Showing 66 results

Papurau yn ymwneud â diddordebau'r Dr Iorwerth Hughes Jones, 1823, [1919]-1972, megis hanes, celfyddyd a llenyddiaeth.

Papurau yn ymwneud â gwahanol feysydd hanesyddol yr oedd y Dr Iorwerth Hughes Jones yn ymddiddori ynddynt, 1823, [1919]-[1972], sef hanes lleol, enwau lleoedd, hanes gwrthrychau, hanes Lady Barham a hanes meddygon a meddyginiaeth. Mae yma gymysgedd o ddeunydd megis llythyrau, nodiadau ymchwil, torion papur newydd, llawysgrifau, llyfrynnau a lluniau.

Papurau yn ymwneud ag ymchwil ar hanes lleol, [1919]-1970, gan gynnwys nodiadau amrywiol ar bynciau a phobl lleol; cerdyn â darlun o dad Ceri Richards arno; nodiadau a llythyr ar y Parch. Isaac Williams; nodiadau ar academi Crwys; nodiadau ar gyfer anerchiad ar hen lyfr eglwys Cilfwnwr (nid yn llaw y Dr Iorwerth Hughes Jones); rhaglen cyfarfodydd sefydlu yn Eglwys Annibynnol y Crwys; llyfr nodiadau ar wahanol gapeli yn cynnwys Ebeneser, Dunvant, yn llaw y Parch. W. Glasnant Jones o bosibl; pennill traddodiadol ar Gastell Ystumllwynarth; nodiadau ar y teulu Mansel; nodiadau ar Cila a'r enw Cila; llun o deulu Lewis, Cila; nodiadau ar Wernllath; nodiadau ar, a lluniau o, Gellihir; cynllun o Gellihir; bwndel o achau teulu; hanes y diwidiant copr yn Abertawe; erthygl papur newydd ar hanes Abertawe wedi'i hysgrifennu gan y Dr Iorwerth Hughes Jones; llyfrau nodiadau, un â nodiadau wedi eu cymryd o lyfr R. Rees, hen ysgolfeistr y Crwys ac un ar hanes achos yr Annibynnwyr yn y Crwys; lluniau o Ysgol John Evans y Crwys; amlenni yn cynnwys lluniau a nodiadau ar, a gan, R. Lewis John; lluniau o Sgwd Gwladys; a thorion papur newydd yn ymwneud â hanes lleol.

Llythyrau a nodiadau yn trafod yr enw Cila, 1954-1957.

Nodiadau a llun yn ymwneud â hanes gwrthrychau arbennig, [1930-1972], sef Cloch Gŵyr a Chist Gŵyr.

Papurau yn ymwneud â hanes Lady Barham (Diana Noel, 1762-1923) a'i theulu, 1823-1971, gan gynnwys llythyrau oddi wrth amrywiol ohebwyr, deunydd ymchwil, nodiadau amrywiol, nodiadau sydd ddim yn llaw y Dr Iorwerth Hughes Jones, copïau teipysgrif a llawysgrif o hen lythyrau, ffotogopïau o hen lythyrau, llythyr gwreiddiol at Julia Noel, 1823, a lluniau o wrthrychau yn ymwneud â hanes y teulu Barham.

Papurau yn ymwneud â hanes meddyginiaeth a meddygon, [c.1946]-1970, gan gynnwys papurau ymchwil; llyfrynnau; copïau o erthyglau amrywiol; nodiadau ymchwil y Dr Iorwerth Hughes Jones; llythyrau; torion papur newydd; lluniau o wahanol feddygon a chopi o sgwrs radio a draddodwyd ar y rhaglen Gwyddoniaeth Heddiw. Ceir yma hefyd gopi o'r llyfryn The Character of Early Welsh Immigration to the United States, A. H. Dodd, sydd o bosib yma oherwydd y cysylltiad â'r meddyg John Morgan a aeth i'r Unol Daleithiau a sefydlu yr ysgol feddygol gyntaf yno.

Papurau yn ymwneud â diddordeb Dr Iorwerth Hughes Jones mewn celfyddyd, 1926-1972; llythyrau, darluniau a gwahoddiadau i arddangosfeydd, yn ymwneud â'r arlunwyr Evan Walters a Ceri Richards.

Papurau yn ymwneud â'r arlunydd Evan Walters, 1926-1971, gan gynnwys llythyrau oddi wrth ac at Evan Walters; brasluniau inc a phensil; torion papur newydd yn ymwneud yn bennaf â'i farwolaeth; deunydd printiedig, megis rhaglenni arddangosfeydd, cerdyn aelodaeth ei dad i'r 'Amalgamated Society of Woodworkers' a'i gerdyn yn nodi cyfraniadau i'r 'Loyal Treboeth Lodge'; mae yma hefyd ffotograff o un o luniau Evan Walters.

