Showing 2413 results

Dyfynnu o Haydn's Dictionary of Dates ynglyn â dyddio, e.e. newid dechrau'r flwyddyn i Ionawr y cyntaf yn 1752 yn hytrach na'r 25 Mawrth, dyddio dwbl, etc. Nodi dyddiadau talu rhenti ffermydd yng Nghymru. Gellir prynu copïau ail-law o'r llyfr dyddiadau mewn siopau llyfrwerthwyr.

Tystlythyr i Kate Roberts yn dweud ei bod yn athrawes Gymraeg tan gamp. Saesneg/English.

Mae'n addo mynd i Hirwaun ar gais KR. Mae wrthi fel lladd nadroedd yn gorffen ei lyfr ar Bantycelyn. "Y mae'n bur dda, os goddefwch imi fragio! O leiaf bydd yn dipyn o sioc i'r bobl na ddarllensant Williams drwyddo erioed". Mae Saunders Lewis yn ofni ei fod yn cytuno â KR ynglyn â nofel Morris Williams. Mae'n hyderu y caiff ei chyhoeddi er mwyn iddo fynd ymlaen i gyhoeddi un arall "lle na fydd ef ei hun yn brif fater ei waith. Nofel llanc, adolescent yw hon. Rhaid mynd heibio i lencyndod cyn y galler ei drin yn null Joyce neu neb arall o'r meistriaid". Hwyrach y bydd rhaid galw pwyllgor y Blaid tua'r Pasg yn Aberystwyth. Hydera y bydd hynny'n gyfleus iddi. Mae'n teimlo fel petai "trol wedi mynd drosof a'm gadael yn fflat a sych". Mae'n bwriadu rhoi copi o'i lyfr [ar Bantycelyn] i KR ac i Prosser Rhys a dau neu dri arall pan fydd yn ymddangos. Iddynt hwy yr ysgrifennwyd ef.

Cefnogi cais KR am swydd Arolygwr Cynorthwyol gyda'r Bwrdd Addysg. Pwysleisir ei gwethgarwch llenyddol. Saesneg/English.

Tystlythyr i KR am swydd Arolygydd Ysgolion gyda'r Bwrdd Addysg. Pwysleisio ei statws hi fel llenor. Saesneg/English.

Taleb a derbynneb am 8/3c am gopïau ychwanegol o Deian a Loli. Saesneg/English.

Mae'n derbyn gwahoddiad i de gyda KR y dydd Gwener canlynol yn Aberdâr. Diolch am ddau lun. Bu'n cyfieithu straeon Kate Roberts i'w wraig a thybiai hi eu bod yn anghyffredin. Yr oedd hi yn falch iawn o weld ei llun felly. Dywedodd fod gan KR "wyneb da yn gystal â wyneb ffeind".

Maent yn amgau datganiad o'r cyfrif am argraffu Deian a Loli hyd at 30 Ebrill 1927. Cynhwysir hefyd restr o'r llyfrwerthwyr a dderbyniodd gopïau. Saesneg/English.

Datganiad o gyfrif Kate Roberts ynglyn ag argraffu Deian a Loli. Saesneg/English.

Mae'n bwriadu dod i Aberdâr ar y trên sy'n gadael Tonypandy am 1.24 ddydd Sadwrn. Cerdyn post.

Nid yw yn hoffi'r ddrama. Thema traethawd sydd ynddi nid drama. Cerdyn post.

Maent yn amgau datganiad o'r cyfrif am argraffu Deian a Loli hyd at 20 Medi 1927. Cynhwysir hefyd restr o'r llyfrwerthwyr a dderbyniodd gopïau. Saesneg/English.

Anfon i longyfarch KR ar y newydd ei bod am briodi Morris Williams. Mae popeth sy'n digwydd iddi yn bwysig iawn ac yn ei gyffwrdd yn agos a dwfn. Cael ei hadnabod hi fu un o freintiau mawr ei fywyd. Priodas dau arwr fydd hi. Bydd bywyd yn gyfoethog os hefyd yn ystormus. Hoffai Saunders Lewis fod yna i wasgu ei llaw.

Anfon datganiad am werthiant Deian a Loli hyd at 31 Ionawr 1928 a cheir rhestr o'r rhai a dderbyniodd gopïau. Saesneg/English.

