Showing 67 results

Mae'r grŵp yn cynnwys papurau am Blaid Cymru, 1966-1969, yn arbennig papurau'n ymwneud ag etholiadau ac â'r arwisgiad, a gohebiaeth â Gwynfor Evans, Aelod Seneddol Caerfyrddin, 1966-1970; 1974-1979.

Mae'r ffeil yn cynnwys papurau Plaid Cymru, 1966-1969, yn ymwneud â'r arwisgiad, ac yn bennaf â gwaith Islwyn Ffowc Elis fel swyddog cyhoeddusrwydd i Gwynfor Evans, yn cynnwys llythyrau oddi wrth Gwynfor Evans (40), Willie Kellock (13), Elwyn Roberts (10), Dr Gareth Morgan Jones (8), Dafydd Wigley (6), Robyn Lewis, ac eraill.

Mae'r ffeil yn cynnwys papurau, 1966-1969, yn ymwneud ag ymgyrchoedd etholiadol Plaid Cymru, yn cynnwys taflenni etholiadol, gohebiaeth, a phapurau'r grŵp ymchwil.

Mae'r fonds yn cynnwys drafft cyntaf Cysgod Y Cryman, a rhai o nofelau eraill Islwyn Ffowc Elis, 1953-1989, drafftiau llawysgrif o ysgrifau a gynhwysir yn Cyn Oeri'r Gwaed, a llyfrau nodiadau yn cynnwys barddoniaeth, caneuon, storïau, dramâu, nodiadau diwinyddol, sgriptiau radio, erthyglau a gwaith celf, [c.1940]-[c.1970]. -- Ceir hefyd nifer o lythyrau oddi wrth Robin Williams, Kate Roberts, E. Tegla Davies, Dyddgu Owen, D. Tecwyn Lloyd ac eraill, 1949-1994, a phapurau am Blaid Cymru yn cynnwys gohebiaeth â Gwynfor Evans, 1966-1969. Papurau ychwanegol, 1937-2010, gan gynnwys llythyrau oddi wrth Kate Roberts ac R. S. Thomas, sgriptiau a phregethau, ynghyd a chyfres o ddeg englyn a luniwyd iddo gan Alan Llwyd ar achlysur dathlu ei ben-blwydd yn ddeg a thrigain mlwydd oed (Ionawr 2017).

Mae'r grŵp yn cynnwys papurau llenyddol Islwyn Ffowc Elis, 1923-1989.

Mae'r ffeil yn cynnwys lluniau o gymeriadau a golygfeydd, ac un llyfr o fapiau o Ogledd Cymru. Ceir hefyd tri darn o gerdd a darn o ryddiaith.

Mae'r ffeil yn cynnwys nodiadau ar gyfer darlithoedd ar ysgrifennu creadigol, y nofel, y stori hir, ac 'Awduron at iws gwlad', yn ystod cyfnod Islwyn Ffowc Elis fel darlithydd a darllenydd yn y Gymraeg yng Ngholeg Prifysgol Dewi Sant, Llanbedr Pont Steffan.

Mae'r gyfres yn cynnwys y drafftiau llawysgrif cyntaf o Cysgod y Cryman, Ffenestri Tua'r Gwyll, Yn ôl i Leifior, Blas y Cynfyd, a Tabyrddau'r Babongo, 1953-1961, a chopi teipysgrif o Yn ôl i Leifior: ar gyfer oedolion sy'n dysgu Cymraeg, 1989.

Mae'r ffeil yn cynnwys ugain llyfr nodiadau yn cynnwys y drafft llawysgrif cyntaf o'r nofel Cysgod y Cryman (1953). 'Lle oeda'r Cryman' yw teitl y nofel yn y tri llyfr nodiadau cyntaf, ond mae'r teitl yn newid i 'Cysgod y Cryman' yn y pedwerydd llyfr. Mae'r llyfrau wedi cael eu rhifo mewn trefn gan yr awdur.

Mae'r ffeil yn cynnwys naw llyfr nodiadau yn cynnwys y drafft llawysgrif cyntaf o'r nofel Ffenestri Tua'r Gwyll (1955). 'Y Tŵr Ifori' yw teitl y nofel yn y llyfrau nodiadau. Mae'r llyfrau wedi cael eu rhifo mewn trefn gan yr awdur, 1-8, ac mae llyfr ychwanegol yn cynnwys nodiadau ar gynllun y nofel. Ceir hefyd broflenni o benodau 52 a 53, lle mae'r testun yn wahanol i'r fersiwn gyhoeddedig, a llythyr yn llaw'r awdur at y cyhoeddwr yn trafod cynnwys penodau olaf y nofel.

Mae'r ffeil yn cynnwys wyth llyfr nodiadau yn cynnwys y drafft llawysgrif cyntaf o'r nofel Yn ôl i Leifior (1956). Ni nodir y teitl ar y llyfrau nodiadau. Rhifwyd y dalennau gan yr awdur.

Mae'r ffeil yn cynnwys un llyfr nodiadau yn cynnwys rhan o ddrafft llawysgrif cyntaf y nofel Blas y Cynfyd (1958), sef pennod 1 a 2, a rhan o bennod 3.

Mae'r ffeil yn cynnwys pum llyfr nodiadau yn cynnwys y drafft llawysgrif cyntaf o'r nofel Tabyrddau'r Babongo (1961). 'Tabyrddau'r Babongo' neu 'T.B.' yw'r teitl ar bob llyfr nodiadau, ac maent wedi cael eu rhifo mewn trefn gan yr awdur.

Mae'r ffeil yn cynnwys fersiwn teipysgrif o Yn ôl i Leifior: ar gyfer oedolion sy'n dysgu Cymraeg (1989). Mae'r ffeil hefyd yn cynnwys gohebiaeth a dogfennau'n ymwneud â'r Cyngor Llyfrau Cymraeg, 1987-1989.

Mae'r gyfres yn cynnwys llyfr barddoniaeth Islwyn Ffowc Elis tra roedd yn chweched dosbarth Ysgol Sir Llangollen. Mae'r cerddi mewn Cymraeg a Saesneg ac yn dyddio rhwng 1940 a 1942. Ceir hefyd 13 dalen rhydd yn cynnwys geiriau caneuon ac alawon mewn nodiant sol-ffa.

Mae'r gyfres yn cynnwys llyfrau nodiadau cymysg yn cynnwys copïau llawysgrif a theipysgrif o ddramâu yn bennaf, ynghyd â rhai caneuon, storïau a beirniadaethau.

Mae'r ffeil yn cynnwys copi teipysgrif o ddrama gan Islwyn Ffowc Elis o'r enw 'Huws & Co.' a ddarlledwyd gan BBC Cymru ar 19eg Mehefin 1954. Mae'r dudalen glawr yn rhestri enwau'r actorion a'r cantorion.

Mae'r ffeil yn cynnwys drafft llawysgrif drama o'r enw 'Salvator Jones', (hanes yr hynod Salvator Jones, proffwyd y dyfodol). Ceir hefyd nodiant sol-ffa ar gyfer caneuon ac unawdau sy'n rhan o'r ddrama.

Mae'r ffeil yn cynnwys drafft llawysgrif o ddrama o'r enw 'Yr Unben', ac o ddrama di-deitl am 'Syr Alwyn'. Ceir hefyd nodiadau ar gyfer drama dditectif radio, a nodiadau amrywiol eraill.