Showing 197 results

Toriad papur newydd yn rhaghysbysebu Pethe, rhaglen a ddarlledwyd ar gyfer S4C i ddathlu penblwydd Menna Elfyn yn drigain oed.

Copïau drafft a theg o gerddi a gyfieithwyd o'r Sbaeneg i'r Gymraeg gan Menna Elfyn ar gyfer Navidad Nuestra (Drama'r Geni), cynhyrchiad Cwmni Teliesyn ar gyfer S4C.

Deunydd yn ymwneud â'r rhaglen deledu Plant y Stryd, y ddegfed rhaglen yn y gyfres Dewch i Foli, a ddarlledwyd Rhagfyr 1994, gan gynnwys copi o sgript y rhaglen, cardiau a llythyrau at Menna Elfyn oddi wrth Juconi, sef lloches i blant y stryd yn ninas Puebla, Mecsico, ac oddi wrth yr International Children's Trust, cerdd gan Menna Elfyn a thorion o'r wasg.

Amlinelliad o gynnwys y ffilm deledu Llyn y Fan.

Deunydd yn ymwneud â'r rhaglen deledu Bardd yn Fietnam (1995), sef cynhyrchiad gan gwmni Boda ar gyfer S4C yn dilyn ymweliad Menna Elfyn â'r wlad, gan gynnwys drafftiau o sgriptiau teledu, amserlen ffilmio, costau a chyfrifon, manylion teithio ac ymweld, dogfennau teithio, copïau drafft a theg o gerddi gan Menna Elfyn (gan gynnwys cyfieithiadau o rai ohonynt i'r Saesneg), gohebiaeth at Menna Elfyn oddi wrth gynhyrchwyr y rhaglen ac oddi wrth Trinh Thi Dieu (sef prif gyswllt Menna Elfyn yn Hanoi), gohebiaeth oddi wrth Menna Elfyn at ei gŵr Wynfford James, cylchgronau a thorion papur newydd.

Deunydd yn ymwneud â phrosiectau ffilm a gyd-weithwyd arnynt gan Menna Elfyn gyda phlant a phobl ifanc.

Deunydd yn ymwneud â phrosiectau ffilm a gyd-weithwyd arnynt gan Menna Elfyn.

Deunydd yn ymwneud â phrosiectau cerddorol a gyd-weithwyd arnynt gan Menna Elfyn, gan gynnwys caneuon, operâu a gweithiau corawl a cherddorfaol.

Deunydd yn ymwneud â phrosiectau celf a gyd-weithwyd arnynt gan Menna Elfyn gyda Nigel Jenkins, Howard Bowcott, Iwan Bala ac eraill.

Deunydd yn ymwneud â phrosiectau a ymgymerwyd gan Menna Elfyn ar y cyd â chyfansoddwyr a cherddorion, artistiaid a gwneuthurwyr ffilm.

Llythyrau at Menna Elfyn oddi wrth y bardd a'r llenor Nigel Jenkins ynghylch Gŵyl Ardd Glyn Ebwy 1992 (gan amgau llythyr oddi wrth y bardd a'r artist aml-gyfrwng Peter Meilleur) a llythyr at Menna Elfyn oddi wrth yr artist aml-gyfrwng Carwyn Evans ynghylch ei ymateb i gerdd gan Menna Elfyn.

Prosiect celf gyhoeddus ar y cyd rhwng y beirdd Menna Elfyn, Nigel Jenkins, David Hughes a Rhys Owain Williams a'r artisitiaid Katie Allen, David Jones, Alan Goulbourne a Danielle Arbrey, gan gynnwys brasluniau, nodiadau a drafftiau, toriad papur newydd a gohebiaeth rhwng cyd-weithwyr y prosiect, yn bennaf oddi wrth Nigel Jenkins at eraill o'r cyfranwyr.

Deunydd yn ymwneud â phrosiect celf dinesig yn ninas Abertawe, gan gynnwys cynlluniau, drafftiau a nodiadau, torion papur newydd a llythyr at Menna Elfyn oddi wrth ei chyd-weithiwr Nigel Jenkins a'r caligraffydd Ieuan Rees.

Deunydd yn ymwneud â swyddogaethau Menna Elfyn o fewn Coleg Prifysgol Dewi Sant, Llanbedr-Pont-Steffan a Choleg y Drindod, Caerfyrddin (bellach ill dau yn adrannau o Brifysgol Cymru y Drindod Dewi Sant).

Deunydd yn ymwneud â'r flodeugerdd ddwyieithog Perffaith Nam/Perfect Blemish (2005, ail-argraffwyd 2007), gan gynnwys erthyglau, adolygiadau, datganiadau i'r wasg, argraffiadau o gloriau'r gyfrol, rhaghysbysebion ynghylch lansiad y gyfrol, gohebiaeth oddi wrth Gillian Clarke a'r Athro M. Wynn Thomas, a rhifyn o'r gyfrol wedi'i chyfieithu i'r Sbaeneg.

