyn oddi wrth Tony Conran, un o gyfieithwyr y cerddi, a chyfieithiadau o rai o'r cerddi i Bortiwgaleg.

Sgôr gerddorol a libretto dwyieithog Cylch y Cyfaredd, y geiriau gan Menna Elfyn a'r gerddoriaeth gan Richard Lind.