Showing 197 results

Copi drafft o sgript ar gyfer sgwrs radio yn dwyn y teitl Blewyn o Drwyn, dyddiedig Mawrth 1994.

Deunydd yn ymwneud â phrosiectau ffilm a gyd-weithwyd arnynt gan Menna Elfyn gyda phlant a phobl ifanc.

Deunydd yn ymwneud â'r opera Gair ar Gnawd, a gomisiynwyd ar gyfer Opera Cenedlaethol Cymru, y libretto gan Menna Elfyn a'r gerddoriaeth gan Pwyll ap Siôn, gan gynnwys sgorau cerddorol, drafftiau a chopïau teg o'r libretto, brasluniau o'r naratif, datganiadau i'r wasg, drafft o sgwrs am y broses o lunio'r libretto a gohebiaeth.

Deunydd yn ymwneud â phrosiect ar y cyd rhwng Menna Elfyn (geiriau) a'r arlunydd Iwan Bala (delweddau), gan gynnwys cyfrolau printiedig o gynnwys y cywaith, gwahoddiadiadau i ragolwg preifat o'r cywaith, sgwrs arddangosfa a draddodwyd gan Menna Elfyn, rhestr o'r gweithiau, drafftiau a nodiadau, datganiadau i'r wasg, ebyst at Menna Elfyn oddi wrth Iwan Bala a chyfieithiad drafft i'r Saesneg gan Menna Elfyn o'i cherdd Mapiau.

Deunydd yn ymwneud â phrosiect celf dinesig yn ninas Abertawe, gan gynnwys cynlluniau, drafftiau a nodiadau, torion papur newydd a llythyr at Menna Elfyn oddi wrth ei chyd-weithiwr Nigel Jenkins a'r caligraffydd Ieuan Rees.

Deunydd yn ymwneud â phrosiectau ar y cyd ar gyfer celf gyhoeddus rhwng Menna Elfyn (geiriau) a'r cerflunydd Howard Bowcott (gweithiau celf), gan gynnwys brasluniau, drafftiau a nodiadau a gohebiaeth rhwng Menna Elfyn a Howard Bowcott.

Prosiect celf gyhoeddus ar y cyd rhwng y beirdd Menna Elfyn, Nigel Jenkins, David Hughes a Rhys Owain Williams a'r artisitiaid Katie Allen, David Jones, Alan Goulbourne a Danielle Arbrey, gan gynnwys brasluniau, nodiadau a drafftiau, toriad papur newydd a gohebiaeth rhwng cyd-weithwyr y prosiect, yn bennaf oddi wrth Nigel Jenkins at eraill o'r cyfranwyr.

Deunydd yn ymwneud â phrosiectau ffilm a gyd-weithwyd arnynt gan Menna Elfyn.

Deunydd yn ymwneud â gwaith Menna Elfyn o fewn cyfryngau'r teledu a'r radio, gan gynnwys dramâu, rhaglenni dogfen, sgyrsiau a chyfweliadau.

Deunydd yn ymwneud â Songlines, sef prosiect gerddorol ar y cyd â myfyrwyr rhai o golegau De Cymru, gan gynnwys rhaglenni printiedig, nodiadau/drafftiau a cherdyn diolch oddi wrth y myfyrwyr yn diolch i Menna Elfyn am gyfrannu ei gwaith barddonol tuag at y prosiect.

Deunydd yn ymwneud â'r cantata Y Dyn Unig/The Red Lady of Paviland, y geiriau gan Menna Elfyn a'r gerddoriaeth gan Andrew Powell, sy'n cynnwys sgôr gerddorol, libretti, rhaglenni a phosteri printiedig, cytundeb comisiwn, gohebiaeth rhwng Menna Elfyn ac Andrew Powell, a gwybodaeth am gydweithwyr y prosiect ac am 'ddyn unig' ogof Paviland.

Deunydd yn ymwneud â phrosiectau celf a gyd-weithwyd arnynt gan Menna Elfyn gyda Nigel Jenkins, Howard Bowcott, Iwan Bala ac eraill.

Deunydd yn ymwneud â chyfansoddi'r gân Caban Coed (cerddoriaeth gan Andrew Powell, geiriau gan Menna Elfyn), gan gynnwys copïau drafft a theg o eiriau'r gân a llythyr at Menna Elfyn oddi wrth Andrew Powell.

Gohebiaeth ebost rhwng Menna Elfyn a Jack White, myfyriwr ymchwil yng Ngholeg Prifysgol Caerdydd a gyfansoddodd drefniant cerddorol ar gyfer rhai o gerddi Menna Elfyn.

Llythyrau at Menna Elfyn oddi wrth y bardd a'r llenor Nigel Jenkins ynghylch Gŵyl Ardd Glyn Ebwy 1992 (gan amgau llythyr oddi wrth y bardd a'r artist aml-gyfrwng Peter Meilleur) a llythyr at Menna Elfyn oddi wrth yr artist aml-gyfrwng Carwyn Evans ynghylch ei ymateb i gerdd gan Menna Elfyn.

Deunydd yn ymwneud â Garden of Light, symffoni gorawl a gomisiynwyd gan gwmni Walt Disney ac a ysgrifenwyd ar gyfer Cerddorfa Philharmonig Efrog Newydd, y gerddoriaeth gan Aaron Jay Kernis a'r geiriau gan Menna Elfyn a David Simpatico, gan gynnwys rhaglenni printiedig, sgôr gerddorol, erthygl o'r wasg, cyfweliadau yn y wasg gyda Menna Elfyn a llythyr ynghylch ymweliad Menna Elfyn â'r Unol Daleithiau.

Deunydd yn ymwneud â'r opera gyfoes Y Gath Wyllt/The Wild Cat, y geiriau gan Berlie Doherty, gyda chyfieithiad Cymraeg gan Menna Elfyn, a'r gerddoriaeth gan Julian Philips, sy'n cynnwys copïau drafft a theg o'r libretto a rhestr o leoliadau yn dangos taith y cynhyrchiad trwy Gymru.

Rhaglenni cyngerdd dan nawdd Celtic Connections Wales a RTÉ Iwerddon, sy'n cynnwys Agoriad (geiriau gan Menna Elfyn, cerddoriaeth gan John Metcalf); ynghyd â sgôr gerddorol y darn.

Deunydd yn ymwneud â Hawdd Amor, prosiect cerddorol wedi'i chanoli yn Nyffryn Aman (geiriau gan Menna Elfyn a cherddoriaeth gan Peter Stacey), gan gynnwys geiriau'r gerdd, y sgôr gerddorol a gohebiaeth.

Libretti The Bridge/Y Bont (geiriau Menna Elfyn, cerddoriaeth Rob Smith), darn a gomisiynwyd gan Gelfyddydau Cymunedol Rhyng-ddiwylliannol De Cymru i nodi cynhadledd yr Euro Summit ym Mae Caerdydd, ynghyd â llythyr at Menna Elfyn oddi wrth Gyd-Bwyllgor Addysg Cymru yn datgan cyhoeddi'r gerdd fel rhan o gyfrol flodeugerdd.