Copi teipysgrif o bennod yn dwyn y teitl 'Serenity amidst the chaos', sef cyfraniad Menna Elfyn i'r gyfrol [?]Welsh Writers, a gyhoeddwyd gan [?]yr Institute of Welsh Affairs yn [?]2012.

Copi teipysgrif o bennod yn dwyn y teitl 'O Soledad i Harlem', sef cyfraniad Menna Elfyn i'r gyfrol Canu Caeth: y Cymro a'r Affro-Americanaidd, a olygwyd gan Daniel G. Williams ac a gyhoeddwyd gan Wasg Gomer yn 2010.

Pennod yn dwyn y teitl 'Maen Ceti' yng Nghymraeg a 'Dancing on a Standing Stone' yn Saesneg a gyfranwyd gan Menna Elfyn at y gyfrol Megalith, a olygwyd gan Damian Walford Davies ac a gyhoeddwyd gan Wasg Gomer yn 2006.

Copi teipysgrif o bennod yn dwyn y teitl 'Comin Greenham', sef cyfraniad Menna Elfyn i'r gyfrol Dros Ryddid!, a olygwyd gan Llinos Dafydd ac Ifan Morgan Jones ac a gyhoeddwyd gan Wasg y Lolfa yn 2022.

Papurau'r Parchedig T. (Thomas) Elfyn Jones, tad Menna Elfyn, yn cynnwys: llyfryn a argraffwyd ar gyfer Cyfarfodydd Ordeinio T. Elfyn Jones yn weinidog ar gapeli Annibynnol Llanboidy a Rhydyceisiaid, Mai 5 & 6 1937; cerdyn post, 8 Mawrth 1949, oddi wrth y Parchedig T. Elfyn Jones o Ficerdy Christ Church, Caerwynt (Winchester) at Mr & Mrs B. Stephens, Llysderi, Tymbl Uchaf, ger Llanelli; llyfryn a argraffwyd ar gyfer Cyfarfodydd Sefydlu'r Parchedig T. Elfyn Jones yng Nghapel Annibynnol y Tabernacl, Pontardawe, 6 Hydref 1949; copi o erthygl ysgrifennwyd gan T. Elfyn Jones i'r Tyst, cylchgrawn Undeb yr Annibynnwyr a'r capeli Annibynol (rhifyn 19 Ebrill 1973); llyfrau nodiadau yn cynnwys lloffion o erthyglau argraffedig, 1981, 1986, 1988-1997, a gyfrannodd y Parchedig T. Elfyn Jones i'r Tyst (arnodiadau yn llaw T. Elfyn Jones), ynghyd ag un erthygl yn llaw T. Elfyn Jones; erthygl o rifyn Tachwedd 2005 o Papur y Cwm, papur bro Cwm Gwendraeth, yn adrodd hanes lansio Seinio Clod (Gwasg Morgannwg, 2005), cyfrol o emynau'r Parchedig T. Elfyn Jones (gweler nodyn bywgraffyddol T. Elfyn Jones ym mhrif weithlen y rhan hon o'r archif); taflen wasanaeth angladdol y Parchedig T. Elfyn Jones, 15 Hydref 2008; llythyrau, ebyst a cherdyn cydymdeimlad a anfonwyd at Menna Elfyn ar achlysur marwolaeth ei thad, y Parchedig T. Elfyn Jones, y gohebwyr yn cynnwys y Parchedig Guto Prys ap Gwynfor (mab y gwleidydd, cyfreithiwr ac awdur Gwynfor Evans), John Roberts (Radio Cymru), Dr Medwin Hughes (Prifathro Coleg y Drindod, Caerfyrddin), y bardd a'r llenor Nigel Jenkins, yr awdur a'r cynghorydd tref Peter Hughes Griffiths a'r academydd, hanesydd, darlledydd ac awdur Hywel Teifi Edwards; ysgrif goffa i'r Parchedig T. Elfyn Jones gan Alun Lenny a gyhoeddwyd yng nghylchgrawn Barn, Tachwedd 2008; llyfrynnau a argraffwyd ar gyfer Oedfaon Teyrnged i'r Parchedig T. Elfyn Jones yng Nghapel y Tabernacl, Pontardawe, 23 Tachwedd [2008] (y daflen yn cynnwys detholiad o gerdd yn dwyn y teitl 'Nhad gan Menna Elfyn, un o'r cerddi a ymddangosodd yn ei chasgliad 'Stafelloedd Aros (Gwasg Gomer, 1978)), ac yng Nghapel Seion, Drefach, 22 Chwefror 2009; teyrnged (teipysgrif) i'r Parchedig T. Elfyn Jones gan y Parchedig Wilbur Lloyd Roberts (gweler hefyd lyfryn yr Oedfa Deyrnged i'r Parchedig T. Elfyn Jones); taflen argraffedig ar gyfer gwasanaeth i ddathlu bywyd y Parchedig T. Elfyn Jones, 30 Tachwedd [2008]; a llyfryn a argraffwyd ar gyfer Oedfa o Fawl i'r Parchedig T. Elfyn Jones a J. Rhyddid Williams yng Nghapel Seion, Drefach, 23 Medi 2012.