Darllenodd stori Nadolig KR yn Y Genedl a'i mwynhau er ei fod yn cytuno â barn R. W[illiams] P[arry] nad yw hi ymysg pethau gorau KR ["Y Gwynt", Y Genedl (26 Rhag. 1927), t 6]. Mae'n bwriadu dehongli meddwl KR rhyw ddydd mewn ysgrif yn Y Llenor. Bydd yn dda ganddo ddarllen cyfrol ei brawd ar y chwareli hefyd. Diolch iddi am gofiant i 'Glasynys' [Owen Wynne Jones, 1828-70], y mae'n gampus. Nodi ei brysurdeb a'r gwaith sydd ganddo ar ei feddwl. Hoffai pe bai rhywun yn cymryd Y Ddraig Goch oddi arno ond y mae am gadw ymlaen nes bo'r Blaid ar ei thraed. Cafodd gip ar Garadog Prichard ychydig ddyddiau yng nghynt.

Ymateb i gais gan KR iddo ysgrifennu rhagymadrodd i'w llyfr [Rhigolau Bywyd]. Pwrpas hynny fel arfer yw rhoi hwb i'r llyfr. Nid oes angen hynny ar un o lyfrau KR "Yr ydych yn fwy na mi, Miss Roberts, yr ydych yn artist ac yn athrylith; y mae eich gwaith hefyd wedi ei gydnabod bellach". Os gwêl y cyhoeddwr fod angen rhagymadrodd y mae'n fodlon ysgrifennu cyflwyniad i'w straeon byrion hi. Gofyn am gopi o'r straeon i'w darllen ymlaen llaw. Mae'n diolch iddi am feddwl amdano yn y mater hwn.

Anfonodd at H. R. Jones i ofyn a gaiff weld ei anerchiad. Siom fawr oedd yr etholiadau sirol. Dim ond pynciau dibwys a drafodwyd ynddynt ar wahân i'r De, lle trafodwyd problemau Sosialaeth. Mae'r toriad o'r Genedl a anfonodd Kate Roberts ato yn profi hynny hefyd. Clywodd gan W.J.G. bod ganddi ysgrif ar gyfer Y Llenor ["Caeau", Y Llenor, cyfrol VII (1928), tt 93-5]. Saunders Lewis yn ymateb i sylw KR ei bod yn rhy hapus i ysgrifennu. Nid yw wedi dechrau ysgrifennu am "Lasynys". Mae'n ysgrifennu am Ddaniel Owen ar hyn o bryd. Cafodd hwyl ar bennod gyntaf Daniel Owen. Ar ôl gorffen ysgrifennu y diwrnod cynt fe brynodd bum potel o win ardderchog 1916 o winllan Chateau Beychevelle. Mae'n holi pa anrheg priodas y caiff ei anfon iddi. Hen siwg gwrw a anfonodd i Brosser Rhys. Mae'n hoffi prynu pethau i'w rhoi i gyfeillion sy'n yfwyr. Mae'n bwrw'r Pasg yn Lerpwl gyda hen gyfaill sy'n fardd Saesneg da ac yn feddyg. Yna mae'n mynd i sir Gaerfyrddin i weithio dros y Blaid am wythnos gron, un rhan o waith y Blaid sy'n gwbl ffiaidd ganddo. Mae Cynan yn ôl ymhlith y Rhyddfrydwyr, ychydig ynghynt dywedid ei fod wedi ymuno â'r Blaid Genedlaethol. Y mae Ein Tir yn bapur da iawn, yn llawn lluniau ac ysgrifau poblogaidd. Mae ganddo'r holl rinweddau y mae'r Ddraig Goch yn ddiffygiol ynddynt. Mae cyfieithu Prosser Rhys yn wych.

Ymateb i'r newydd fod KR am briodi Morris T. Williams. Ei ymateb ef i briodi. Dylai ei huniad fod yn batrwm o gydnawsedd a chyd-ddealltwriaeth ysbrydol. Hyderu y caiff y cyfle i'w croesawu i Abergwaun yn y dyfodol agos. Englyn gan Waldo a gyfansoddwyd yn fyrfyfyr pan fu ar ymweliad â chyfarfod o'r Blaid yn sir Gaerfyrddin a neb yn bresennol. Sylwi mai yn Aberystwyth y maent yn bwriadu byw ar ôl priodi. Mae cynnyrch Gwasg Aberystwyth yn dal i swyno a synnu dyn.

Dymuno'n dda i Kate Roberts ar glywed ei bod am briodi. Ei hargraffiadau o fywyd priodasol. Gwahoddiad i aros yno.

Awgrym cellweirus am stori fer. Cafodd bennod gyntaf ei nofel yn ôl oddi wrth E. Prosser Rhys [Monica]. Hanesyn creulon oedd hwnnw am ei brawd a'r dyledwr. Canmol ei herthyglau yn Y Ddraig Goch. Nid yw'n dymuno llwyddiant llenyddol er bod y gwaith politicaidd yn ei ddwyn i sylw'r werin. Mae hefyd yn ofni tipyn ei fod yn Babydd er mwyn ei esgymuno ei hun.