Showing 92 results

Mae'r uned yn cynnwys papurau personol, 1897-1903, a phapurau llenyddol Ben Bowen, 1894-1903.

Mae'r grŵp yn cynnwys papurau crefyddol David Bowen, 1905-1954 , deunydd a phapurau personol, [1890]-[1955], a'i bapurau llenyddol, [1890]-[1955].

Cofrestri anghydffurfiol, 1866-1998; cofrestri Eglwysig, 1864-1975; llyfrau cofnodion, 1882-1999; llyfrau cofnodion eraill, 1871-1996; gohebiaeth, 1940-1998; papurau'n ymwneud â chynnal a chadw'r adeilad, 1901-1998; gweithredoedd, 1809-1929; cyfarfodydd gweddi, 1867-1909; tocynnau aelodaeth, 1939-1997; ffurflenni claddedigaeth, 1917-1944; ystadegau, 1938-[1993]; eiddo'r Eglwys, 1937-1990; a holiadur, [1922]-[1998], am gynnal oedfaon.

Cofnodion Ysgolion Sul Engedi a Mark Lane, 1871-[1990].

Papurau llenyddol, 1948-2002, gan gynnwys llawysgrifau, teipysgrifau a phroflenni rhai o'i gyhoeddiadau, 1970-1997, erthyglau, adolygiadau, beirniadaethau a phapurau'n ymwneud â'i gyfraniadau i'r Cydymaith.

Papurau personol, papurau proffesiynol a phapurau llenyddol D. Tecwyn Lloyd, ynghyd â rhai'n ymwneud â hanes lleol a phapurau pobl eraill, [1870]-1998, gan gynnwys nifer helaeth o lythyrau a phapurau'n ymwneud â'i weithiau llenyddol megis ei astudiaeth o Saunders Lewis. Ceir deunydd yn gysylltiedig â'i waith fel golygydd i'r cylchgrawn Taliesin ac fel tiwtor addysg i oedolion.

Papurau Siân Williams, [1866]-1965, yn cynnwys llythyrau oddi wrth aelodau o'i theulu; llythyrau a dderbyniodd tra roedd ei gŵr D. J. Williams yng ngharchar Wormwood Scrubs, 1936-1937; ei dyddiaduron, 1910-1964; a phapurau teuluol.

Mae'r grŵp hwn yn cynnwys nodiadau, llawysgrifau a theipysgrifau gogyfer â rhai o gyfrolau cyhoeddedig Angharad Tomos, ynghyd â llawysgrifau dwy gyfrol anorffenedig, 1986-1997.

Papurau yn ymwneud â, ac a grynhowyd gan, aelodau o deulu Iorwerth Peate, 1847-1983, sef ei daid David Peate, ei frawd yntau Morris Peat, George H. Peate, Nansi Peate a Dafydd Peate. Ymhlith y papurau ceir dyddiaduron, llyfrau nodiadau a llythyrau.

Ymhlith y cyfansoddiadau, 1887-1950, mae 'Yr arwr', awdl fuddugol Hedd Wyn, Eisteddfod Genedlaethol Penbedw 1917, a beirniadaethau.

Mae'r grŵp yn cynnwys llythyrau, gan mwyaf at Llewellyn Llewellyn a'i wraig Priscilla, oddi wrth eu teulu, ac hefyd, oddi wrth ffrindiau a chydnabod, 1880-1926. Mae'r ohebiaeth, gan mwyaf, yn ymwneud â Llewellyn Llewellyn a'i deulu. Ceir hefyd rai dogfennau personol ac amrywiol, cardiau post a phrisiadau tir, 1892-1921.

Mae'r grŵp yn cynnwys dyddiaduron o fyfyrdodau ac emynau, 1900-1932; cerddi, pregethau, nodiadau darlithiau, areithiau, ac eitemau a gasglwyd gan Ben Davies 1862 - [1937]; casgliad o erthyglau a cherddi a gyhoeddwyd mewn cylchgronau, 1896-1931; papurau a nodiadau yn ymwneud â'r Wladfa, 1923 - [1937]; ychydig nodiadau ar Ddiwygiad 1904, pryddestau eisteddfodol, 1889-1891; a drafftiau o ddramâu, heb eu dyddio. Mae'r grŵp hefyd yn cynnwys dwy eitem nad ydynt yn ymwneud â Ben Davies, 1945, 1964.

Gohebiaeth rhwng Dr Iorwerth Hughes Jones a gwahanol unigolion a sefydliadau, 1924-1972.

Mae'r adran hon yn cynnwys llythyrau at y golygydd a datganiadau i'r wasg, 1986-1992.

Cofrestri eglwysig, 1960-1977; gwybodaeth am gyfraniadau ariannol yr aelodau, am fedyddiadau, marwolaethau a phriodasau, a mantolenni ariannol Cymdeithas y Capel a'r Ysgol Sul, 1900-1995; gohebiaeth yr ysgrifennydd, 1963-1997, yn cynnwys papurau'n ymwneud â gofal am yr adeiladau a'r fynwent; ystadegau blynyddol am nifer yr aelodau a'r sefyllfa ariannol, 1909-1995; a chyfrifon a chytundebau amrywiol, 1855-1982.

Mae'r grŵp yn cynnwys gohebiaeth deuluol a chyffredinol, rhai papurau personol a pheth deunydd amrywiol.

Gohebiaeth, dyddiaduron, sgriptiau a phapurau amrywiol, 1900-1991.