Papurau'n ymwneud â'r arlunydd Ceri Richards, 1938-1972, gan gynnwys llythyrau oddi wrth Ceri Richards a Frances Richards at Dr Iorwerth Hughes Jones, ei wraig Elizabeth a'i dad W. Glasnant Hughes Jones, ynghyd â llythyrau gan bobl eraill at Dr Iorwerth Hughes Jones yn ymwneud â Ceri Richards; cardiau nadolig gwreiddiol oddi wrth Ceri a Frances Richards at Dr Iorwerth Hughes Jones a'i wraig; gwahoddiadau i arddangosfeydd; nodiadau ar hanes Ceri Richards a'i deulu; a negatif o lun o Ceri Richards yn Rhoshili.

Llyfr torion yn cynnwys torion papur newydd a rhai llythyrau yn ymwneud â'r artist Ceri Richards, ei weithiau a'i arddangosfeydd, [1946]-[1971].

Papurau yn ymwneud â diddordebau llenyddol y Dr Iorwerth Hughes Jones, 1941-1970, yn bennaf papurau yn ymwneud â Vernon Watkins.

Papurau yn ymwneud â'r bardd Vernon Watkins, 1941-1970, gan gynnwys llythyrau oddi wrtho ef a'i wraig at eu plant ac at Dr Iorwerth Hughes Jones a'i wraig, ynghyd â llythyr oddi wrth Miss J. McConnick at Mrs Iorwerth Hughes Jones, llythyr oddi wrth fam Vernon Watkins at Dr Iorwerth Hughes Jones ar ôl marwolaeth ei mab, a chardiau printiedig yn diolch am gydymdeimlad; torion papur newydd yn ymwneud â Vernon Watkins a'i waith, gan gynnwys adroddiadau ar ei farwolaeth a'r gwasanaethau coffa iddo, ynghyd â rhai ysgrifau coffa; a llun o Caswell Bay.

Papurau yn ymwneud â dyletswyddau cyhoeddus Dr Iorwerth Hughes Jones.

Papurau'n ymwneud ag ymgyrchoedd etholiadol y Dr Iorwerth Hughes Jones yn ward Sgeti, 1947-1955.

Papurau'n ymwneud ag ymgyrchoedd etholiadol Dr Iorwerth Hughes Jones, rhwng 1947 a 1955 yn Ward Sgeti, ac yn cynnwys llythyrau yn ei longyfarch ar ei lwyddiant yn etholiad 1947, yn eu plith llythyrau oddi wrth John Jenkyn Morgan a D. Rhys Phillips; pamffledi ymgyrchu; torion papur newydd; papurau yn ymwneud â chostau; ac anerchiad etholiad, dyddiedig 17 Tachwedd 1923, er nad yw yn glir os mai ysgrifen Dr. Iorwerth Hughes Jones yw hwn.

Papurau yn ymwneud ag achosion arbennig roedd y Dr Iorwerth Hughes Jones yn ymgymryd â hwynt, [c.1930]-1958.

Papurau yn ymwneud â'r ymgyrch i achub Castell Abertawe, [c.1930]-1958, gan gynnwys llythyrau, papurau teipiedig, cofnodion, nodiadau a thorion papur newydd. Mae yma hefyd dri llyfryn, The Bishop's Palace, St. David's, Pembrokeshire a The Bishop's Palace at Lamphey, Pembrokeshire gan C. A. Ralegh Radford, sydd wedi eu cynnwys oherwydd eu cysylltiad pensaernïol â Chastell Abertawe, a llyfryn Galwadau Cyngor, sy'n cynnwys paragraff am Gastell Abertawe.

Papurau y Pwyllgor Dwyieithrwydd yn Abertawe, yn ymwneud â dwyieithrwydd yn ysgolion Abertawe, 1953-1954, sef llyfryn Pwyllgor Addysg Abertawe Statistics Showing the Position of the Welsh Language in County and Voluntary Schools in Swansea at April 1953, ynghyd ag adroddiadau, llythyrau, agenda a chofnodion.

Papurau yn ymwneud â newid yr enw Dunvant i Dyfnant, 1938-1939, gan gynnwys llythyrau yn trafod y pwnc, copïau teipiedig a llawysgrif o ddeiseb, torion papur newydd a nodiadau.