Showing 1284 results

Llungopi o goeden deulu teulu Llewellyn, sy'n cynnwys Linda Llewellyn (yn ddiweddarach Williams), gwraig Waldo Williams. Lluniwyd y goeden deulu gan R. G. Thorne, Ionawr 1980 (gweler nodyn ar frig y ddalen).

Cerdd, yn ôl pob golwg gan Waldo Williams, mewn teipysgrif yn dwyn y teitl Tua'r Gogledd. Yn ôl nodyn ynghlwm wrth y gerdd, fe'i chyhoeddwyd yn rhifyn Awst 1950 o'r cyfnodolyn Taliesin.

Llungopi, a gymerwyd o ffynhonell brintiedig, o'r gerdd Cwm Berllan gan Waldo Williams. Cyhoeddwyd y gerdd am y tro cyntaf yn rhifyn Hydref 1931 o'r Ford Gron.

Llungopïau o lythyrau, 23 Mehefin 1956, 13 Medi 1956, 21 Medi 1956, at Waldo Williams oddi wrth Oscar Mac Uilis (Oscar Willis).

Llungopi o lythyr, 26 Mai 1961, at Waldo Williams oddi wrth y Tad Tadhg Ó Murchú.

Llungopi o gerdd yn dwyn y teitl 'Y Baban Diwrnod Oed'. 'Pethau Waldo' wedi'i nodi yn llaw Dilys Williams, chwaer Waldo Williams, ar ddalen flaen y llungopi.

Llungopi o lythyr, 24 Hydref 1962, oddi wrth y Parchedig Robert Parri Roberts at 'Mr Hughes' - o bosib John Hughes, Llangernyw (gweler Llythyr at Mr a Mrs John Hughes, Llangernyw dan bennawd Angharad Williams (née Jones)). Yng nghymal clo'r llythyr sonia Robert Parri Roberts am Waldo Williams fel ei "[g]yfaill pur - y Bardd mawr, Waldo Williams". Ar waelod y ddalen flaen ceir arysgrif o bosib yn llaw David Williams, nai Waldo (gweler Aelodau eraill teulu Waldo Williams - David Williams).

Manylion o gyfraniadau Waldo Williams ac aelodau o'i deulu i weithgareddau Guild y Bobl Ifainc Capel Bedyddwyr Blaenconin, Llandysilio, Sir Benfro, 1927 - 1935, y wybodaeth yn deillio o bapur newydd lleol (yn ôl pob tebyg, The Narberth, Whitland and Clynderwen Weekly News - gweler Alan Llwyd: Waldo: Cofiant Waldo Williams: 1904-1971 (Y Lolfa, 2014), tud. 161).

Llungopi o lythyr, dyddiedig 3 Gorffennaf 19[?88], at Mr & Mrs John Hughes, Llangernyw oddi wrth 'Gareth' o'r Baptist Missionary Society, Llundain yn diolch am ei ymweliad â bwthyn Syr Henry Jones, ewyrth Angharad Williams (née Jones), yn Llangernyw (am Syr Henry Jones, gweler yr enw hwnnw dan bennawd Angharad Williams (née Jones)).

Llythyr, 2 Awst [blwyddyn heb ei nodi], at Dilys Williams oddi wrth Margaret [Snell] (née Edmond), merch Mwynlan Mai Edmond (née Jones), chwaer Angharad Williams (née Jones), mam Dilys. Cyfeirir at sawl aelod o'r teulu, gan gynnwys gwaeledd Mwynlan Mai.

Llythyr, 5 Ionawr [blwyddyn heb ei nodi], at Dilys Williams oddi wrth Margaret [Snell] (née Edmond), ynghyd â llungopïau o'r cardiau oedd ynghlwm wrth flodau angladdol Mwynlan Mai. Yn y llythyr, crybwyllir sawl aelod o'r teulu, yn ogystal â hanesyn am Waldo yn ystod ymweliad Margaret a'i chwaer Glenys ag Elm Cottage, Llandysilio-yn-Nyfed, Sir Benfro pan yn blant.

Cyfrol o ryddiaith greadigol (y fedal ryddiaith).

Papurau iechyd amrywiol, gan gynnwys adroddiad o ymweliad Dolen Cymru â Lesotho gyda'r Cyswllt Betsi Cadwaladr-Quthing, Ebrill-Mai. Mae'r unig bapurau 2015-2017 yn ymwneud â chyfarfodydd y Pwyllgor Iechyd, 2015 a 2017.

Nofel heb ei chyhoeddi gyda llinyn storïol cryf (Gwobr Goffa Daniel Owen).

Llythyrau oddi wrth Bobi Jones, ynghyd â cherddi ganddo, 1987-2017.

Ffotograffau a thorion yn ymwneud â'i lwyddiant yn yr Eisteddfod Genedlaethol; ei daflen etholiad fel ymgeisydd Ceidwadol yn Ynys Môn mewn Etholiad Cyffredinol, [1964x1970]; gweithio gyda’r BBC; llungopïau o’r Radio Times am y ddrama ‘Y darn arian’ a gyfieithiwyd ganddo o’r Saesneg ac a ddarlledwyd yn 1936, a sgwrs ganddo ‘Alltud o Gymro yn Ceylon’ a ddarlledwyd yn 1937.

Y fedal ddrama; cyfansoddi drama (i rai dan 25 oed); cyfansoddi dwy fonolog gyferbyniol; a chyfansoddi drama radio Gymreig.

Papurau personol amrywiol Nansi Selwood ac yn ymwneud â hi, 1947-2017, gan gynnwys rhaglen Noson Wobrwyo Gwobr Goffa Griffith John Williams, 1988, pan ddyfarnwyd iddi'r wobr gan Gyngor Celfyddydau Cymru am ei nofel Brychan dir; rhaglenni cymdeithasau y bu'n eu hannerch; allbrintiau o erthyglau a gyhoeddwyd ar y We yn 2012 yn ymwneud â’i golwg yn dirywio ac fel yr aeth ati i ddysgu braille yn ei hwythdegau, ynghyd â thaflen angladd ei mam Martha Williams, 1969, a thaflen gwasanaeth angladd Nansi Selwood, 18 Chwefror 2017.